阿龍哥傳奇
2個月 大 5吋半 長.
o係 此頁成立前 o既 一個月, 亦即係 1月1日,
本網主 o既 朋友, 姜生, 送給本人一條 "銀龍".
此魚本人覺得非比尋常, 於是欣然接受.
此魚名叫 "銀龍", 英文 "Silver Arowana",
學名: Osteoglossum bicirrhosum
熱帶魚, 24^C 水最好, 水偏硬及酸,
屬於一種古代魚類, 聽聞可長至一米長....
就係因為依個咁 "大" o既 原因, 我就養下佢, 睇下佢大成點.
另一個 "非比尋常" o既 原因就係, 此魚正是剛出世冇耐!
當我去到姜家觀魚時, 正見其魚缸出現一個新 o既 隔槽,
而入面就有一條仲帶住 "黃卵" o既 銀龍仔.
當時佢話依條魚常受其他兇惡 o既 魚類攻擊,
所以俾 o左 我, 又話條魚係 o係 魚店度用 o左 $10 美金買 o既,(後來我查證比香港貴超多)
我又稔 o個 日係 1月1日 咁有意義, 咁就好啦,
佢吩咐完我要點養後, 又俾 o左 成樽乾糧我(好好人), 跟住我就拎佢番去咧.
番到去, 一量, 條魚得兩吋長, 我都驚俾缸入面 o個 兩條金魚食 o左 呀!
博一博啦!
放 o左 入去, 兩條金魚即冇做野.
(因為我用 o左 一招引開佢 o地, o係 "放新魚入缸" 一文中將會講解)
條 "龍仔" 左游右游, 我發覺佢始終都係留 o係 水面, 可能係佢 o既 天性.
好快佢就搵 o左 個水流唔係好急 o既 一個水面地做 "地盤".
o的 金魚食完野, 開始搵野玩, 就好好奇咁接近依個新同伴,
不過佢游得好快, 一閃就閃走一段距離, o的 金魚都冇佢計.
冇 o岩 o岩 拎番 o黎 o個 時 o既 相俾大家睇,
原因係唔小心 delet o左, 不過唔使擔心, 我正想辦法補番.
依個 係 o係 網上面搵 o既, 不過依條係 Black Arowana, 而唔係我 o既 Silver Arowana!
o岩 o岩 出世網上相片!!
我等 o左 大約兩日, 佢 o既 黃卵終於用完, 我就開始喂乾糧.
佢冇 o的 金魚咁食得, 第一次佢都係食四五粒就飽.(一粒 = 1mm大)
一開始 o既 兩個星期, 條魚大得好快,
1個月零 1星期. 鬚垂下.
1個月零 2星期. 鬚已可用力伸直.
之後條魚都大得好快, 兩個月後已長成 5.5吋 長(見圖)
依家依然係 o係 我強制下食乾糧, 不過好快我就會餵下蝦乾同冰蟲.
食乾糧, 已可一次食 30, 40 粒, 已我一日餵兩次.
另外佢依家除 o左 食野時停留 o係 水面外, 有時佢都會潛到中層,
唔似以前咁淨係浮 o係 水面, 我稔係因為佢已可以運用魚膘自如了.
聽講一年就可以有 50cm 長, 而三年後就會性成熟,
可以繁殖, 而長度則會固定落 o黎, 可以長到 1米 長.
此魚屬口孵化魚, 一個個港幣一蚊大 o既 卵受精後,
由雄魚含住, 直至孵化.
此魚 o既 雄雌魚區別法係:
雄魚下頜會明顯地長, 有些會長過上頜, 而雌魚下頜則由同上頜一樣至較短不等.
依條魚, 仲有跳出水面 o既 能力, 應該係其捕足水面昆蟲留落 o黎 o既 天性.
俾大家睇下其他網上圖片:
"My 23" Silver with a 10" Prochilodus"(網上發表)
"Big Big Mouth"(網上發表)
我依家打算每一段時間影一張, 以記錄此魚 o既 生長情況,
但相片則有機會至 post 出.
到時再將相寫番入 o黎 依一頁度.
