Apr - 2005

21/4/2005 - 新日記

http://www.diaryxp.com/diary.php?user=lhkwan21


17/4/2005 - 第一隻金牌...

尋日... 係咁划係咁划, 仲要拉30min機... 仲符碌地破埋自己紀錄... 7398... 個人痛到訓唔著... 今日有幾多力唔知... 唯有不斷同自己講 - 大把力, 邊有事~~ 夠晒精神... 第一次玩2000, 正式比賽... 醒神d...

4+ heat, 第一返黎, 不過其實扒得差... 另一場heat, 竟然係"李錦記"班阿叔爆左出黎... 估佢唔到...

10點比賽, 跟住不停食蕉, 食包, 幫UST既兄弟姐妹打氣... 食小小飯, 訓下覺... 1630... 先至黎4+ final...

比盡佢... 結果最後都無趁side住既時候問隔離lane隻李錦記艇拎生抽蠔油辣椒醬... 但係終於拎到我咁大個仔... 第一個靠自己實力贏返黎既金牌 (如果唔係靠自己實力, 以前做後備龍, 後備到唔使響球場出現都有既牌, 我拎過...)...

返到黎, 上艇... 拎完個牌, 即刻要跳落隻8+... 即刻出第二場... Men 8+... 唔理啦... 爆埋剩低d力佢... 雖然, 我都cap左3/4槳, 差小小就成隻艇比我整停, 到時罪該萬死... 好彩... 都拎到第二塊金牌返黎... 一係唔拎, 一拎就兩塊... 唔通個被禁既"Nickname"真係咁邪? 隻8返到黎既時候... 成條艇都好興奮... 前面仲興奮到玩撥水...... 仲唔夠濕咩...

多謝大家... 令到我拎到呢兩塊牌...

不過... 好似就係因為呢兩塊牌, 傻下傻下咁升左上D2... 以後仲想拎牌, 真係要苦練了...


15/4/2005 - 無力的表現...

真係好怪, 尋日做完gym, 今日無晒力, 落艇無得博命比力... 但相反個efficiency仲高左... 如果平時10成力, 但係得3成落到隻艇... 今日就比得7成力, 但係有5成落到隻艇... 咁計應該一定好過平時...

響隻艇度, 望返去側邊... 黃昏時候既城門河... 真係好靚... 好舒服...


13/4/2005 - Mid Term 2 hits combo...

10點鐘先黎一科ISMT161, 同上次調轉, 今次係識計數(對錯成疑), 但係唔熟背野, 事關無乜時間溫... 接住落黎12點再黎COMP211, d吹水題無上次咁靠背, 諗住舒服過上次, 點知個Use Case要做好耐... 趕完Use Case, 做埋Last 10分既State Diagram, 剩返唔夠1分鐘... 不過見到隔離位, Prof. Fred叫晒停筆, 一個二個都仲揮筆疾書... 咁我覺得我既情況都唔係太壞... 唔知點解, 今日兩個mid term, 都有人無熄電話, 仲要響埋... 而COMP211既mid term, 我同隔離位d唔識既同學響度"夾Band"... 我地都餓到打鼓...

今日Eric都繼續提我整返個可以回覆既日記... 我一如以往... 話想搵返被uhome整唔見左既三個月日記先再算... 不過跟住Eric講得好... 佢叫我向前看...

其實 0個三個月既日記... 相信最難忘, 除左係告別IVE, 就係返暑期工, 湊細路既一段日子... 0個班細路...... 如果"打者愛也"係真, 我一定會用行動"愛"死佢地...


10/4/2005 - Regatta 1...

今日係Regatta... 睇返d戲碼... 唔係鬥R艇, 就係d Novice呀, 工商盃咁... 似乎戲碼較弱... 細康, 傑, 河馬同埋我都有條4+去玩Novice... 真係有壓力的... 因為唔係贏硬又唔係輸硬, 即係真係要鬥過先知, 大家出新人, 水軍鬥海兵... 不過, 尋日興奮既training... 今日感覺上都唔係full power咁, 唔理啦...

我地既初賽, 憑住一個截至目前為止, 做得最好既一次starting + Poly其中一隊一firm就Cap槳... 第一名入Final...
女仔隻4+, 雖然見到佢地cap槳cap到停晒, 但係憑住變態地高既Rating爆返上黎.., 僅輸比Poly, 拎到第二... d鬥志同體能真係唔野小...
阿光阿琦兩個處男, 第一次落艇比賽, firm隻2R就拎到個金牌...
阿寶同Yanna兩姐妹, 仲有我地另一隻4+就差小小... 來日方長... 要繼續努力...
Last一場... Novice Men 4+ Final... 個starting就爆得麻麻... 起步只係同HKU side住去... 不過HKU隻艇笨到係咁同d浮波炒... 炒到不停地bumb bumb聲... 幾驚比佢地攪到分心...

最後, 都係輸左, 得第二... 可能係Rating太低掛... 臨尾都只係2x咁上下rating... 不過初賽同我地side住隻Poly又唔係贏我地隻Poly... 總之, 我地比兩隊Poly夾住啦... 我就連個Nickname都因為咁, 面臨被改既命運...

唔夠人高大嘛, 用技術補救囉... 總之, 意志唔可以輸... 呢樣輸就真係乜都玩完...


7/4/2005 - 妙問妙答...

被改得體無完膚, 有d, 抵改, 有d, 我覺得係搵黎改, 或畫蛇添足, 或顧此失彼... 是但... 大家高興就好了...

今日COMP361, 先有一個阿蛇入錯房, 再來有一個幾高下, 樣子幾似鄧英敏既人走左入黎...原來阿prof.煲li又無返, prof之中佢都算走得堂多... (病左?)
鄧: I will teach you for ...... because Professor Bo Li is...
口痕友 (但唔係我): is dead?
鄧: I am not sure...

咬水唔穩, 深水... 又出返黎...


6/4/2005 - 極速復完...

尋日都仲死狗咁... 今日, 除左個喉嚨仲有d痛, 仲有幾聲咳外... 都無乜事lu... 無再忽冷忽熱, 無開大水喉... 但係, d蝦條, 朱古力... 都仲係要忍下口先...

不過, COMP231既demo就唔好lu... 炒粉...


5/4/2005 - 清明...

到底Land Train能唔能夠醫病? 唔知... 我剩係知我尋日train既時候, 我計到2X11 = 24, 兩分鐘我數到得60秒... 仲要以為自己跑步keep到...

今朝起身, 病情果然有進展. 原本只係右邊鼻孔流小小鼻水, 而家開夠兩條喉, 仲要長開長有. 喉嚨亦開始著火...

唔使練艇, 晏小小先起山去拜山... 病左拜山既唯一好處, 就係感受唔到煙火對個鼻帶黎既刺激...

10/4之前, 我一定要好返, 一定要有返100%既力量...

返到彩虹, 見到阿May, 佢 0岩 0岩練完艇... 佢叫我去睇"獸醫"... 哈哈... "獸醫"...


3/4/2005 - 小心身子...

今日training... 見到有唔知邊間U隻黑色4+反艇... 親眼目睹一次反艇眾生相... 但個4號位反艇前既舉動... 另我覺得佢好興奮, 好想反艇...

第一次帶護膝練艇, 完全發唔到力...

爸爸咳得好緊要... 我返到屋企... 睇睇下書, 突然間又係咁咳, 係咁流鼻水, 打"乞痴"... 嘩, 唔好講笑... 唔可以響呢個時候病... 即刻訓陣, 休息. 好彩訓醒已經無乜事.


<< Mar 2005

Back to index