E-Kids昨日接受薛家燕大女石祐珊的電台訪問，事後他們大讚珊珊靚女，

當他們知道珊珊有意參選明年的香港小姐後，

成員Tommy對她笑說：「

係真既話我地叫譚詠麟明年做港姐評判，

叫佢畀你高分D，我地同班歌迷都會投你一票，

你真係好靚女。」這一來逗得珊珊笑逐顏開。

而E-Kids亦宣布他們「從良」，

除了染回一頭黑髮外，還會穿制服。

他們說：「初入行時本想以自己原有既打扮見人，

但公司要我們模仿日本三人男子組合，

染金髮和穿誇張既衣服，結果令人誤會我們是金髮壞青年，

好似Eason都誤會過我地係吸煙壞細路！」

而他們又稱新歌《再見四．一》向草蜢致敬，

將來亦會與草蜢其中一位成員合唱另一版本，Tommy說：「

係草蜢令我地有信心以三人跳舞組合形式係樂壇發展，

當年我地係餐廳表演都係唱佢地既歌，

佢亦幫過我地好多，影響我地好深，

所以要我地為佢地演唱會斟茶遞水都冇問題。」

新成員大讚楊洛施

E-kids昨日出席無線「兒歌金曲拉票大行動」，

新成員Nick代替Tim之位置。

新成員Nick自從加入E-kids後，最不習慣是睡眠不足，

但最開心是見到好多靚女，Tommy還大爆他偷讚楊洛施靚女，

問Nick是否想追楊洛施，他就立即作出否認。

02/08/2004 蘋果日報

E-kids重組Fans歡呼

E-kids之前走左個成員，

搞到成隊人都好耐冇出席公開活動，

噚日E-Kids舉行「Chapter2新成員發佈會」，

介紹阿Nick加入，

台下歌迷又送香檳又尖叫，

阿Nick重第一次出場就有擁躉獻花，

E-Kids既成員都話好懷念有歌迷歡呼既情景，

而Chapter2係譚詠麟改既，

寓意佢地進入第二個階段。