捉鱷魚也用魚竿

我成日都話:
有線 o個個 "國家地理頻道"/"National Geographic Channel",
有好多野睇, 成日都會睇到 o的新奇野.

今天有幸上同學家, 其人家中剛好有有線,
我就睇到美國 o的 "類似漁農處" 點樣捉鱷魚.

佛羅里達州,
一處小湖,
附近都係住宅區,
o的人 o既後園正 o係湖邊草地.

有人報有大鱷魚走 o左入 o黎個湖度住,
"類似漁農處" 就兩個人開架 Van仔入 o黎捉鱷魚咧.

人員: "鱷魚係冷血動物, 待入夜至出沒."

條鱷魚日抖住 o係係鹹管入面,
到入夜至出 o黎搵食.

入夜,
兩個人確定鱷魚位置,
一人手執一枝約 6呎長魚竿,
配上橫絞, 縛上特製魚鉤(電視裏看不到也沒有形容).

只見,
一拋,
鉤住條鱷魚,
輕力不讓其發惡/發瘋,
兩個人魚角力,
只見魚竿彎曲.

直至鱷魚冇哂力.
o係岸邊掙扎,
打水.
就用枝 "捕棒" 將一圈繩套實佢條頸,
至禁佢個頭落地, 用膠紙 o係個口度打圈, 打實個咀.

之後就係度長度, ( 有至少 8呎 )
掟上車,
送走.

UPDATED

依套係 o係 Youtube 度搵到,
叫造:"Animal Extractors".

但係唔係我電視睇到 o個集, 而以下係另一集 o既剪影.
o個個 "類似漁農處" 原來係叫造:"Alligator Control".

拋出魚鉤後, 好似玩假餌咁收絲.

大力一抽, 搭實隻鉤. (可以扎穿鱷魚皮都唔少野)

條鱷魚立即潛入水想走.

鉤多隻鉤上係鱷魚度.

收到埋 o黎, 拉條尾上水.

捆電線膠布.

依幕冇走漏眼, 原來 o個隻魚鉤係三叉鉤.
(唔係 100% 確定, 因冇睇住佢拋依隻鉤, 但係都好大機會)

順帶一提, 套野入面好強調一樣野,
Alligator Control Agent:
"o的人之所以叫我 o地 o黎,
係覺得條鱷魚侵佔 o左佢 o地 o既地方,
會傷害到佢 o地,
但其實就係人類開拓城市, 侵佔 o左佢 o地 o既地方就真."