(第一回) "央登,你去邊呀?"右典叫住正想出門既央登. "我約左芷茵呀!你今晚自己食啦!"央登望住右典."你又冇街出呀?" "咩又冇街出呀,大把人約我呀,只不過我今日唔想出街咋!"右典好自大咁講. "係咩?"央登一副唔相信既表情. "你依個係咩表情呀?想打呀?"右典向住央登舉起拳頭. "嘩!你唔好亂黎呀,我重要出去同芷茵拍拖嫁,放過我啦."央登個樣好驚咁. 但係心諗'如果而家同你打我咪遲到,咁冇風度既野我先唔會做呀.' "哼!算你知驚啦."右典以為央登真係驚左自己,一臉滿足. 央登見到右典果個滿足樣,反左一下白眼."我出去啦,拜拜!" "喂...喂...哼!果死仔有異性冇人性嫁."右典望住緊閉既門講. --------------------------------------------------------------------------- "央登呀!你知唔知今日係咩日子呀?"芷茵一臉興奮咁望住央登講. "下?咩日子呀!今日唔係你生日呀,我生日又未到喎!咁係咩日子呀?"央登一臉迷茫. "你...哼!"芷茵生氣向前行.央登見到緊係追住芷茵啦. "嘻嘻!老婆仔嬲啦!"央登笑笑口一路講,一路用手攬住芷茵條腰. "你放手呀!重有邊個係你老婆呀!行開呀."芷茵一手拍落央登隻手度. "嘩!你想謀殺親夫呀!"央登誇張咁叫左下."你咪係我老婆仔囉,唔係你係邊個喎." "我點知你呀,你咁花心.而且你連今日係咩日子都唔記得呀!"芷茵嘟起個嘴講. "我花心?係呀,我要花心思周圍去搵份靚既野送比我老婆仔做拍拖一週年既禮物呀!" "衰人,你記得今日係我地拍拖一年既日子,咁你頭先又話唔知."芷茵抬頭問. "呵呵!我玩下咋~點知有人就打我啦."央登用手摸住自己隻手,露出痛苦既表情. "人地以為你真係唔記得呀!重好痛呀?"芷茵用手輕撫央登隻手. "痛呀,好痛呀!不過老婆錫啖就唔痛嫁啦."央登講完就低頭好溫柔咁錫落芷茵個嘴度. "嗯..."芷茵攬住央登條腰,回應央登既吻. 正當二人陶醉係親吻既時候,有把聲傳入佢地耳邊. "嘩!慶太你睇下,有2個人唔知醜係條街度親吻喎!"涼平笑笑口對住慶太講. 慶太冇出聲,佢望到自己鍾意既芷茵同央登親吻,好心痛. 而央登同芷茵聽到有聲同時抬頭望向涼平. "呀!小涼點解會係到嫁."芷茵成塊面都紅哂,之後將塊成面靠落央登既胸膛,唔敢見人. "喂!涼平!我同芷茵做咩關你咩事呀?"央登攬住芷茵,對住破壞佢好事既涼平講. "咩唔關我事呀,你唔好唔記得我係芷茵契哥呀."涼平對住央登講. "車,好巴閉呀!你只係佢契哥咋,但係我係佢老公呀!"央登好自滿咁講. "哦,我知啦,緊係你教壞芷茵啦,如果唔係佢點會做依d咁大膽既野呀!"涼平指責央登. "我睇你根本就係妒忌我地2個咁恩愛呀,唔使唔認啦,哈哈!"央登好似發現新奇野咁咁興奮. "你都傻既,我使妒忌你地?"涼平冇好氣咁講. 此時,一直唔出聲既慶太忍唔住講左句野."你地唔好嘈啦,芷茵就焗暈啦." 原本慶太講依句係希望芷茵同央登分開d,但係出現左反效果. "慶太你唔使咁緊張喎,就算芷茵真係焗暈呀,央登都會同佢做人工呼吸嫁啵!"涼平笑住講. "冇錯冇錯!佢暈左重好,可以錫多幾啖."央登笑笑口好開心."呀!好痛呀!" 原來芷茵打佢."小涼點解係度既?"芷茵一臉好奇問. "黎睇你地表演囉."涼平見到芷茵塊面又紅過."呵呵!我地去陪右典打機呀!" "係呀!咁你地快d行啦,唔好阻住我地呀!"央登急急忙忙想趕走d電燈泡. "你咁話小涼嫁!"芷茵好唔滿意央登既態度. "喂喂喂!我話哂係芷茵阿哥呀,信唔信我唔比芷茵嫁你呀?"涼平擺出一副唔比嫁既樣. "我娶硬芷茵嫁啦,佢只可以嫁我一個人咋!"央登好認真講. "我幾時話要嫁喎!唔理你地呀!"芷茵紅住塊面向前行. "呵呵!我老婆仔怕羞呀!走先啦,涼平慶太."央登急急腳追芷茵. "走啦,慶太!係啦,你今日咁靜既,唔舒服呀?"涼平擔心問. "唔係呀,行啦."慶太又再次沈默. "咁怪既!"涼平摸摸頭講. (第一回完) *央登19歲生日賀文 小小:大家覺得點呢? 右典:我得咁少機會出場嫁. 慶太:我重慘啦右典,我得2句對白咋,你起碼都有5句對白呀. 央登:慶太你咁得閒數既. 右典:我都係多你3句咋,好多咩. 涼平:小小你呀,作到我咁多野講,我真人都唔係咁既. 小小:下?你唔鍾意呀? 慶太:喂,涼平你唔鍾意同我換角色呀. 涼平:呵呵,我-唔-要-呀.我鍾意做依個角色呀. 右典:小小你呀,下次再唔加番多d對白比我,我唔做呀. 慶太:係呀係呀. 小小:唔...唔好呀.下次會多d戲份嫁啦. 慶太:你係先好講呀. 右典:我同央登同一日生日嫁喎,點解得佢有生日賀文我冇嫁. 央登:鬼叫小小鍾意我多d呀. 右典:快d作完央登到作我個篇,知唔知? 小小:盡...盡量啦.