【RAIN】
雨〔１〕羽（U）yen粵音（jy5語）
〔名〕空中的水蒸氣，形成微細水點。行至冷處，聚成大點，因體重而下落。
〔２〕預（U）yuh粵音（jy6預）〔動〕1.下雨 2.落下（例）雨雪.
Rain，畢業於香港中文大學宗教系，副修哲學。
依前輩所言，既然不是修讀"四師"（醫師，律師，會計師，藥劑師），那，唸那科又何干？！
鍾意唔鍾意
我鍾意幻想鍾意寫野鍾意畫畫鍾意水果糖鍾意電單車鍾意打鼓鍾意腸蛋麵鍾意鐵皮機械人鍾意搖控飛機鍾意啤啤熊鍾意童話鍾意北野武鍾意天使鍾意固執。
我唔鍾意睡覺唔鍾意食野更加唔鍾意飲水，我寧願飲咖啡飲鴛鴦飲茶…
我鍾意有人欣賞我的"敢"，我的"作"，我的細心。鍾意有人話我有急才有腦神經刀，鍾意煮野唔鍾意食野，鍾意心口掛個"勇"，鍾意上刀山落油鑊，赴湯蹈火，鍾意忙…
我唔鍾意麻煩唔鍾意滋油唔鍾意不公平唔鍾意蠢，唔鍾意黑夜的海更加唔鍾意甚至有點怕它的"魚"，沒錯，就是街市裡一條條活生生，懂得幽你一默，明明裝死又伺機來個鯉躍龍門嚇你一跳的魚。
相對論
天有好生之德，給我一個靈活跳脫的雙子座，卻附加一個第四型人（心理學上九型人格論）的性格，使我自相矛盾得不得了。
雙子座聰明，靈巧，機敏，口甜舌滑，世故，藝術家。第四型人沉鬱，內向，多愁善感，悲觀，主動欲求負面情緒，若即若離。但我，早已視二者為囊中物，唯一可以形容的，我是否多變則要看時看景看人，主動但深藏…雙子嘛，不就是一動一靜，各走極端但連體的嗎？
喜歡逗人開心，自己卻喜歡沉溺唔開心。有人會叫我"慳妹"，但我鍾意有人叫我"傻妹"。
∼Rain，如是說。