LHT 鉤結
今時今日, internet 中比重最少 o既 內容就係.......
其他網頁冇出現過 o既 野!
依個結, 其實係"營釘結"或叫"繫物結" o既 改裝版,
我創造依個結 o既 原因係...
有時用 palomar 好煩, 因要將繩圈套過物件.
如果物件太長, 就好難做, 浪費時間兼整到自己心好煩, 又有可能纏絲,
所以我就稔 o左 依個結出 o黎, 同大家分享.
並改名做"LHT 結", LHT 係咩? 我個名 o羅!
希望大家鐘意!
不過學 o左 都要自己練習多 o的, 唔係 o既 話, 上到場就好痛苦,
又好似唔記得, 又好似打極都唔 o岩 咁, 哈哈!
最簡單就係 o係 屋企自己打下, 打到熟手為止,
打完要用力扯, 睇下斷唔斷,
通常打得好係唔會 o係 結 o個度斷, 而係 o係 中間斷!
點解呢?
因為, 一條魚絲(假設絲上下受力均稱)如果拉直, 兩邊拉, 條絲中間會拉長(彈性),
變幼, 受力 o既 橫切面變少, 最後斷.
用同一條絲, 絲尾接鉤打一個掂 o既 結, 如 palomar 咁, 因結用絲不多, 比起投出後 o既 導絲比例少好多,
中間拉長拉斷都未到佢, 所以結冇咁易斷.
但如果你打 o個 個結真係好唔掂 o既 話, 咁受唔夠斷中間絲 o既 力就已經會散.
所以一個掂 o既 結始終係首要 o既~~~~
希望你睇得明我 o既 意思啦.