鉛 o既 化學
鉛, 係一種好古老 o既 金屬,
化學史上冇明確人類祖先開始使用鉛 o既 年份,
只知道係鐵器時代後出現.
金屬鉛, 化學式 Pb, 其熔點為327`C, 外觀為銀白色金屬, 較其他 o既 金屬軟.
因其容易熔化 o既 特點,
人們將其鑄成各種用具.
我 o地 中國人早在商代已經開始使用鉛, 煉製仙丹中 o既 ---------黃丹.
古羅馬人曾用鉛作水管及食具,
因佢 o地 o既 水源水中含有大量二氧化碳, 二氧化碳同鉛離子化合成易溶水 o既 碳酸鉛.
羅馬人飲用依 o的 水, 鉛進入其體內,
鉛慢慢代替骨中 o既 鈣, 百病從此而生, 人口大幅減少.
吸食汽油中的四乙基鉛, 則容易由皮膚及呼吸道吆吸引影嚮中樞神經, 造成腦部毒性作用.
一般無機鉛則由消化道及呼吸道吸收, 然後分佈到肝, 腎, 血球, 95%分佈到骨頭、毛髮貯存.
鉛在血液中半衰期為30天, 在骨頭中則高達25年以上.
鉛毒性的發生是因為鉛作用在粒腺體上, 抑制細胞能量的產生.
另外鉛也會抑制鈉鉀幫浦, 增加紅血球細胞膜的脆度.
鉛在動物實驗上為一致癌物質, 但是在人類上的證據別嫌不足.
鉛就如其他重金屬元素一樣, 可穿過胎盤而影響胎兒健康及智力發展.
依家個世界, 環保意識充拆, o係 日本, 仲有環保團體組成 o既 恐佈份子........
咁究竟我 o地 用 o既 釣魚鉛錘對依個世界有咩破壞呢?
依個問題就好經典, 鉛入 o左 水, 就好似會有害,
但有咩害呢, o的 人就講唔出, 而釣人就繼續使用鉛.
我稔大家都聽過巨型珊瑚魚體內含有 o既 雪卡毒係特別多嫁啦?
但係點解呢?
我 o係 依度想講出今日 o既 主題: 鉛錘對環境 o既 影響.
有一個生化名詞想教大家, 你睇完依篇野, 以後再聽到依個名時一定會赫到手震,
依個專有名詞就係: 生物濃縮作用.
以下講依個咁恐佈 o既 名 o既 由來:
以前, o係 日本, 有一個小小 o既 魚村,
營養食物豐富, 所以成為當地海鮮 o既 出處.
o係 魚村附近, 有一間工廠, 每日排放出一種有機汞(有機水銀化合物).
但其排出量係當地標準以下,
完全對任何生物唔構成直接威協.
但係,
魚村入面, 出產大中小魚, 大中魚 o既 食物係當地附近捉 o既 細魚,
而小魚 o既 食物就係附近 o既 蝦同甲殼類動物.
依個漁村開設後幾年, 突然有一大群食用依 o的 魚 o既 人 o係 痛苦中死去,
包括魚村中50% o既人先後死亡, 好咧, 究竟發生咩事呢?
當地好快就封鎖調查, 化驗員 o係 三個月內公報結果.
原來, 冇錯, 當地 o既 水所含 o既 汞離子濃度係好低, 但係,
就經一連串食物鏈, 而產生 o左 生物濃縮作用!
就係食 o左 依樣野出事咧, 當然唔係一次過食, 而係慢慢慢慢咁 o係 身體入面累積.
最後產生水俁病.
生物濃縮作用過程:
大魚/中魚 > 細魚> 蝦/甲殼類 > 藻類/浮游生物 > 有機汞
化驗所示, 當時浮游生物及藻類體內 o既 有機汞濃度只有 0.0001ppm 以下.
而當蝦或甲殼類進食大量微生物後, 其體內 o既 有機汞濃度已有 0.1ppm 喇!
進而再如此類推, 到達大魚體內時, 已積存 o左 1.5ppm 濃度 o既 有機汞!
你話恐唔恐佈, 依件事就可以解釋點解大型 o既 珊瑚魚體內 o既 雪卡毒含量如此之高.
大家唔好再稔喇, 你繼續用鉛, 你釣魚個位 o既 魚就快唔食得!
鉛 o係 水中 o既 溶解量(Pb 氧化成 Pb2+离子)冇錯係好低, 但係生物濃縮作用就一直存在, 自己稔下啦!
人要進步, 唔係靠科技, 係靠人類 o既 集體醒覺, 你醒過 o黎, 你就可以領導潮流.
希望各位自稱係釣魚人 o既 朋友思考下我講 o既 野啦.....
