釣魚好殘忍?

依家 o的香港人,
好人道 o架,
一開口就講權:
生存權, 知情權, 發言權, 曾蔭權...

有雜誌話,
o的人上街遊行,
話漁農處年終處理唔少貓狗喎~
話咁唔人道, 冇生存權喎~
帶自己隻狗, o係條頸上掛 banner,
話一齊聲援喎~

各位, 你 o地點睇呢?

o的人,
食豬食牛食魚食雞, 就話得,
殺狗殺貓, 就話唔得.
點都講唔通喎~~~

當你信佛唔食葷咧,
你餵狗餵貓 o的罐頭 o的肉, 點計先?

禽流感殺咁多雞就話做得好,
o的貓狗有病殺數千隻就話大屠殺.

帶隻狗去行山?
隻狗唔中暑都扯蝦扯到十米外都聽到,
咁就叫對隻狗好喎~

上網一想搵釣魚 o既資料,
就成日會見到 o的人話釣魚好殘忍.
佢淨係手上用緊 o既電腦呀,
已用了大自然多少生命與材料去造,
但佢唔叫殘忍, 叫科技進步...

好多人, 當正自己 o既寵物好鐘意佢 o架,
話: "好食好住又好主人, 做咩唔住 o係度 o者?"

漁農處, o的狗冇人要, 咪人道毀滅 o羅,
你咁叻, o羅番去養 o丫.

家中有小強, 蟻, 白蟻,
佢 o地梗趕盡殺絕,
殺蟲水, 拖鞋, 報紙, 年中死數以千萬計.

家陣殺幾千隻冇人要貓狗, 又唔得.
殺完幾千條屍, 個個又爭住話: "好可憐呀~~",
聲淚俱下, 一於玩大佢啦.

o的人養貓狗, 生一大堆仔女, 丟出街就話放生,
漁農處掃街執你 o地 o的手尾就話: "你今舖大鑊喇, 漁農處..."
一於推推推太極推手.

最好笑 o既係,
o的人緊張 o的畜生仲緊張過 o的人 o架.

一講到依度, 要停咧, 講太多咧.