拋竿知要
很多釣人也認識如何拋投了,但姿勢等等, 可能唔多唔少有些錯誤.
由頭說起,
先說安全.
在揮出魚竿前, 請留意四週環境.
o係 一 o的 人煙稠密 o既 地方, 尢為要打醒十二分精神.
敬請先讓路人走過, 冇人時才拋投.
希望以下相片能令你時時記得要小心吧!
直插入眼
再說釣具.
釣具運用正確與否, 也會直接影響拋投的.
-開竿時, 絕對要留意竿導環之對位, 唔可以馬虎?
導環不整齊會增加好多好多不必要 o既 摩擦力.
輕則不能充份控制拋投距離,
重則會傷到主絲, 魚絲.
如用橫絞甚至會炒大粉, 即纏線.
-基本上, 魚絲愈幼,
因摩擦力便愈少, 於事就可以拋得愈遠.
但魚絲不能無限減少粗度, 請兩方面按自己要求平衡.
-線絞之上絲方法亦會對拋投操控有影響,
詳情請閱 "絞上魚絲" 一篇.
-魚竿, 這亦會是大有人各持己見之一個問題.
Guides o既 多少, 大小, 竿 o既 質料, 長短,
也都會有影響.
一般來說, 投竿較少 guides, 及 o的 guides 都大隻 o的,
為的就係減低摩擦力,
長竿確能投得更遠, 是因為它能給與釣組更多 o既 速度,
但也要看質料而定, 不能無限加長.
質料嗎? 此圖所說是拋投竿應有 o既 質料.
至於固中原因, 閣下請自悟, 不便多說.
其實以我認為,
最應該因應自己 o既 體力, 身型, 所能釣之魚,
而選擇投竿,
選擇竿重量, 才是最最最適當啊.
拋竿技術當然也很重要.
就算你以上兩樣學足, 姿勢唔好都係一樣唔掂也,
不能充份利用竿 o既 彈力, 才算拋得到家.
以下依個係好示範:
以上依個可以說係基本功, 唔好咁花巧, 學好佢先啦~~
另外, 拋竿時留長幾多線也是一學問,
基本上有所謂最適長度.
但係就算邊個長度都好, 都有配合 o既 力度.
建議: 先找出自己想用 o既 力度, 再找出適合 o既 留線長度, 請憑手 o既 感覺.
