魚鉤淺談

上圖係鉤各部份 o既名稱.

魚鉤, 係釣具除餌外, 最出最出 o既部份,
食粥食飯, 睇佢咧, 不能馬虎.

魚鉤 o既型狀可分為 "直刺型" 同 "彎刺型".
先略為講下:
直刺型, 釣唔放生魚用. (參考上圖, 即係 Straight 型.)
彎刺型, 釣放生魚用. (參考上圖, 即係 Kirbed & Reversed 型.)

魚鉤也有分 size,
由細至大: 1/0, 2/0, 3/0, ... , 甚至到 11/0 也有.
1/0 再細一個 size 就係 1號,
由大至細: 1, 2, 3, ... , 甚至到 12號都仲有.

形狀有多種, 出發點為專用於唔到魚種, 大小, 釣場等.

顏色亦有多種, 白色到黑色, 光滑身到啞色身, 金色到彩色身, 任君選擇.

依條魚係俾彎刺型 o既魚鉤鉤到嫁~~~, 唔知大家見唔見到個咀邊 o既傷口呢?

以下講講大細 o既選擇:
講下我揀魚鉤 o既故事先, 詳情請參閱 "鉤餌淺講".
一開始用 4號鉤時, o係個鉤度鉤一條 1吋長 o既魚仔, 條魚仔係死 o既,
我就將鉤尖鉤穿一隻眼, 順住入, o係屎眼或背脊出, 然後將條魚仔推到上鉤柄.

依個組合, 成日有魚拉浮標都抽唔中, 魚餌就仲 o係度.
原因: 鉤太細, 魚咀大, 抽時鉤 o係魚咀度出(佢半開口).
後 o黎, 我換到 2/0 鉤, 情況至有好轉.
9成都抽得中.
咁我就稔咧, 如果用 3/0 鉤, 會唔會仲好呢?
一轉, 死咧, 下下抽完, 抽唔到不但止, 連餌都冇埋,
即係: 鉤太大, 魚唔成個食, o係鉤邊度拎魚餌.

所以, 得出結論係, 要抽中魚, 要用 o岩鉤.
o的求生書話: "大鉤淨係可以釣大魚, 細鉤就可以釣大魚同細魚, 所以用細鉤好 o的......"
信唔信, 你 o既事咧!