各界親愛的友好,HELLO!又係我,黎自全港至HIGH的(選擇-新城'勁歌台'FM9.7至102.1 HIT RADIO的)'BING令BUM林陳小芝',好嗎?!(超硬賣).

唔經唔覺又兩年

上兩期都講過啦,我地近排都係咁啦......無乜特別得閒過!拿,8月8號係尖沙咀文化中心廣場有我地的兩周年台慶SHOW-'勁爆二千年音樂會'.點呀,唔經唔覺我地'勁歌台'都不斷以'靚仔靚女'DJ攻勢......SORRY!(你做乜又嘔呀??)唔好意思下!查實,今年已經係我地第3次係文化中心廣場舉行露天晏晝台慶CONCERT:第一次係係'勁歌台'正式啟播前1個月,91年的7月,叫做'勁到七彩音樂會'.第2次係舊年的8月,我地的1周年台慶,'勁爆一千年音樂會';今年係第三年羅.

WELL,就咁,今年的'勁爆二千年音樂會'將以極之誇啦啦的6,70年代懷舊LOOK出現.除左個舞台設計之外,最重要就係D DJ喇.想睇的話,到時記得去啦!

'勁爆家族音樂大賞'爭持激烈

而第2單本年度的'堅料',就係將於9月4號,係紅磡體育館隆重舉行的第2屆'勁爆家族音樂大賞'.暫時為止,各獎項的爭奪異常激之誇啦啦;每一個獎的最後5強亦即將公佈,等全港的聽迷友好都可以投佢地心愛歌手OR歌曲1票.SO,等一等,OKAY!?

星期日記得去探蔡露奴

另外,BESIDES以上兩樣勁野之外,查實成個8,9月份仍然如常地SHOW接SHOW-'勁歌台'的一貫風格.喂喂各界友好,REMEBER逢星期日係彌敦道普慶廣場,下晝2點半同天皇巨星-蔡露奴小姐的聚會嗎?!請緊記,蔡露奴同小芝芝,逢星期日下晝2點半都會係以上的商場地庫TV WALL前出現,大......大派禮物.

到時見啦,請呀!