12月31日記事--除夕特別加長版
今日下午約左丁丁同qyam出黎食飯~~本來kiki都話黎架~~不過我地出到去佢都仲未起身~~-.-
(kiki--一個以瘦身為終身事業的少女一名)
飯後~~我地三個打左一陣機~~之後我同qyam就出左旺角勁消費~~而丁丁就約左朋友行街~~
講得勁消費~~當然用唔少$$啦~~qyam佢o係一個鐘頭內用左$2500~~~!!
係振興香港經濟o既一支強心針!!
之後我陪左我呢一位好朋友去左搵佢女朋友--connie,(connie--又名小淡{網名}係qyam最愛~~)
因為connie要返屋企食飯o既關係~~最後食飯果時就變左呀van見qyam家長~~(我同qyam同qyam媽食飯)
o係食飯o既時候~~我搵左宜家最脊手可熱o既女子組合,9人一組,人稱9餅o既曲奇~~做封面o既"don't 甩"一本黎消磨時間
經過我同qyam o既細心觀察之下~~有一件令我好唔開心o既事
我地發現我9個人入面我最喜愛o既miki~o係9個人入面佢對腳係最粗.....
我以後睇曲奇o既時候~我諗我會只係睇上半身就算
(o係今日最後一段會有唱"不要離我太遠"o既一位曲奇成員o既出現~~)
之後我同qyam就帶住偒心o既心情離開土瓜灣~向旺角進發
去到旺角,因為我o既同學食緊飯,而qyam女朋友又未出到黎,所以我地"男版twins"(嘔~~!!)就去左打機
今日qyam佢on fire~~o係賽車場上2戰2勝~~反觀呀van就完全冇乜表現
o係滿足完我地兩個大細路o既自大性格之後~我就去左搵我班同學~qyam佢就去搵佢o既閃令令
van約左佢d同學o係百老滙戲院等,佢地分別係met,奶粉,paul少~~~又要介紹一下
(met--一個鐘意海人~而樣子亦都開始似海人o既同學)
(奶粉--唔知點解佢叫奶粉~~佢係met o既另一半~~)
(paul少--又名天佑~係我地青衣ive o既"side"{音shine})
當時時間係大概8點半,呀van諗起我o既一個好朋友erika正o係附近上完日文堂
(erika--又名艾力嘉~~呀van好友們之一,人稱青衣candy lo...-.-)今日出場人物特別多=-=
所以呀van即刻打俾erika~~睇下佢過唔過黎一齊玩~
erika黎到之後,我地一干人就陪左佢去食野,而o係食野o既途中我地就商討今日去邊度har
結果同政府研究睹波合法化一樣~~結果係冇結果
最後o係我地o係街度擺左十幾分鐘post之後(即係企左十幾分鐘),我地決定左去"蘭瑰坊",感受一下西方人count down o既方式
到左中環之後,我地發現香港實在有太多人好似我地幾個人咁諗~~想感受一下西方文化
搞到成街都係香港人或者o係扮西化o既香港人,令呢度西人o既比例比你o係新界見到西人o既機會差唔多
大約都係0.1%-0.5%左右~~
我地十點十五分左右到左~~我地知道我地要等成兩個鐘頭左右先可以享受到count down果數分鐘歡樂
不過我地都係選擇等~~
咁係呢兩個鐘頭我地就不停~~影下相~~大叫一下~~打電話俾朋友~~(你終於知道你count down果晚點解收到咁多電話~因為你有好多朋友都等緊count down~~)
時間到左11點50分左右~~成條街~~甚至成個香港都開始熱鬧起黎
大家都為左2003年o既來臨而開心(但係冇乜人為2002年離開而難過)
時間大約11:59~~我地幾個就自己count down左一次~~
因為在場冇人知道真係幾時係十二點~~我地count down左之後,再見到不下十次o既count down,就算到00:05都keep住count~~
count down完之後我同paul少就立即去搵洗手間~~(忍左成兩個鐘~~>~<)
之後我地一行人就搭地鐵到旺角解散
有追開呢個diary o既人應該記得我之前我咪講過我今日唔係要等我一個朋友電話架咩~~
我地其實都有不停咁keep in touch,o係我到左旺角o既時候~~佢都左旺角~~之後我就送左佢返屋企~~
當時van身在土瓜灣~~我就順便搵下qyam~~同佢食左個宵夜(其實得我食)之後我閃啦~~
當我都以為今日玩完晒~~想見o既人都見左~~應該o係返屋企o既時候~~電話突然響起~~
"bibi~~bibi~~"
電話o既另一面接上我o既另一位好友~~andy~~
電話完結之後我個電話亦都同我講~~
"低電量警告"
我地約左去銅鑼灣同jennifer飲野~~但到最後jennifer都係冇黎到時>∼<
結果我同andy兩個未來香港o既新希望~~到左維園度har~~
期間~~andy打過電話俾stephy(又要再提~~佢係宜家最脊手可熱o既女子組合,9人一組,人稱9餅o既曲奇入面最多人留意o既隊長stephy)
當時呀van真係好想同stephy o係電話講一句說話~~雖然最後都冇講到
"stephy,可以叫miki黎聽電話嗎~??"
當時我真係有呢個衝動
因為我地等唔到jennifer黎飲野~~我同andy就去食左少少野之後就各自歸家~~(呀van又食野=.=)
新o既一年~~van祝大家心想事成~~
我的各位同學就一齊升上yr2~~^^
2003/01/01--16:58
back