2005年3月22日 赤柱 日水磯釣
牛屎立一大條 ( 放血後 4斤12兩 )
終於都破了我個人磯釣黑立紀錄!!!
小雞魚 及其他雜魚仔等等...
　

早上 4時半左右上位,6時多天光時見到一條大浦魚跳起及打水..
即時覺得..大鑊..啦....仲有無魚釣吖...?!! 便轉用2.5號子線搏雞魚仔啦..!
起初只有九公/九嬏,梭囖..
但到了潮水返漲不久,7時30分突然有魚急速拉波..
第一次揪竿鉤不到魚, 跟住立即轉用重皮蟹腳,哈哈...立即拉竿...嘩...
好勁拉力呀...頂唔到啦....由於上一次在這個位爆了一條好的大黑沙的咀!!!所以今次....hehe
即時打八字又再打八字,好唔容易才見魚上水,起初好似一條大黑沙,
一上水立即又再沖下,又頂,收絲又收絲,又再上水,然後再來一次勁沖落我的腳底...
支竿經已頂盡,為有試一試照收魚上來啦...哈..收到喎..跟住它便張開大口不甘心地等我
用撈磯請它上來共享早餐囉..哈哈...跟住..打水養它,用手機影相,再繼續釣魚..但..
之後都無其他大魚訊了,直到下午2時多,開支手竿玩下,便中了條小雞,斷了兩口腳底雞雞囉!
下午4時船到前,因為無哂電,無氣 ,條魚要回宮見韓尚宮喎! 咁我便立即...
幫它放血,又再用手機影相囉!!!

由於先前有好多人在這個位,即使用了4號及6號子線都係斷絲收場!
但由於我見到那條大浦魚打水後,一心只想釣雞雞,便反而只用了2.5號子線得手,
心中覺悟到,當時發揮及運氣才最重要的,經過咁多實習後,總算進一步了!

今次真係好開心能夠以我的磯釣功夫成功地釣到一條咁大的黑立!
由於今年我還有氣有力,希望用我個人最大的努力,創多一些紀錄魚吧!