陳 凱 怡 遇 色 魔 冇 有 怕

今時今日玩刀弄槍、埋身肉博再唔係男仔既專利。
外表斯斯文文既陳凱怡原來都好呢味野，打war game、
學自衛術，連行街shopping都鍾意買軍刀多過化妝品。
不論何時何地都有一刀旁身，真係賊佬都唔敢埋佢身！
不如就等佢教大家一招半式啦！

練 刀 界 傷 面

性格非常男仔頭的凱怡，平日練習最喜歡與一些彪形大漢交手，
最怕遇上那些姐手姐腳，怕痛怕捱打的女孩，皆因打得不夠痛快。

「玩得呢家野，都預左會整親，我銅皮鐵骨唔驚痛！不過我D對手好好，
例如出去打war game，佢地都會錫住我唔射我塊面。但有次我自己練習
反手渣刀時，就唔小心界到自己塊面，好彩冇疤痕咋，始終做呢行要靠個
樣嘛！」

想 拍 武 打 片

自從開始學玩war game之後，凱怡自覺氣管也好像健康了些，認真是一門有益身心的活動。
「打war game學自衛術，可以鍛鍊身手，自己都想有一技旁身，
成為女中豪傑，他日有機會拍武打戲時都可以大派用場。」

曾 遇 露 體 狂

未知現實中凱怡又有否遇過賊人，將自衛術學以致用？
「冇呀！以前坐電車成日都遇到露體狂，見到都唔驚，我仲同佢笑添！
佢見我笑都好冇癮架！色魔？Touch wood未遇過，可能我唔標青啦！
而家識保護自己，萬一遇到都唔驚既！」