<Merry 多人>
24號, 原本計劃到尖沙咀睇煙花, 點知宜家睇煙花都要買飛, 人又多, 人流管制一塌糊塗, 警方有趣地帶人遊花園, 遊到累, 轉到厭, 行到悶, 人群自然散去, What a tactic!!
就係禁, 我同Annie就做了自然散去的良好市民, 在大路窺看屋頂與屋頂之間的煙花, 好有偷窺的感覺....
之後番去時代廣場, 點知時代倒數新年就不會倒數聖誕, 一大群人就好似菲律賓工人星期日聚一聚禁, 唔知為咩, 唔知做咩, 唔知等咩, 聚埋一堆以自己的錶, 唔同的時間準則倒數, 最後大家就來到相同的地方, 不同的時間大叫Merry Christmas(汗)
25號, 我們一起後第2個聖誕, 第1個聖誕我病倒了, 所以很希望今次可以跟Annie好好地慶祝一番!
那一天, 我們下午去睇<四眼雞丁>, 嗯, 套戲都OK, 富有教育意義, 總好過聖誕流流睇<King Kong>啦, 之後, 周圍行下, 等下, 為左平d, 我地去食11pm-1am的Buffet, 7pm睇完戲, 原來要等4個鐘都幾折磨人, 由其是因為時差好早眼訓, 亦因為無錢, 無咩心情睇衫, 但buffet真係有好多野食, 第一次同女朋友單獨食buffet感覺很特別, 總算為多災多難的聖誕鋪點美麗的雪花, hehe~~
這個聖誕, 不盡完美
希望日後, 食buffet唔洗因為食平d而等到11pm, 煙花可以係酒店睇唔洗同人逼
當然, 這不是聖誕的本質, 而是人們的物慾奢求, 但至少叫我明白, 如果有錢, 可以多好多選擇!!
<送機>
別人送我機就多, 我去送別人機就很少
12月28日, 我送Annie機, 一出門口就唔記得帶電話, 約的地點其實自己不太清楚在那裡, 四周圍搵電話, 原來當手提電話普及化之後, 入錢的公共電話亭已經好少見, 我好想扮自由行投訴一下!!
約左9am, 我在可能的地方不斷行, 一方面搵電話, 一方面睇下見唔見到拖住一個行李同佢差唔多高的女仔, 好彩, 命中注定, 在她搬行李上巴士的時候, 她見到我......無錯, 其實我見佢唔到(汗)
去到機場, 雖然明知幾日後又會再見, 但心還是有點不捨....
如果機場的上層代表離愁別悴, 下層又可唔可以代表衣錦榮歸呢?
<上機>
聖誕節完畢, 趕緊在新年之前番英國
12月30日, 上機前, 在我家中開了一個party, 眾多家人坐在同一張桌上, 感覺上卻像有一個個圈圈分隔著他們, 有人進入另一個圈, 他被冷落, 而另一個他跟另一個她開話題, 話題卻被封閉, 感覺奇怪.....
Party之後, 我們一家人, 還有2位表妹, 1位表弟去送我機, 第一次去英國的時候妳們都有來機場送我離開, 事隔差不多6年, 這一次將會是最後一次, 感激一路以來有妳們陪伴著我!!
<新年>
12個鐘飛機, 2個鐘Underground, 加2個鐘Train, 20分鐘巴士, 差不多所有英國交通工具都一天內搭晒, 花了大半天時間來到Birmingham, 吃過晚飯之後, 大家都準備去倒數, 但地方改了, 四周圍一點氣氛都沒有....
大顆兒盡力去找地方慶祝, 但新一年一開始就不太順意, 就像宿命似的, 想不到22年以來, 只有不多於3次不是看著電視機渡過....
下一年我們一定要打破宿命!!
<惡魔在身邊>
4拍, 8拍, 16拍, 滴答, 滴答, 滴答, 滴答
拍子機左右搖擺, 滴答, 滴答, 討厭, 喜歡, 討厭
討厭自己, 有時4拍, 有時16拍, 有時自卑, 有時憎恨
滴答, 滴答, 惡魔在低語
怎麼我總是對勝負如此執著?
<整齊>
整齊點解?
井井有條, 但不知想要的東西放在那裡
還是, 亂七八糟, 卻十分清楚什麼東西放在什麼地方?
其實只要所有野都是由自己放/掉/扔/拋就最"整齊"了
<你點睇野?>
by Stanley
明明兩條路軌不會相交, 但在視覺之下, 它們卻"真切地"在"無限"遠的地方彼此相交著...
是否正如幾米所說: "平衡線都總有相交的一天呢? "
浪漫? 這是我Final Year Project的Topic, 以數學的角度解釋人眼睇野....Theory好難明, 英文唔識寫, 你究竟會選擇一個你最愛的人, 還是最愛你的人, 今次....我都係選擇左我最愛的人, 她是我眾多Topics之中最有興趣的一個, 全Course有幾百人, 只有我一個選佢, 係, 我宜家好驚, 係, 佢有可能一D都唔愛我又或者好憎我, 但至少我忠貞, 哈哈, 好變態的比喻~
<快樂>
Stephen回來英國畢業, 阿凱來London相聚, 兩位同住2年的好朋友, 見到他們感覺很舒服! 連同Lily的朋友一班大概11人去了China Town唱K, 我們3個一開頭有小小旁若無人, 只顧自己談話, 說說近況, 但真的很久, 很久沒有人跟我講波經了, 大家飲飲酒, 唱下歌, 真的很快樂呀!!
不過歡樂的時光真係好短暫, 娓娓之聲過後, 寂寞又再襲來, 三小時相聚, 下個小時就要分別了, 果然輕輕的來, 輕輕的去, 果然, 一片雲彩都沒能帶走....
見到他們, 令我想起從前快樂的生活片段! 想到這裡, 卻叫我發現快樂不該在過去, 而在當下, 希望我可以跟今年的同屋好好地過啦~~