清潔線絞
其實保養你隻絞仔係好簡單 o既 事,
因為依家好多絞都又平又靚, 唔使太多保養.
如果你冇太多錢釣魚, 又好想保養下你 o個 隻平價 o既 絞,
咁就真係要多 o的 功夫咧!
每次釣完魚都用濕毛巾擦乾淨,
布去唔到可回家用綿花棒(不用太常做).
由其係魚絲經過 o既每一個位置!請緊記!
關於絞 o既 內部問題, 其實唔駛點做, (除非你成日釣魚)
而點樣清潔內部 o既 問題, 有人話WD40?
我對洗油污 o既 方法應該用濕毛巾就 o岩 o架 啦!
WD 40 會對大部份塑膠制品有負面影響,
各位以後要小心, 用布濕 o左 水 o黎 沬.
WD 40 更會令橡膠硬化 (橡膠 Brake 皮, O 圈) ,更要小心.
最好就用濕布再用乾布啦! 唔好用WD 40 就得咧, WD 40 唔係咁用.
開絞 o個 陣要小心,
小心入面 o的 野彈出 o黎,
搵唔番.
仲有就係關於有時, 你唔小心跌 o左 個絞落地下,
咁就死咧, 通常會出現兩種常見 o既 問題:
1.枝軸彎 o左.
2.個絲杯邊崩 o左.
遇到咁 o既 情況, 可以自己解決. (需要有 o的 手藝)
如果係枝軸彎 o左, 拆佢出 o黎,
放 o係平面上, 如鋪厚紙 o既 磚頭,
跟住貼住平面, 轉動枝軸, 好快你就會搵出彎 o左 o既 位置,
然後搵個錘仔, 輕輕力打番平個彎位, 直到成枝直番為止.
而絲杯邊崩 o左, 搵砂紙磨番圓個位即可!
其實同上面一樣,
平 o既 線紋都係咁樣整, 但多 o左 樣野,
就係每次清潔完, 要注意濕 o左 o既 地方.
例如鏍絲 o既 空隙, 所有金屬位, 等等
最慘就係有 o的 絞用料差, 真係放 o係 度都會生銹 o既,
咁就要抹乾, 用個可以保持乾爽 o既 袋 (例: 布袋) 包好.
