清潔主絲
釣魚要 o既 工具數落, 其實都幾多下, 好多仲需要有保養添.咁, 我 o係 依度想介紹一下魚絲 o既 清潔.
我 o地 用 o既 魚絲, 多數係用尼龍造,
稱為單股尼龍線, 係一仲聚合物, 又稱錦綸.
此物質被拉成絲時, 除 o左 保持一定 o既 拉力值外, 仲有不易變質同柔軟 o既 優點,
所以被廣泛利用作魚絲, 但正所謂人望高處,
釣魚人要求 o既 魚絲質量越來越高,
所以唔同種類 o既 魚絲就應運而生,
不過我依家主要都係講 "單股尼龍線" o既 保養方法.
假餌釣 o黎 講, 就係最頭 o個 十尺廿尺最易傷,
因為成日要做拋投動作, 所以前面 o個 段成日俾手指同竿頭括,
基本上每次玩完都要剪走.
而投釣就好難講, 但有時條魚絲會 o係 海底唔知括到 o的 咩, 所以前面 o個 一段係有檢查 o既 必要.
每次釣完魚, 我都有清潔釣線 o既 習慣,
順便可以檢查一下釣線, 我可以俾大家參考下:
如圖, 首先釣完魚, 剪走所有釣組, 然後綁一粒可以打得遠過 o岩 o岩 釣魚距離 o既 鉛.
然後將粒鉛打到冇雷公咁遠, 等 o岩 o岩 落過海水 o既 線都打哂出去.
然後將一條好濕 o既 毛巾褶好,
踏 o係 同個絞最近 o既 一節魚絲上面,
跟住, 就係捏實條毛巾, 絞番 o的 魚絲.
濕毛巾作用於可以將鹽從魚絲上溶出, 而溶出 o既 鹽水由毛巾其他部份吸收.
不過留意絞線要快, 唔係就可能會棘石.
如果你 o係 釣場因為某些原因唔可以咁做, 就唯有番屋企洗絲咧, 但都有橋妙個喎!
有人話成個絲杯浸落水度, 唔係話唔得, 但係 o的 水入 o左個頂磅剎車片度係好難乾嫁!
咁多塊剎車片, 入水咪死哂?!(生銹)
就算係不銹鋼都會!
我會用水喉沖, 開少少水沖, 盡量唔好俾水入到去頂磅!
浪費水 o的 o羅, 依個方法.
