一部份。雖然。我唔係嚮佢地一出道就開始跟。但係至今。都跟左
一段時間喇。所經歷既。我一世都唔會忘記。有D真係刻骨銘心。
我係由2002年10月27日開始跟佢地。果日係E-kids佢
地既大日子。就係初歌MV首播會喇。
有d野真係好奇妙。嚮果一日之前
我發夢都估唔到我自己會做一d我
一直都覺得好無聊既野---追星。
其實我點解會鐘意E-kids。我自己都唔知架。對佢地
最早既印象。應該係佢地有份唱既魅力移動。當初我覺得...哇
。乜七條男人都咁Q樣衰架...真係世事難料。估唔倒。 其中三個
會改變左我對人生既價值觀。仲改變左我對好多野既睇法......
第一次出function。只係陪Ophei
去睇下呢班人。就連佢地有咩歌
都唔知道。最初見倒呢三個金毛
。真係唔知邊個打邊個。 淨係認
得Tommy。本身對佢地一D感覺都冇。但當我聽 到佢地同fans講
果番說話。我覺得。呢三個人。雖然唔出名。又唔靚仔。但...佢
地俾我既感覺係...佢地...好「特別」。
為何會愛上這個他。。。
就嚮果次之後。我開始對佢地有D好感。開始周圍搵佢
地既歌黎聽。而當時睇左"初哥"TVB版MV之後。就覺得呢首歌真
係好好聽。仲覺得。Tommy好得意呀。開始有D鐘意佢。之後
知道初哥呢首歌。原來係Tommy作。我真係覺得佢好有才華。
好叻仔呀。開始鐘意左佢。開始好留意呢個
人。仲開始出function。記得拎到第一個
Tommy簽名。應該係11月9號既初哥VCD
簽名會。果一刻真係好開心。雖然。Tommy應
該係唔認得我。但。佢就對住我部DV係咁多謝。佢真係好得意。
不可取替的禮物。。。
講起DV。其實我同E-kids之
間。之所以發展到呢個
地步。維繫住我地既。
真係靠部DV。因為我用
佢。同Ophei一齊整左一D
獨一無二既野俾佢地。對我黎講。係極其珍貴架。就係將佢地每一
次出function既片段。剪接好。整成錄影帶俾佢地。真係有錢都
買唔到。開頭都諗。佢地究竟有冇睇呢??鍾唔鐘意呢??一路都擔
心自己係白費心機。但。好多時見到Tommy。佢都會同番我地講
番D帶又點。好正。好好笑。好震呀咁。就係因為咁。令我一次又
一次無論幾累幾眼訓都好。通宵都錄俾佢。
記得有一次我通宵錄帶俾佢。佢竟然漏
左嚮凳底。好彩俾我執到。果一刻我真
係好嬲。竟然咁唔珍惜。但係望住佢傻笑
個樣。又唔捨得再嬲佢。佢...真係好細路仔。成個大傻瓜咁。
喜歡你的證據。。。
但係亦都係呢一個傻佬。令到我不能自拔。改變左我既
性格。識我既人都知道。以前既我。係一個勁懶...唔讀書。勁花
心...見一個愛一個。勁易發脾氣...郁d就界手既人。但自從跟左
tommy之後。真係唔同哂。開始變得識就人。唔會少少野就發脾
氣。更加好錫自己。跟左佢之後。我一次手都
未界過。因為tommy好唔鍾意人咁。仲有。
佢成日叫D fans讀好書。佢雖然自己讀唔好
。但都希望fans可以。要證明俾人睇。跟E-kids
既人唔係無用既。為左佢既說話。連我呢個唔讀書既人都努力左。
考到全班第四。因為。我真係好想佢可以開心。跟左tommy。我
甚至收歛左。冇以前咁花心。個心第一個顧住既。就係tommy。
背叛。自責。對不起。。。
但係。我竟然會做左一D背叛Tommy既事。我竟然就去
跟其他歌星。起初我真係覺得無乜野。鐘意兩個星之嘛。又點者。
俾著以前既我。要我一心向兩三個人。難過登天。加上tommy又
話左唔介意。話左就係架喇。我好開心佢會咁豁達。可惜。我竟然
信呢D安慰我既說話。或者係我多心。嚮偶然一次。阿Tim講出左
佢因為fans過檔而唔開心。當時真係諗。其實阿Tim會唔會亦講出
Tommy既心聲呢。因為我望倒。Tommy有眼濕濕。果一刻我真
係好心痛。超想斬死自己。我真係好對佢唔住。真係勁難受。
衷心感謝你們。。。
其實跟左一段日子。真係學識左好多野。有D真係學校學
唔倒架。哈。好似追車呀。擒呀。出function呀。哈哈哈。呢D野
。未跟過星真係唔識架。不過除左呢D。我仲學倒。就算有時付出
左好多。未必會得番價值一樣既回報。但咁唔
代表唔值得。因為嚮過程中。好多時會得到
一D無價既野---快樂。好似跟E-kids咁。付
出既實在太多。老實講。跟佢地令我過著最窮既日子。除左錢。仲
有時間。親情。友情。好多人都會話咁係白痴。無聊。為左見一面
。簽個名。等十幾個鐘頭。但係無人明白我見到Tommy一面果份
喜悅。果種莫名其妙既感覺。正正係令我跟既動力。我由始至終都
冇後悔到跟左E-kids。反而多謝佢地俾左咁多美好既回憶我。
我們的紀念日。。。
其實同Tommy發生既每一件
大事。每一個日子。我都記得架。有
D日子真係好有紀念價值架。
2002年10月27日 ( 開始跟 )
2002年11月2日 ( 錄第一餅帶 )
2002年11月9日 ( 拎到第一個簽名 )
2002年11月30日 ( 贏左初哥跳舞大賽 )
2002年12月5日 ( 第一次合照 )
2002年12月8日 ( fans club成立 )
2002年12月21日 ( 終於E-kids三個都睇左D帶。好鍾意。)
2002年12月26日 ( 織頸巾俾Tommy )
2003年1月5日 ( 嬲到喊 )
2003年3月29日 ( 入Mandy group )
2003年3月30日 ( mini concert )
2003年4月4日 ( E-kids-Wa開網 )
2003年4月11日 ( Tommy第一次叫我個名+第一次簽相 )
2003年5月13日 ( Tommy生日 )
2003年6月10日 ( 送生日禮物俾Tommy )
2003年6月28日 ( 背叛左佢 )
2003年8月10日 ( 上郵輪。心痛自責的一天 )
暫時係咁多。。。
