中鉤之急救
此相為眼入鉤:
直插入眼
我本人都不太喜主動睇戲, (電影)
要人請先去, 嘻嘻.
上兩星期 明珠930 上演一套 "驚濤駭浪",
可是當天沒有時間而錯過了.
只係經過電視機前望 o左 一幕,
講條友俾個鉤鉤到, 拖 o左 落水,
好彩有人救番.
嘩! 唔野少, 俾鉤鉤到可以冇 o左 條命.
於是我就想寫依篇俾鉤鉤到應如何處理.
中鉤, 第一時間搵條魚絲, 死都搓實佢唔好放,
因為如果隻鉤係其他人 o既,
佢再拉下絲就只會對你 o既 傷口再加重傷勢而矣.
剪走條魚絲啦.
如果隻鉤插入皮膚後, 再穿埋個倒鉤出 o黎,
就較好處理, 如圖:
鉤仔就用個夠力 o既 剪鉗, 剪走個鉤尖連倒鉤, 又或者夾埋個倒鉤落條柄度,
再順住原來路線退番個鉤出 o黎.
如果入得好深, 而又差 o的 就出到個倒鉤,
可以考慮再將倒鉤穿埋出 o黎, (自己做唔落手, 可以叫人幫手做)
咁就好搞好多.
我每次釣魚都拎埋 o既 剪鉗.
如果係大鉤, 剪鉗仔就一定剪唔到,
試下夾個倒鉤貼住條柄,
始終都係依招殺食.
如果都唔得,
咁就硬砌,
用盡力剪到個柄一條痕咁,
咁就可以試下:
用一隻鉗, 夾住條痕 o既 下面(近皮膚一邊),
另一隻鉗, 夾住條痕 o既 上面(近倒鉤或鉤眼 o既 一邊),
固定近皮膚一邊 o既 鉗, 唔好傷到個傷口,
然後用近倒鉤一邊 o既 鉗, 順住條痕 o拍 斷隻鉤.
咁都唔得就只能洗傷口, 用乾淨野包起, 盡快求救.
鉤入手指
上圖:
而如果係直插, 隻倒鉤冇彎出 o黎, 係直筆甩咁插入皮膚, 如上圖.
咁就要用依招,
要將個鉤 o既 倒鉤部份壓離皮膚,
即係將鉤柄向皮膚方向壓入去,
令到倒鉤盡量唔會鉤到皮膚,
如圖:
接住就直筆甩咁沿番個插鉤路徑拔番隻鉤出 o黎,
如個個倒鉤唔大, 可以忍痛稍用力拔,
如個個倒鉤太大, 就唔好亂來, 洗傷口, 求救.
如果以上方法試極都唔 ok, 又難以求救,
可以用最後一招:
抹乾淨把刀, 可用打火機消毒,
然後慢慢一下一下由個傷口開始劃開 o的 皮膚,
盡量少落刀, 多試拔鉤,
唔可以 cut 太深, 盡量 cut 淺處.
祝你好運!
如果發覺曾觸及傷口 o既 物件有任何生銹現象,
唔好慳, 脫險後請盡快打破傷風疫苗針.
