TVB周刊 ISSUE 364

陳凱怡 夢想做古箏演奏家


為左令手指靈活，凱怡一有空就會做手指運動。		 年青人大多喜愛流行音樂，結他、鋼琴等西洋樂器也是年青一族選擇的熱門， 
但陳凱怡偏偏鍾情古箏，又愛聽粵曲，究竟是甚麼吸引這位只有廿一歲的小妮子， 喜歡上一般年青人都認為「古老」的樂器呢？

用膠布包裹住手指先彈古箏，咁就唔怕手指痛啦！
拜陳伊雯為師

「細個時已經好鍾意，但當時屋企唔容許我咁做，大個之後都驚自己３分鐘熱度，
但去琴行時見到Ｄ小朋友係度彈古箏，發覺自己真係好想學，於是正式搵老師教。」
學了古箏近三年的凱怡，早期因忙於工作關係，只能斷斷續續上堂，後來她認識了現已
退出娛樂圈的陳伊雯，並向已經是表演級的伊雯拜師，由於伊雯要求高，上堂時非常嚴格，
令凱怡不敢偷懶，決定要勤學古箏。

「她要求我背譜，其實只要博命彈就唔覺得背譜難架喇，但我第四隻手指伸唔直，所以
要練手指，好似ｄ阿伯咁用健康球黎練習，增加手指靈活性。而家我大概識三十首曲，
我最希望可以彈到自己最鍾意既＜梁祝＞，如果有一日好似伊雯咁，可以係台上演奏就梗係開心啦！
但彈古箏易學難精，一首演奏曲的曲譜有成十幾頁，我而家先識得一、兩頁。」
有志者事竟成，凱怡如此年輕，又何用擔心喎！

喜愛古物

能夠如願以償，得以學彈古箏，凱怡最感激的，就是家人。「我一練習，屋企人就會散開，
叫我最好夜晚練，等佢地訓哂先練，阿妹又叫我千祈唔好係佢溫書時練，阿爸就專登係我
練習既時間吸塵，其實都要多謝佢地一直咁忍讓我。」
不是很多人懂得欣賞傳統事物，但喜歡彈古箏看古裝劇、唱懷舊歌、聽粵曲的凱怡，一首＜梁祝＞
也要買來幾個版本，可以肯定，她是時下極少數欣賞懷舊事物的年青人。


拍攝完畢，愛聽粵曲既凱怡忍唔住係公園聽一班長輩夾歌唱曲。