拎魚上水


我見過有個人,
將條魚拉到埋 o黎,
一時間成條魚逗起出水, 離水面兩, 三呎,

佢, 將條魚保持同水面2, 3呎, 定住 o係 度,
原來係週圍搵位放魚!


我埋去睇佢條絲,
一摸, 40磅喎, 釣條 3 磅幾魚, 唔怪之得唔斷啦!


Flyfishing.

拎魚上水係釣魚 o既 一部份, 一樣有好多野要學!
只講下岸邊上魚.
不過岸都分好多種, 主要分:
1.碼頭
2.石灘或沙灘

如果釣到係細魚, 當然可以飛魚上岸,
如果係大魚呢?
用抄網(撈璣)係可以, 但要注意其最大撈魚距離.
如果釣點上魚高度長過你枝撈璣, 咁就要用下腦咧.

咁點呢?
首先條魚俾你拉到埋 o黎,
你應該搵個易上水 o既 位置, 例如石灘,
就搵個可以由水直接拖上 o黎 o既 位,
輕快地將魚提起, 放落地上.
沙灘一樣, 唔多講.


可以用依個搭鉤, o係 唔高唔短 o既 位用.(好似我斷魚 o個 度咁啦!)

最難就係碼頭,因為水離岸高,
要去釣魚店買個大 o既 三叉鉤,
o係 屋企綁定粗絲, 條魚拉到埋 o黎時就要用個三叉鉤, 鉤佢上 o黎.

不過十分之唔容易.

不過如果你 o係 碼頭釣, 週圍應該容許你固定枝竿, 先再鉤魚上 o黎.


又或者買個人 o地 用 o黎 捉細魚 o既 網, 會好容易咁撈條魚上 o黎.
詳情請參考:
"撈網使用"一文.


艇仔上合用.