風繼續吹

我在美國釣魚時,
曾遇上過大風,
凍唔在講,
係 o的風非常之影響釣魚.

我第一次釣魚遇上強風,
因無經驗,
個袋入面 o既野, 吹哂落水.

雖然 o個次執得番,
但唔代表次次都咁好彩,
仲要執番都有排清理 o的鹹水,
唔係好過癮 o架 o乍.

仲有一個問題就係拋投極有困難,
順風就話 o者, 逆風就距離大減,
而且拋出之時條線會吹到好遠,
你係估佢唔到咁遠,
萬一吹去個石位 kick 住舊石, 你又去唔到 o個度,
你都要剪幾多線下,
請小心.

而且風仲會加埋另一個又係好討厭 o既,
就係浪.

萬一唔好彩去到釣場先作大風,
請不要留守待風吹完,
因經驗通常都係 "風繼續吹, 不忍遠離~~~"
請果斷回家, 不要冒不必要之險.

出去釣魚前可以參考天文台 o既天氣圖.

以上就係你 o係天文台網頁 o既第一頁所見之東東,
資料非常好用,
可以見到各區 o既風向到風速.

而上面 o既符號就可以參看上圖.

長線尾代表 5m/s, 短線尾代表 1m/s,
即係, 如果箭尾有 3條長線 + 1條短線, 就係 16m/s 了.

而箭頭指住 o既方向, 就係風吹往 o既風向, 不是風 o既來向.

這是台灣用的, 風速單位為 m/s, 用起上來較方便.

這是香港天文台的, 將 m/s 乘以 3.6, 即可計出 km/h o既單位.
例: 16m/s x 3.6 = 57.6km/h
即係屬於強風.

當然唔到 o既釣位都有唔同情形,
有 o的地方聚風, 風力會加強,
有 o的地方擋風, 風勢會減弱.

所以仍然好憑釣者對該環境 o既熟悉情度.

當你處於順風拋投, 而有信心釣魚 o既話,
仍要小心自身安全,
唔好走去當風位貪過癮.

而用具等更要小心,
魚竿唔好睇小,
其實佢係好易吹走的.
小物件用完要放入袋中, 緊記拉上拉鍊.