(鬼屋)
央登:芷茵呀~你驚既可以拖住我隻手嫁~
芷茵:哦~好呀~
嘉瑩(好細聲對住右典講):你細佬想拖芷茵隻手~好似用錯方法喎~
右典:點會錯呀~我就話央登一定拖到芷茵隻手~
嘉瑩:你唔信打賭呀~
右典:賭未賭~輸左果個人要幫另一個人做一樣野~
嘉瑩:你輸硬呀~等我諗下叫你做咩好先~
芷茵:嘉瑩.右典~快d行啦~
恭平:嘩~依度好黑呀~
悠:係呀~好恐怖呀~
央登:芷茵你驚唔驚呀~
芷茵:我...
(突然間有一個人頭係佢地面前經過)
恭平(大叫):鬼呀~
芷茵:呀~嘉瑩~你睇下~個頭好得意呀~
嘉瑩:係啦係啦~冷靜d~
芷茵:哈哈哈~鬼呀鬼呀~
悠:點解芷茵好似一d都唔驚~仲咁開心既?~
嘉瑩:呵呵~芷茵一向唔驚依d野嫁~
右典:咩呀~咁你未即係呃我~
嘉瑩:係你自己同我賭嫁咋~呵呵呵~
央登:芷茵~你唔好行咁快啦~等埋我地呀~
芷茵:你地睇下~個度有個井呀~
右典:係喎~行過去睇下囉~
恭平:唔好啦~好恐怖呀~快d出去啦~
嘉瑩:入到黎緊係睇下啦~
(係佢地講緊野既時候,有個長髮遮住塊面既人o係個井度爬出黎~)
悠(大叫):有人爬出黎呀~
芷茵(開心):嘩~鬼呀~哈哈哈~
嘉瑩:芷茵呀~你唔好係度笑啦~咁樣會嚇親扮鬼d人嫁~
芷茵(拖住央登隻手):央登~我地行埋d去睇下隻鬼同個井~好冇呀?~
央登(因為拖到芷茵隻手而家好開心):好呀好呀~
(另一方面)
右典:好野~央登拖到芷茵隻手啦~你要同我做一樣野~
嘉瑩:咩呀~央登邊有拖到呀~係芷茵拖佢嫁~所以係你輸呀~
右典:你頭先都冇講明話要邊個拖邊個~重知你輸啦~
嘉瑩:你都痴線嫁~擺明我贏啦~
悠:恭平呀~比佢地4個咁攪一攪~我而家覺得依度一d都唔恐怖呀~
恭平:係囉~我估唔到依個鬼屋之旅會係笑聲同嗌交聲中渡過~

(鬼屋出面)
芷茵:呵呵~d鬼好得意呀~
悠:估唔到芷茵咁大膽嫁~
恭平:未係~人仔細細咁鬼大膽~
央登(笑):恭平~芷茵大過你嫁~
恭平:真係唔公平呀~佢邊度似大過我呀~
右典:芷茵雖然矮過你~性格細過你~但係佢確實係大過你呀~
芷茵(扁嘴):你而家踩我呀~
右典(笑):唔敢唔敢~
嘉瑩:芷茵~我地周圍行下囉~我見到有d賣飾物同毛公仔嫁~
芷茵:好呀好呀~快d行啦咁~
央登:芷茵~咩你鍾意毛公仔嫁咩~
嘉瑩:佢鍾意到死呀~佢間房d公仔多到佢就黎冇地方訓嫁啦~
恭平:芷茵咁大過人重鍾意公仔~但係居然大過我~真係非常非常
唔公平呀~
右典:知你叫恭平啦~唔使講咁多次呀~
恭平:唔係呀~我係講緊唔公平呀~唔係我個個恭平呀~
右典:知啦知啦~唔"恭平"呀嗎~快d行啦~
恭平:嗚~小悠呀~右典蝦我呀~
悠(笑):係啦~右典佢咁對你真係好唔"恭平"呀~
恭平:連小悠都咁對我~
央登:鬼叫你最細咩~行啦~唔"恭平"~
芷茵:你地好衰呀~恭平好慘呀~
恭平:芷茵~都係你最好~
嘉瑩:芷茵一直對d小朋友都好好嫁啦~你唔知咩?~
恭平:你話我小朋友~嗚~好黑人憎嫁你地班人~
眾人:你而家先知咩~哈哈哈~

(第六回完)

小小:大家對我的小說有什麼意見...可以send e-mail
比我 ...yanyeung517@hotmail.com