魚咬鉤, 人抽竿
有魚咬鉤, 岸上 o既 人當然開心......但係如果條友用錯方法, 或做錯野,
水底就會發生走魚, 趕魚, 等等 o既 情況.
我曾新試用魚竿釣岸邊魚仔,
o的 人話我抽得唔夠快, 我就變 o左 抽大力 o的.....
其實最好係: 保持母線半直或完全鬆, 浮標沈 o個 下,
隻手向上好快咁抽一抽, 唔使好大幅度,
用手感覺下, 力一到標就收,
就算抽唔中, 枝浮標都唔會話成個飛上半空.
有人會用向橫抽竿, 其實有時會唔中嫁
投釣抽竿, 遠投沈底講緊係50米距離以上,
岸上抽竿 o既 力, 經過長長 o既 釣線 o既 緩衝,
到達魚咀時, 力已變得十分小.
如果口餌大幅郁動,
魚會害怕而放棄食餌, 吐餌走人.
如果你 o既 抽竿幅度又唔夠大, 鉤唔到條魚, 咁條魚就實走,
所以抽竿幅度同力度一定要大,
等條魚走都走唔切, 就係依個原因.
究竟應該幾時抽呢?
依個問題真複習, 因為唔同 o既 魚, 其魚性都唔一樣, 食野習性都唔同,
不過佢 o地 都有一個相同 o既 動作,
就係食物入肚之前, 都會先經其口,
咁只要魚鉤 o係 正佢 o地 個口 o個 陣抽 o米 得 o羅~~~
但係又點知幾時個鉤 o係 佢 o地 個口呢?
當條魚咬住個鉤拖 o個 下,
就叫做魚訊, 而魚訊可分唔同種, 好睇條魚 o既 心情而定.
如果條魚非要食你 o既 魚餌不可, 咁, 魚訊就會極為強烈,
例如你用假餌拖鱸魚, 咁條魚就會飛禽大咬咁食假餌.
不過無論魚訊強烈否, 你都應該 o係 確定鉤入到魚口就應該抽, 唔好遲.
抽中 o左 o既, 就恭喜哂!
玩條魚上 o黎 啦~~~
