冰塘

家前一個大水池, 因天冷, 結冰.......
我就出去觀察下依個難得一見 o既情景.

夏天情景.

第一件事, 當然係睇下 o的冰夠唔夠厚,

一個不明(我未稔到)原因 o既裂痕, 令我可見到冰 o既厚度, 至放心落去.

估唔到, 用波鞋都滑得到, 不過速度唔快, 比岸上行路可快少少.
落到去, 就唔睇魚住, 先睇下岸上 o既野,

有北面飛 o黎過冬 o既雀仔, o係度落腳.

平時難得一見 o既野, 估唔估到係咩?

噴水口.

從未見過 o既危險指示"牌", 不過最緊要你明白 o的冰厚度夠唔夠人落,
用波鞋, 冰 o既裂開機會會少 o的, 因為承受 o既表面積多 o的.

化石? 我念 o係南北極冰下可能會有 o的類似 o既原始生物 o既化"石".
依 o的其實係一塊楓葉趺落冰面上後因不明(我未稔到)原因 o既葉紋圖案.

玩玩下, 突然見到一舊白色物體 o係冰下高速移動,
一稔之下, 醒起係塘入面 o既幾條巨型錦鯉, 保守估計至少70歲.
追住條錦鯉, 佢見到我梗走啦, 番番去佢個"鬥"度, 見到另外兩條一樣西士 o既錦鯉.
魚游一定比我滑快, 好快就一條都唔見, 唔知去哂邊.
望到 o的魚, 又念到一樣野.......

見到 o的冰入面好多白色一點點, 唔知係咩,
週圍睇下, 突然好彩俾我見到一 o的會郁 o既, 原來係有魚 o係下面,
但點解魚會吐氣就唔知咧, 但已我所知有 o的魚係會吸水面上 o既空氣,
例如我屋企 o的金魚.

大氣泡, 係 o的大錦鯉整出 o黎 o既.

一團較大 o既小氣泡, 應該係較細型 o既魚整 o既,
冰層入面唔同位置都有, 有 o的係近冰面, 有 o的近冰層下層,
有 o的係新 o既, 值情 o係冰下面.