釣前準備

戶外活動是我的生活習慣,
而我個人較為喜歡兩手空空.

用具唔係唔拎, 而係盡量少,
釣魚要數落, 實在可以拎好多野,
但其實只有動腦筋,
就可以縮下又一舊, 縮下又一舊咁減低負重.
減少麻煩.

第一,
首先為一些釣魚工具,
而當中有一些係可以預先出發前,
o係家中慢慢組合, 去到釣場,
一開即可釣.

例如: 釣組, 鉤, 絲線依 o的.
竿, 可放進布竿袋手持. (依樣係我唯一手拎 o既東西)
絞, 放進布袋, 入背囊.
釣組, 結好後放入袋中收好, 唔好同其他野打纏.

一本釣魚書之插圖, 可以參考.

鉛等配件, 用膠盒入好, 入背囊. (建義盒蓋要實淨, 再唔係用橡筋, 因為一倒瀉就有排執)
刀或剪刀等工具, 可以放在背囊最外格, 方便拎.
魚餌, 用唔漏水膠盒入好, 入背囊. (如為冰凍品則用報紙包好, 用橡筋扎)

第二,
為一些善後及維生工具.
依 o的野較唔常用,
可以放 o係背囊底.
當中一些表面上不是必需品, 但其實可以代替好多其他笨重工具.

例子: 膠袋, 水, 毛巾依 o的.
善後袋, 入面包含膠袋, 養魚繩, 報紙, 橡筋, 磅, 等等.
此物主要為釣到大魚後, 用來善後之 o既工具. (詳見"魚獲處理現場篇")
水, 500ml 可用半日, 主要作為飲用, 洗毛巾, 洗手, 等工作.
更甚者, 可以急救扶危, 耡強扶弱(扑濕人)等.
毛巾, 配合水後可謂千變萬化, 上餌後抹手, 抹魚絲之鹹水等等.
出發前應濕之, 用唔漏水盒仔入好.

待續......