絞上魚絲

每個用魚絞 o既人必會做過 o既事,
但係做得 o岩唔 o岩, 就個個唔同咧.
其他釣法我唔多講, 淨係講下投釣同假餌.

我見過有隻好新 o既手,
佢係韓國人, 用開手竿 o係防波堤釣魚, 一次, 佢學人玩投釣,
買 o左個絞, 自己上絲, o岩 o岩第一日用, 我 o係正佢隔離,
佢正要投出時, 我留意到佢個絞上面 o既絲.......

叫都叫唔切, 佢已經投 o左出去,
只見一團野由佢個絞度飛出, 穿個哂 o的 guide, 發出 "發發" 聲, 鉛已落水, 佢個絞 o的線仲出緊.

依個係好多人都唔係好知 o既捲線不良:

另外佢上絲時, 亦都冇做一樣野, 就係拉實條絲咁捲, 令到上完卷絲係鬆泡泡 o既.
睇睇應該點做:

毛巾上應加上壓力, 令絞絲時可稍為拉實條絲.

收絲如果係鬆泡泡咁俾你捲上去個絞度, 就會出少少問題,
例如有 o的線突出 o黎咁, 或投出時唔可以一圈圈出, 而係一團團出, 咁就好易打哂結.
所以每次收絲時, 如果見 o的絲係鬆 o既, 就要用手拉緊, 另外 o既手至好絞線.
(尢其是假餌釣, 每次投出後, 絲都係鬆鬆地!)

另外, 上底線都係好多人冇咩聽過 o既動作, 咁上底線係咩呢?
好外釣魚人用 o既絞, 都係好大個(夠力), 其容線量就會因而增加.

另一個大 o的杯 o既好處.

唔知有冇人發覺, 佢 o地上 o的線, 都係永遠用唔哂?
就算釣到大魚, 放盡線, 都會有好大部份 o既線 o係個底度,
如果到 o左換線 o既時侯, 全部掉哂, 會唔會浪費 o左冇用過 o個 o的?

咁 o的人就念到, 好, 唔用 o個 o的就留 o係度啦,
剪淨 o個 o的線, 打個結就成 o左底線:

咁以後上新線, 就直接 o係底線上面上新線, 上到滿為止.
依個辦法可以減低無謂 o既浪費, 即係:
1. 冇用過 o既唔使掉.
2. 上新 o既唔使上咁多.