Double Surgeon's 接線結

真係博唔過嫁! 唔係講笑.
接魚絲, 好多人用 "blood knot", 冇錯, 佢真係一個名結,
但係結力值就只有65%.

大家會問, 其實結力值點解會有差異呢?
其實好簡單, 大家睇下你將條菜芯彎下, 去到某個程度, 就會有少少折斷聲,
菜, 係纖維 o黎 o既, 彎完後, 就好易拉斷,
魚絲, 又係纖維, 彎過籠後, 一樣好易拉斷.
做下實驗就知咧, 將條魚絲 "褶" 埋, 用手指夾一下, 魚絲變 o左形,
如果保持依個形狀再拉, 就會斷!

所以大家都稔到咧, 一個結如果打完後 o的魚絲係彎住哂 o既,
結力值唔低有鬼. 例子: 半結.
如果打完後, o的絲冇咁彎 o既, 結力值當然就高 o的喇!

咁想知你個結掂唔掂, 當然係測試啦, 但如果大家想研究多 o的 o既, 可以用放大鏡望下你個結,

好, 講番接線結, 個 "bloodknot" 得65%, 我就同大家分享一個95% o既結.
名為 "Double Surgeon's knot" 佢 o既打法更方便, 更結實.