啤梨自家帽氣大哂冷 - Barry's Evolution

太陽報　　　2002年11月6日

啤梨自家帽氣大哂冷

每個人都有自己喜愛的收藏品，樂壇新人啤梨(葉文輝)則對帽子情有獨鍾，有一種說不出的感情。今次他就將三、四十頂帽一次過大晒冷！

因一首《I Believe》成功由DJ轉型做歌手的啤梨，閒時喜歡逛逛商店、翻閱時裝雜誌，以保持敏銳的潮流觸覺。啤梨家中有不少珍藏品，包括手表、帽子及歌迷的禮物，但當中以帽子最多，名幅其實「帽癡」。

談到儲帽的經過，啤梨娓娓道來：「我屋企有三、四十頂帽，全部都係自己買0既!幾乎乜野款式都齊備，冷帽、漁夫帽、牛仔帽同Cap帽都有，不過我要『奉勸』0的朋友唔好再買帽畀我，因為的慣左自己買。其實我中學時代已經開始儲帽，不過起碼有一半無乜點戴過，但我又無乜捐過或者送畀人，因為真係好鍾意。」

男生愛儲帽的原因不一，啤梨笑言自己是因為「偷懶」及「貪方便」心態作祟，他笑說：「因為我有時懶嘛，又趕唔切梳頭，但又要做野，所以咪戴帽囉，既可以慳番0的時間，又可以襯衫扮靚，真係幾方便0架！」

買帽不在乎平貴

另外，有些特別的帽動輒要過千元，他又是否花費很多於帽子上，「都唔係0既，圍埋大概三百蚊一頂啦!總之平貴都有，最貴0個頂係Burberry，要成千元，亦係我其中一頂心愛既帽。」

戴帽至緊要.....0岩面形

「戴帽最緊要睇0下係咪適合自己面形，兼且要著重試戴後0既感覺。至於點襯呢，襯帽係最好左著左衫先戴帽，如果揀左帽先襯衫就比較困難。我自己戴帽就可以襯到衫，未試過失手0架!我會用0的帽架掛起0的帽，放0係櫃桶都可以。」

採訪當天，啤梨帶了十多頂帽讓記者拍照，當中有些確實特別，好像有Fans織了印有「啤梨」字樣的鴨舌帽，有一位老婆婆替他織了一頂溫暖牌冷帽、亦有童軍絕版的帽款；除了款式多之外，顏色亦然，有黃、紅、白、軍綠、藍及黑等，總之各適其適，應有盡有，難怪有「帽癡」之稱的啤梨會愛不釋手啦!

當上歌手後，啤梨收到Fans的禮物愈來愈多，說到最難忘的禮物。是一個別具意義的模型：「個模型有個啤梨頭，有支『咪Stand』，係我o岩o岩做歌手時，Fans送畀我o既。不過唔小心壓爛0左，但我無丟掉。」說時不禁露出一副失望表情。至於其他珍藏，他亦逐一介紹。

小飛俠黎喇!

除了送花之外，公仔必是Fans指定禮物，啤梨收過不少毛公仔。啤梨幼時最喜愛小飛俠卡通，貪其形象健康正義，而他的Fans亦十分識做，送了一個小飛俠公仔給他，頓時令啤梨拾回童真，攬住「小飛俠」不放呢！

首個「新人獎」

啤梨是今年樂壇新人，成績不俗，唱片逾萬五張銷量，可喜可賀。雖然樂壇頒獎典禮未到，但他的歌迷早已親手炮製了一個「最受歡迎新人獎」給他，預祝他今年在樂壇大豐收。對於這份厚禮，啤梨有說不出的感動。「最重要係佢地親手做畀我，我覺得咁樣仲好，又可以發揮佢地o既創意，又可以慳唔少錢。」

剪貼回憶錄

有不少忠實的啤梨歌迷，將仔曾出席過的大小活動剪報通通剪下，合成一本剪貼簿，內容非常豐富，連啤梨也笑言有些活動也忘記曾出席過，有時看到自己以前的樣子，亦忍俊不禁笑了幾聲，但啤梨最感動的，還是從中得知Fans對他不離不棄！