處理魚獲(現場篇)
我就咁 o岩 想同大家分享 o下!就算唔放生, 亦唔等於食.
(有機會條魚傷 o左, 放都唔生)
可以考慮:
o係 周圍搵個沙洞(唔係石洞!),
埋 o左佢,
又或者用報紙包好, 扎好, 至掉入垃圾桶.
你釣完一條魚, 未必咁快會走,
可能一場 o黎 到會釣一日先走, 咁點樣可以保住條魚唔壞呢?
有人會養住佢,
唔係唔得,
不過要另帶好多架橕.
本人不建意.
另外有人會放落海養,
不過要留意...
有人會放入冰箱,
但唔好俾 o的 溶雪水浸住條魚,
溶雪水冇錯都係零度, 但水就會對魚肉有負面影響.
不過用唔用冰箱, 就睇你喇,
有人唔鐘意拎個雪櫃週圍去, 唔會用去裝魚.
我習慣釣到要 o既 魚, 就會整死, 再加以處理,
動物係有循環系統, 所以氧氣同養份至會走混全身,
但魚一死, 血中養份反而會俾細菌利用,
(因為魚死, 免疫功能大減, 細菌大量入浸)
細菌制做出各種物質令魚變味變壞,
又通過循環系統, 去到魚體各處, 使魚加速被分解, 所以一決定要殺魚, 就要放血.
第一件事, 係去鰓,
用較剪, 把魚 o既 鰓剪出,
此時會有好多血, 我就足住魚尾, 將魚肚放入海, 上下移動,
將血完全洗哂.
記住, 要魚仲有心跳 o個 陣做, 即係釣到就要做, 咁血先會放得乾淨.
用報紙包好, 再包膠袋(可以唔包 o既, 環保 o既 話).
