魚竿夾線器
去到釣場第一件事當然係開竿了,開好線後就係縛釣組.
但依個時侯, 常常都唔知條絲要放 o係 邊,
由得佢隨風而動, 咁又要郁枝竿先拎得番條絲.
所以我就想了依個東東出 o黎,
等大家參考下.
首先要準備粗鐵線, 要硬身才夠力.
$3一扎 o既 粗鐵絲.
剪出一小段, 用鉗拗成如此形狀.
再將佢夾個 90度 角,
剛才摺埋 o既 一端係貼上竿度, 所以 o個 節唔使咁長.
分叉 o個 邊就拉開少少, 準備加工.
跟據想要 o既 高度, 左右兩邊拗個 90度,
左右一定要齊高先好.
整好後就可以左右拍番埋一齊, 用 o黎 夾線.
剪緊多餘 o既 一段, 就可以拗好埋尾, 成上圖羚角型.
最後扎上竿就 OK.
至於扎邊度,
屬個人風格, 自選.
我就整 o係 絞座對上, "guide" 導線環 o個 面 o既 背面.
記得唔好放 o係 會阻到自己手楂竿個位,
唔係就隻手會整到個棘線架.
