25/5/2004　(二)

失落,,,,,,,,,,,,,我要一個人!!!

24/5/2004　(一)

寫在這裡好像比較開心,,,,,,
不過update有d麻煩啦~~~
考完試得閒d先搵個方便寫日記的版版

嗯,,,係呀,,,我要考試了,,
明天第一科,,,,信心十足,,,
不過以後的科目就,,,,,哈哈哈~
加油加油加油!!!!!
死八ger~~~溫書啦~~~

15/5/2004　(六)

我咁大個人第一次打曱甴呀。
我一向都好好人會放生架嘛，
今次竟然趁我＊＃＠先出現。
我一轉頭，發現它伏在牆上，
第一時間想逃走，不過唔得，
唔好迫我！於進退兩難之時，
嘿嘿嘿嘿，我決定把心一橫，
就不要走！看誰怕誰，殺呀！
再有曱甴要讓我殺！超快感！

小故事時間

今天，我要說一個動物的故事。
從前，有一大豬頭和一小豬頭，
她們相遇之後就一起跌左落水，
原來，那叫做愛河，
她們在河裡好開心。
從此，大豬頭和小豬頭，
就快快樂樂的生活下去。

11/5/2004　(二)

讓我認識妳，我感謝，

讓我可能好好去愛妳，
是我以後會做的．．．

我說，，，我愛妳！！

8/5/2004　(六)

為左我們的將來。
我決定要學好國語！

今天的天氣哈哈哈。。。真係好哈哈哈∼哈。
唔．．．早上被一個不知名電話吵醒．．．．
不是那位『打錯』，不過應該都係不認識的，
才十點幾（哎呀，，，Ｅ+１０點幾都嫌早∼）
沒有接，由它播著我喜歡的音樂，直到掛線，
望出窗外，晴空萬里，簡直心曠神怡啦，，，
但我依稀記得早上行雷閃電，我應該是發夢．
我記得我們一家還在討論今晚上船看煙花的事
現在黑色暴雨警告，晚上可能取消云云．．．
在床上翻來翻去，想著剛才的夢，模糊而清楚
哈哈∼∼∼真係無鬼聊，，，起來梳洗之後，
肥妹告訴我現在黃雨，下？！外面天晴丫！！
原來剛才的夢是有發生過，不過我真的忘記了

。。。。。

原來．現實係可以咁似夢境，
那麼．那天的夢會是真的嗎？
有時間寫番個夢上黎先，哈哈

7/5/2004　(五)

青紅椒磨菇三文魚（紅汁）超好味。
．．．配公仔麵．．．哈哈哈∼∼∼

4/5/2004　(二)

Queenie叫到,,,"鄧"腳帶一次Camp
好耐無帶，今次係小學六年級，畢業營，

30/4/2004　(五)

３０號的早上，好累，差不多沒有睡，
我朝秦暮楚，前幾天掛念小雞頭，
今天就好想要小叮噹，，
小叮噹，如果你在我身邊∼∼∼多好∼
如果你唔可以係我身邊，有你個百寶袋都好
我雖要你的時光機，我要隨意門，
我想去我心愛的人身邊，親一下她的臉
或者只抱一抱都好∼∼∼嗯．．．
其實我沒有想念叮噹，我想念的是你。

25/4/2004　(六)

我有點想念小雞頭。只一點點，哈哈。
大朋友問：什麼是小雞頭。
我：小雞頭就是有一個小雞頭的人囉。
小雞頭是琪琪聲，小雞頭，跟我一起唸書的小雞頭。
長的再胖一點應該會更好抱，哈哈。小雞頭。
有沒有人想認識小雞頭，告訴我，我來介紹。

如果真的是小雞啄米，我就會被啄死。@@!

21/4/2004　(三)

今天去了剪髮,,,,剪得不多,,但整體感覺不同了
一時之間有點...接受不了,,因為實在太女孩子,,,
一向,,,我好喜歡自己中性的打扮,,
間中可以man man地,,,
現在轉了個新型象,,,,,有點不習慣,,
不過沒關係啦,,,不論我轉到怎樣,,,,,
我還是我~~~~都仲係咁可愛~~~哈哈~~

15/4/2004　(四)

原來五號係四號，原來從來都沒有過五號。

8/4/2004　(四)

星期一、三都無去補習，今日終於有去喇，
點知補補下不斷有好多人打黎，最少８次，
我認係誤人子弟，不過今次ｈａｉｒ得太明顯，
補完去同怪獸食飯，真係估佢唔到呀下，唱ｋ，
原來係慶祝佢地ｂｉｄ到份ｃｏｎｔｒａｃｔ，
同怪獸首鳳閣恩怨未了情都唔知係咩，又唱唔到
下次邊個同我唱ｋ，我一定要唱ｄｏｕｂｌｅ∼
係啦，唱ｋ要唱到飯都無得食囉，無奈啦∼∼∼
又無水飲，要飲啤酒囉-_-||，唉∼
之後ｍｉｎｇ話去飲野，約埋我ｆｒｉｅｎｄ，
不過諗諗下又唔想唱咁多酒，加上有ｄ肚餓，
加上唔想去ｄ咁多男人的地方飲，，，
（其實我ｆｒｉｅｎｄ都唔想啦）
我係咁ｌｕｒ我ｆｒｉｅｎｄ去ｃａｆｅ，
ｙｅａｈ∼得左∼∼點知飲完咖啡佢都係想飲酒，
好！！！今日就比個肚豪一豪佢！！！
山長水遠過九龍飲野，仲撞到識得ｇｅｉ人，
又識左ｄ人咁啦，然後坐左一陣，我就反屋企啦∼
ｙｅａｈ！∼我覺得自己好乖∼哈哈∼∼∼

8/4/2004　(四)

我想睇天作之盒，
今日0係屋企聽歌發現原來我有晒佢兩首主題曲，
仲係唯二未ｄｅｌｅｔｅ的中文詩經，
之前偶然0係車上聽到首愛是不保留，
只知道佢旋律好好聽，唔知咩人唱，
唔知唱咩，係今日聽番先發現。

點解會有呢兩首歌？話說之前迷戀彩虹仙子，
心裡面出現一句”彩虹下的約定”，
就上網ｓｅａｒｃｈ，咁先知佢原來係歌，
之後就搵佢ｄｏｗｎｌｏａｄ，順便睇下ｄ　ｕｓｅｒ有咩歌仔，
咁就ｄｏｗｎｌｏａｄ左好多詩歌，
聽晒之後就ｄｅｌｅｔｅ淨呢兩首喇∼
跟住ｅ＋我就覺得好想睇ｌａｗ，，，

哈哈∼∼想睇套戲都咁多藉口。

7/4/2004　(三)

我，不愛守承諾。
壞人！！！！！！

5/4/2004　(六)

今日，遇上特別的妳，地鐵裡，妳走過來，
拍了我一下，然後把東西遞給我，走了．
短短的幾秒鐘，我沒有看清楚妳的樣子，
沒有妳的名字，但是我會記得妳，
如果我再低頭看到妳的腳和鞋子，
妳真的很好，謝謝妳！

4/4/2004　(日)

那件事，大家都盡了力吧，事情都已經過去了嘛，
都兩天了，就不要老是悶在心裡，會悶壞的，
我相信我已經做的很好，我是希望大家都知道我做的好，
我不蓍求比別人優秀很多，只希望得到公平的對待。
我告訴你！我沒有哭，
我好乖的，根本不用去哭，對不？

兒童節快樂！！！以後都要快樂！

1/4/2004　(三)

愚人節，無咩節日氣氛，
大家都忙得不可開交，
言談間提到都的都係關於功課，
再唔係就係去年ｌｅｓｌｉｅ的事。
唔係咁中意呢種氣氛。

好開心今日放學可以同vicky一齊行反屋企，
雖然今年我地有機會再次同班，但係相處既機會並無多左，
在學校我地個圈子都唔同，可以話係無咩幾可講野，
更加唔會傾偈，有ｄ期待下次再一齊反屋企，
今日我地講既都圍繞功課野，
希望下次可以拋開功課的事，暢談生活事！
係啦可，唔知點解，對ｖｉｃｋｙ有一種特別既好感
接觸唔多，但每次相處，都有一種來自內心深處的喜悅！

廿九/三/2004　(１)

如果將我們的故事編成一部小說，會有結局嗎？
如果妳我是一齣戲，結局會是怎麼樣終？
結局是指大團員，還是指劇終、終止阿？
最近老是想著看戲的事，想瘋了。
我想有個家(Hope to Have a Home)、２０．３０．４０
連鎖蝶變(The Butterfly Effect)、大魚奇緣(Big Fish)
都好想看，好貪心呀！！！（都好舊喇呵，我ｏｕｔ丫嘛）

－－－

在我的人生舞台上，不要充滿傳奇，但要演得精彩
＠＠：我，貪新鮮，折舊了就會被遺棄，，，
你願意走進我的舞台裡嗎？？？
五號：我願意．．．但，，她也可以進來嗎？
＠＠：　．　．　．　．　．　　　她是誰？
五號：　　　小芸，，，　　　我喜歡的人。
如果　　，，，，，你是＠＠，，你會怎樣？

22/3/2004　(一)

今次意料之外地自私左。只此一次，下不遺例。
多謝同學間的體諒，令我未來的合作更有信心．．．

謝謝！！！

其實心底裡係唔開心的！
但係，點解喎？妖！

4/3/2004　(四)

丫,,今日見到winnie,,,,
我同佢笑左一笑,,,無講野,,,,,
然後佢話佢生智慧牙。

25/2/2004　(三)

口胡~~口胡~~口胡~~口胡~~口胡~~~吼!!!
好想大嗌~呀~食左屎呀???　　@0215。累

24/2/2004　(二)

阿媽話男人同女人唔同
唔可以用同一套方式對佢地
我唔會食得住大朋友
大朋友即刻笑,,,佢十分同意,,,,
呢個小朋友,,邊食得住我丫~
對,我都同意,,,其實我都無諗住要食佢
廢事我食到成口豬油膏~哈哈哈~

xx/xx/2004　(2)

呀媽話同我同大朋友去旅行
都唔明做咩事
咁唔係應該開心咩
煩咩姐???!!!!!

18/02/2004　(三)

今日同衰仔補完習，偷偷地去ｏｋ買雪糕
-_-||粉紅色的芒果味，食入口都唔知咩味
食食下發現個雪糕筒怪怪地，原來佢比左兩個我
仲要係疊埋一齊當一杯雪糕囉，真有型！

是日宜忌：：：：：：：：
宜：帶多幾舊電先好帶相機
忌：食晚飯時在快餐店睡覺

18/02/2004　(三)

天氣已經回暖了
你可以放心玩你的
頸巾嘛，反正現在用不著
留待下年才繼續編吧
其實我不用說，你也這樣想吧∼

29/01/2004　(四)

丫∼我明喇，，，你係專登慢ｄ，，，，，
等呢個寒冬裡，你可以做我人肉暖巾，，，
每次見面都可以攬住我，你奸呀，係咪？！

29/01/2004　(四)

明晒啦∼老夫子好重要，玩大富翁好重要，凍匾我吧啦∼

28/01/2004　(三)

媽咪話唔可以成日咁縱你，咁就你呀！
為左我地既幸福，我會聽媽媽話ga喇∼

28/01/2004　(三)

好核突呀，搞到我成口都係毛。
嗽左幾次口都仲有。
最後要我用手抆番出黎。

都唔明d牙刷點解可以甩毛甩成咁。
呢支牙刷，成為有史以來壽命最短既一支，
開左出黎唔夠十分鐘，就移左民去垃圾桶。
佢連牙刷座都無住過呀。。。

25/01/2004　(日)

不知不覺又一年，係呀，，我地一週年喇。。
呢個咁特別的日子裡，梗係做ｄ特別既事啦，

首先就係做番一年前我地做過既事：：睇戲。
我地去左睇小飛俠，都幾好睇，但係唔好聽，
兩個主角講野一舊舊，睇英文版可能好好多，
不過好少有英文版，我地都覺得小飛俠好靚仔

第２件事就係上大朋友屋企放火
估唔到打邊爐可以打到放火囉
張抬就咁就燒焦左，好論盡呀

11/01/2004　(日)

去年今日撈ｂ仔都係去左睇金雞

10/01/2004　(六)

當小米仔遇上小米。。。

聽完new year parade的briefing，
跟Honey和Winnie去了阿貓地攤飲野，
這個三人組合，我從來都無想像過，
最高興是，在阿貓地攤我可以盡情與貓耍樂，
在cafe的眾多貓貓裡，牠的一舉一動特別吸引我。
牠，沒有"驕人的身段"，也不是特別活躍，
牠的樣子有點像米高，在cafe裡遊來遊去
對牠就是有一種獨特的偏愛，好想黏著牠，
在cafe裡，我走來走去，就是為了接近牠，
之後，借了一包貓糧，成功把牠留在身邊，
一邊喝著特飲，一邊跟牠玩耍，感覺真悠閒
ｄ貓毛滑雪雪，暖粒粒咁，摸落好舒服。
不知不覺，竟然已經坐（玩）左幾個鐘，
臨走果陣，職員告訴我，牠的名字叫小米。
小米，一個我多麼喜歡的名字。
難怪我特別鍾情於你。。。

01/01/2004　(四)

2004既第1日，1月1號晚，
撈Ｂ家又多左位家庭成員
佢個名叫一哥，
係10月4號生日既"十蚊雞"個新細佬

(又係撈掟返黎架.....
相信一哥係2004年會帶比我同老婆好運既)

『。•’﹁。新年ＨＡＰＰＹ呀。﹏〉。•』