上魚姿勢篇

上回講完少許點拉魚埋岸,
但都係粗略.

唔好有姿勢, 冇實際!
今回一於實際下.
若果鉤中大魚, 一斤魚三斤力,
唔小心, o的人,
一中魚就好興奮, 咁就死人都有份,
香港 o的網頁好少講起依 o的,
我就在此希望幫助下大家.
小心使得萬年船, 就算你唔喜歡打打殺殺, 都可以學下馬步,
為求自保啊.

依 3個係常用 o既馬步.

本人曾習武,
依家主練氣功已少郁動, 但為的係更上一層樓.

中華武術中以上三隻馬步係最常用, 最基本,
配合起步法 o黎, 已經可以進可攻, 退可守, 四平八穩地震都唔霖.

依家先介紹下各個馬步先.
第一:

此名為前直後曲,
圖中所見, 藍方捉住黑方之手,
大可以退前腳或後腳將對方拉跌,
但黑方使出前直後曲, 橕住地下,
而且後盤坐低, 重心下降,
腰直, 無後向前倒,
藍方絕拉唔低佢, 反而可能會力盡後向前仆.
第二:

此為前曲後直,
多於進攻時用,
圖中所見, 藍方勢向前沖,
圖手按黑方胸及手, 推倒對方.
怎料黑方使出前曲後直, 後腳完住伸直向前推,
前腳沉低, 重心下降, 腰直, 頸向上之勢,
任藍方用力也不能使之跌倒,
反而自己自中下懷, 慣性使之難以退身.

第三:

此為四平馬, 有很多名, 不能盡錄.
此馬重心其低, 對有力 o既腿功也能擋架, 不可看小.
圖中藍方前踢攻黑方中段,
黑方正橫身對應, 很容易但可擋開其腿,
使藍方向前落下, 飽受黑方攻打.
此馬要點為保持下盤穩固, 腰直, 頸直.

好了, 若用在上魚, 同魚角力, 又點呢?

上圖為當魚拉方向為較下時,
想象為 5,6點鐘方向, (或 6,7點)
此時向外 o既力分量雖較少, 但仍不可忽視,
宜用此四平馬.
此時有人可能會覺得腰高 o的, 腳就冇咁 "支力" ,
Oh, 我只能說這馬奧妙處在於不會左右搖擺(由其是 45度斜向發力方向),
對於控制魚較好, 所以唔好懶了.

依個係魚在於較出方向, 約為 3,4點, (或 7,8點)
這時向外 o既拉力分量較大, 容易將人拉走,
宜用前直後曲馬,
注意雙腳要分開膊頭闊, 否則易一面倒,
及前方 o既踏腳石, 要好穩陣, 事前要試過先啊.
更重要 o既係, 重心要盡量低, 後腳盡向下沈, 唔係就易被拉走.
坐低雖最穩, 但唔易發力.
見仁見智了.

唔係未試過 o架, 咪以身試法.

講住咁多, 有機會再講.
記住無時無刻都係安全至上啊.