魚食魚

早前曾受一 o的外在因素影響,
對於魚食魚 o既印象都係大魚生吞細魚,
依家回想起一直 o既知料收集,
稔下又未必係喎!

弱內強食.

慢慢講, 我對魚食野 o既印象重溫:
小時, 見魚缸中魚, 食紅蟲, 成條啜入口.
又大個 o的 , 見過大魚食細魚.
跟住維持 o左一段時間, 先去細心觀察魚.
之前本網發過一段食人倉 o既片段, (但因為網頁空間問題, 所有影片以刪除 T.T")
只見食人倉唔理三七廿一, 見肉就食, 見肉就咬,
條魚就好似魚肉排咁咬 o左一大啖.

之後本人開始釣魚, 用假餌時則發現惡魚追細魚,
係由尾部入手的, 有好多時 o的膠餌 o既魚尾俾魚斷 o左.
o個陣有一種鱸魚, 我 o地就叫 Striped Bass,
依種魚出名惡, 有一次我用一隻長約 4cm o既金屬片假餌,
居然整 o左條大小同金屬片相約 o既鱸魚仔上 o黎!
嘩, 咁細條己經咁惡!

再之後, 今日, 家中家人養 o既 "九角金龍"(一種觀賞魚),
長約 10cm , 樣子品性純良.
怎料家人餵入魚仔時 (魚仔長約 1cm),
只見佢沖向魚群, 一口咬 o左條魚仔入口,
令我意外 o既係, 佢係打橫 "擔" 住條魚 o係口,
游 o左一陣後, 就好似鱷魚食野咁, 一下一下咁吞哂...

魚點食魚, 真係一個仲有排研究 o既問題呢...