線絞纏線

如真係咁唔好彩, 竿絞纏 o左線怎辨?
我有個朋友真夠誇張:
上船釣魚, 當然分秒必爭.

佢試用橫絞, 怎料, 用得唔好,
拋出 5次, 有 4次都炒粉,
解線都用哂 o的時間,
一氣之下成個絞拋出大海.

依種纏法, 太家有冇試過呢,
係 o的絲打 o左少少棘,
卷 o係絞 o個度,
拋時如絲去到 o個個位,
就會拉住出唔到絲.

絞纏線除了因操作不良外, 設計都係一主要因素.
有 o的廠, 唔識攪, 求其拎其他牌子 o既一個 model,
抄抄抄, 但有 o的地方抄唔足, 功效上差別大好多.

有 o的位置係纏線黑點:
-杯上 o個粒棘線 "的".
-杯底, 會入線.
-一個不留神, 紡線架纏線.
-一個不留神, 尾部個回轉開關制棘線.

以上情況發生後, 如沒有留神,
繼續絞/收絲, 會好大鑊, 纏得好厲害也.

纏線線形成第一部:
用粗絲或者硬絲會增加纏線機會,
這時由於一放鬆 o的線, 佢 o地就由個杯度走哂出 o黎.

如下圖:

走出 o黎 o既線就會纏到個絞 o既纏線黑點,
如依個時侯唔解決佢 o地先, 就會絞絲時纏線.

解救:
若如夜釣發生以上問題, 可謂十分棘手,
只能開燈, 開電筒解決.

先手執最尾一隻 guide 同絞之間 o既魚絲,
因為 o個度係棘線團 o既盡頭, 由依條線開始解會最好,
唔可以再絞動個絞,
慢慢將手執 o既線順住去向續圈續圈繞番出 o黎,
出 o左 o黎 o既線, 要拉離纏線部位, 唔好再俾佢番入線團度.

可以拉出 o黎解完後再收番.

解哂後, 就用手捉住條絲, 施加壓力, 絞番好 o的線.
如下圖: