行雷閃電會出事

香港係一大城市,
即使你作奸犯科, 出街也不會俾雷打,
因為你附近總會有避雷針, 建築物等一大堆擋箭牌.

但, 出到去郊外, 出礁等,
就唔同了, o的雷係唔會搵衰人打, 只會打 o的唔識避 o既人.

首先, 如咁唔好彩,
附近行雷大作, 請勿再釣魚.
立即離開.

一定唔可以開遮, 因為極易會成為打雷目標,
有 o的物質雖然唔係金屬, 但高壓之下一樣可以導電.
(行雷時, 電壓可高達 500,000V, 電流可達 300,000A)

而手上 o既魚竿或一切尖長之物體, 不可指向天,
即使有厚身 o既竿袋, 如其濕透了一樣可以俾雷打中.

汽車或小/大型建築物係絕好之暫時避難所,
但一但要進入, 切記任何時侯都不可觸碰車身或牆壁,
唔係就有機會觸電.
因為雷仍可能會打中車或建築物, 只係唔會傷到入面 o既人咁解.

如果附近十分空曠沒有汽車或建築物,
只能在低地 o既地方蹲下.
只用腳掌屬地及貼實, 雙手抱膝, 等侯雷雲過去.

即使 o係屋內,
仍要注要如果身體同地下非常過電 o既話, (如赤腳)
要想方法絕緣之, 因為如果舊雷雨雲份量勁 o既話,
你仍會有機會俾雷打.

即使空曠地區, 亦有機會打雷,
此時雷會打向最高及最通電 o既物件, 如人.

行雷時戶外之高危地區:

1.雷目標之附近.

雷目標如樹木, 尖及高 o既礁石, 一切杆狀物體, 空曠高地等.
請遠離這些目標, 因為如果打中 o既雷份量勁 o既話,
你仍會有觸電危險.

如下圖:

2.導電體.

例如水, 電纜, 鋼筋, 鐵鍊, 等.
以上物件有可能同一些雷目標或自身連上了, 又或因此人接地了,
電有可能最後流到去自己度, 或雷因此打在身上, 形成觸電.
因此船或小艇一類屬高危. (正正在水上, 而最高 o既物件又係船或上面 o既人)

如果你 o係小艇/船上, 便要拿下一切尖高或導電 o既物件,
如不可, 也不要接近它們, 以及不要赤腳, 盡量與船絕緣.
人也不可以站立, 快 o的駛番去岸, 找地方掩護.

如遇其他人觸電, 趕快用絕緣之棒狀物將之與傳電物分開,
分開後亦不可碰觸傷者.
並要立即求救.