魚竿纏線

魚竿,
多數會有一隻隻 "guide", 導線環,
在使用竿不當 o既時侯,
常會因此而纏線.

由於竿頭 o係操作時郁動最大,
而且係竿 o既盡頭,
係最易纏線 o既位置.

讓我展示幾個常見纏線例子:

依個係正常情形, 冇纏線.

依個係最常見 o既纏線,
條主線繞在竿頭上.

只要向正確方向 (左或右) 轉動枝竿就可以解決.

依個就不較常見,
但就好棘手, 主絲因為有氣後,
繞到竿到上再加上釣人收絲拉扯造成.

要解 o既話一定要竿頭到手,
竿頭放到面前解先得.

假使釣人誤以為只係繞在竿頭幾下,
轉動枝竿 o黎解只會愈解愈亂.

有時收番絲/釣組上 o黎,
好興舉高舉直枝竿, 挨 o係身到.

如果手勢唔好, 或大風,
主絲會繞 o係竿身度,
形成上述局面,
再唔好彩 o的會牽連到釣組.

依個都好易解, 轉動枝竿, 等條線耷番落 o黎即可.

如果竿纏線而不理會,
繼而拋竿,
後果...
輕則斷線, 重則斷竿頭, 爆 "guide" 等.

所以要養成無時無刻都留意魚絲有冇纏竿 o既情況.

好易知 o既 o者, 收絲時, 感覺唔同 o左,
發覺有阻力, 難收 o左, 就係警號.
我建議, 就算會棘石, 都要暫時停止收絲, 攪掂佢先.

普通魚竿, 長度 12呎至 6呎, 竿頭纏線好易攪,
竿頭如果夠力支橕竿連絞 o既重量,
咁咪放後 o的枝竿, 已可以掂到竿頭解絲.

但如係 o的咩長 5米竿, 長 5米幾竿, 就麻煩,
如係天線竿 (即所謂振出竿), 最好都係縮番哂一節節入 o黎,
咁就解到咧.

接竿 (即所謂並繼竿) 就一節節拆哂落 o黎, 拎 o係手度.
冇辦法中 o既辦法, 用長竿係麻煩 o的.