怒斥追債手法污糟報警求助 世榮扯火:我從來冇爭人錢

怒斥追債手法污糟 報警求助
世榮扯火:我從來冇爭人錢

葉世榮父母的舊居門外,日前被貼大字報,追收$278,000欠債!世
榮昨日舉行記者會時扯火地說:「我從來冇爭人錢!」並強調他的
經濟沒有問題,並會將事件交由律師及警方處理!

本報昨日率先披露葉世榮父母位於筲箕灣的舊居門外被貼大字報,
並以箱頭筆寫上他與母親的名字,追收$278,000欠款!記者昨日再
度走訪上址,發現屋內無人,所有大字報均已被撕掉,只剩下牆上
以紅筆寫上的「周XX」及「278000」。大廈看更表示,葉老夫婦每
朝都會返回上址,但昨日卻未見蹤影。而世榮昨日凌晨得知此事後
,即吩咐助手翌日早上到其父母舊居查看,及致電該自稱債主的男
子了解。與律師商量後,世榮決定報警,並於昨日傍晚召開記者會
交代事件!

強調經濟絕冇問題

記者會上,世榮首先重申他與母親絕無欠債,亦不認識該「債主」
,坦言已將事件交由律師處理,並會盡快報警。世榮強調其經濟絕
無問題,雖然沒有靚車及大屋在手,但所賺的錢足夠他與家人生活
及自資出碟!世榮說︰「做唱片開支大,要識得點管理,我雖然唔
係完全清楚盤數,但絕對唔會出現欠債情況!」

世榮曾吩咐助手聯絡該男子,惟對方堅持與他直接對話,故未知對
方追甚麼債!他勞氣地說︰「我都唔識佢,梗係冇打畀佢!佢咁搞
我屋企,嚇親佢老人家,我都想知佢係邊個,有乜咁大鑊爆?唔該
佢講囉,大家傾吓偈,講到咁既時候,出黎囉!當面傾掂佢,唔係
咁簡單一個電話。我從來冇爭人錢!佢有乜問題咪法律解決,光明
正大,可以出律師信畀我,點解要做呢啲野,搞到咁污糟?佢咁做
根本唔係正當人家!呢啲叫唔叫恐嚇?(怕唔怕影響聲譽?)我唔
理聲譽,只係想做音樂!」

歡迎公開欠債證據

雖然世榮與家人在事發前不久已搬往新居,但他現在出入也有助手
相陪︰「佢傻既點算?點知佢有冇精神病?要多謝女朋友保佑,我
地搬左冇幾耐,就有人黎搞事,可能我喺度,佢唔敢搞掛!總之呢
件事我好唔高興!好嬲!好火!」

由於該男子自稱有欠債證據在手,記者昨晚再聯絡世榮,他說︰「
如果佢有,唔該攞出黎!我唔會同佢聯絡,交晒畀律師!欠單上面
寫既野,可以係佢作出既,我點知係咪真?佢根本第一步就做錯晒
!」