一次開兩竿?

有晚夜釣,
釣釣下, 有個阿叔, 開住電筒走埋 o黎 ,
坐低一齊釣.

只見佢, 轉用頭燈, o係一竿上面上螢光棒.
然後用壓底直感, 加生蝦,
打沉底.

然後佢又開多枝, 我心稔, 使唔使呀?
意料中事,
未幾, 佢兩枝一大一細, 一齊中魚,
我 o係旁邊打橫睇, 好清楚,
佢直望, 就反應慢 o的.
成半分鐘佢先做野.

兩枝一齊 o黎, 佢決定抽大 o個枝,
點知佢抽唔中,
收上 o黎冇 o左舊餌.

跟住佢就收細 o個枝, 好彩條魚走唔甩,
俾佢拉 o左上 o黎, 係手板再大 o的.
唔知咩魚, 睇唔到.

走時我問, "開兩枝, 一齊有魚你點搞?"
佢: "咁咪一枝算數 o羅 !"
哈哈! 你都算有型咧~~~~