幫個絞 o者油

好多人話:
"個絞? 唔使 o者油啦,
出廠 o個陣都整 o左 o架啦,
o的油走得去邊?
依家咪又係絞得順~~

依幅相,
係拆自一個舊款 Daiwa絞,
買 o個時,
個賣家話:
"...個絞都十幾廿年咧,
係冇釣過魚係真 o既 ..."

我拎上手轉下,
唔? 十幾廿年冇郁過都真係幾順喎.
梗有保養.

點知,
番到去, 我拆開...

大家見唔見幅圖個牙位,
有上/中/下三層綠色 o既計油(Gear oil) o係上面呢?

依三層野, 一摸, 係硬 o既,
就好似蠟燭 o既質地,
個絞 o既其他部位, 則都係依 o的野,
有 o的就軟 o的, 深黃色 o既.

依 o的係咩呢?
其實就係因為個絞放耐 o左,
計油入面可以揮發 o既野就盡散,
碳鏈較長 o既物質則留低,
所以就好似乾 o左咁硬身.

計油本身有 o的染料, 顏色,
碳鏈細 o既分子揮發 o左, 佢就相對濃度高 o左,
愈來愈深色.

依個時侯, 我就用 WD40沾在毛巾上,
將成個絞 o既舊油清走,
上一層新 o既膏狀計油就 OK.
我個殼係鋁合金, 所以可以用 WD40,
加上要小心唔好俾佢沾到 o的塑膠, 橡膠位.

o的牙位, 可以用毛巾包上一字鏍絲批,
撩入去條罅, 括走 o的污物.

上油則要上 o係一切有活動 o既位置上,
但緊記唔可以上新式 o既 Anti-reverse,
前面 o個個豬籠套上面,
唔係就會失效 lock 唔到.

紅色箭咀正是我所指的 "豬籠套".

基本上 o個 part 野唔使上油,
如想上就上 o的稀稀地 o既就 ok.
(Not WD40/不可用 WD40)

我用 o既計油.

如用太稀 o既計油, 用 o係絞上會流失得快,
咁就好快又要上過.

咁其實點解要上油呢?
手感覺到係順, 唔代表冇野,
齒輪 o的牙與牙之間,
如果入 o左 o的金屬肖, 或其他細小而又硬 o既肖粒,
就會磨損到個牙,
久而久之, 咬合不平, 駁位鬆動等問題就會浮面.

計油可舒媛此問題,
但用耐 o左 ,
油入面亦積藏好多有害肖粒, 有油等於冇油,
所以要換, 就係咁解.

奉勸大家,
如果個絞係膠造, (即市面只要唔係金屬 o既都會係膠造)
又有以上情況, 就唔好用 WD40 做清潔,
用汽油或稀 o的 o既衣車油一樣有其效果.
火水都得, 不過會有浸火水味.

幫個絞 o者 油

幫個絞 o者油