真正 "網友"

資訊泛濫年代,
一上到網咩到有,
好又有, 衰又有.

有個網, 專收集 o的香港人網上討論釣魚,
叫 "香港吐膿區" ,
一入到去睇下, 嘩, 人山人海,
大家集中一齊 "吐膿" 也.

最好笑係入面將會員分級制,
愈係 o係論壇講得多野, 講得 o岩聽, 講到入心入肺就愈高級喎,
有位 "尊貴會員" :

有得依個級別, 佢對網站 o既貢獻都叫多咧.

有位 "二星級會員" 話佢個釣組釣 (上圖) 唔到魚,
就想佢回應下.
以下係佢 "精采" 回答:

見意你打沉底. 釣組如下.
3號絲 ~ 中通鉛 ~ 鯉魚籠.
拋左之後, 沉定左先好收杯.
(因為水塘水好深)再用你個紅白波掛 o係攪 o既前面第二節到.(唔知你明唔明)
當有魚食餌時. 紅白波會向上升. (增加敏感度)
P.S. 你要釣大頭, 唔係用尼d波波. 要用到好似檸檬咁大果d.

朋友, 你話佢依個釣法怎樣呢?

鯉魚籠.

網友嗎?
網上討論好在依度, o的人可以暢所欲言,
講錯 o左唔會俾人當面瘀,
講 o岩 o左又會有大把 fans, 極滿足其虛榮心也.

解答一出, fans 浦面.

我多口問句啦,
點解夾鉛唔夾 o係子線度.
佢又 "精采" 回覆:

"釣咸水同淡水唔同. 夾鉛冇作用."

朋友, 你係咪當堂俾佢頂一頂肚呢?
(俾佢吹一吹脹)

我就話唔係笑佢, 笑自己無知 o者,
佢就當堂定哂, 食住上上上, 發表言論:

"師兄並唔係無知. 只係誤會係釣咸水ja.
但係你咁笑, 我以為我有d淡水釣組未試過."

仲話:
"最重要係一定要拋左出去,
要等佢沉定先好收杯.
平時魚塘就可以拋出去即刻收杯.

但係因為水塘比較深.
水深有一定ga壓力. 壓力形成上托力.
所以鉛去到一定深度,
就會變慢... 咁就會誤以為到底. 咁當收杯之後.
過左一陣, 魚絲就會慢慢被拉番轉頭.
咁就好易掛底. 又或者釣唔到底."

嘩嘩嘩, 直程俾佢吹爆波.
佢 o的物理係可以會考 o羅 "A" o架~~~

同期一人問下個絞上 WD40 可唔可以,
佢:
"如果係貴野, 我就唔見意用wd40.
因為wd40係酸性.
有可能會導致d齒輪氧化.
不過係平野就冇所謂la."

今次水塘都俾佢吹乾,
化學科又 o羅 "A" .