15
Aug 2006(二) |
|
呢幾日響度狂玩NDSL 一路都唔知原來有咁多野玩 因為DL的關係, 咩game都可以玩 超執刀好好玩但係好難玩, 過唔到關有d灰 而我隻狗仔出左世啦! 佢叫阿Blu, 好可愛~~~ 但係因為今日輪到源玩........ 所以有得上網.......好掛住部機..............同埋阿Blu... |
|
|
9 Aug 2006(一) |
|
尋晚源個同事生日, 結果打邊爐打左一整晚 真係一整晚, 七點打到十二點 好玪好眼訓 但係佢d同事好搞笑, 笑左一晚 又學識左玩任天狗 好想快點有得玩!! 但係部機竟然有問題 又要換機.....要等幾時先有得玩呢? 好眼訓... |
|
|
7 Aug 2006(一) |
|
一早起來要去灣仔拎野返公司 總共五個full既大box file 剛開始覺得....嗯!我拎到既, 都唔係太重 點知一路行去地鐵站, 一路覺得越來越重 行一陣要放低鬆下隻手 到後來返到油麻地行返公司果程 簡直想死!! 我行五六步就休息一會 路人會覺得我好奇怪, 回頭望我 可能覺得我對手快斷卦? 唉 返到公司問我: 一切順利嘛? 因為佢驚俾佢個partner見到我去第二間公司拎job 但係佢地邊識我丫 我可以返到公司已經係最大恩賜 果下一路行一路覺得自己好可憐.....哈 / - \" +++++ 竟然見到唔唱k響公司附近拍戲 成個差人咁, 人地唔講我都睇唔到 幾型仔喎 |
|
|
|
6 Aug 2006(日) |
|
上某人家 公然搞亂檔 踢足球, 侵佔黑板, 搞亂地板 哈~~~ 兩口子 很幸福的樣子 但在家務上.....有仇口! 係啦, 係我就唔忍!!打佢啦! +++++++++ 見到she響朗豪搞簽名會 好近呀 hebe好靚女~~ |
|
|
|
4 Aug 2006(五) |
|
近來生活無咩特別 所以無咩野寫 工作就近來有點忙 望住死線 我覺得我會做唔切 但又好唔想ot, 同時又想請annual leave!! 死啦......我要去狄狄尼喎 睇黎我都係要快手d 想死.....
**************** 前兩日細佬拎左個舊相簿出黎 發覺自己以前......... 真係幾醜...... |
|
|
|
9 Jul 2006(日) |
|
尋日同屋企人同源去食buffet 哈, 食左好多魚生~~~ 不過就要去到遙遠既東涌 >_< 響東涌行左一陣 已經買左野....即刻閃!! |
|
|
8 Jul 2006(六) |
|
約左朋友仔行街 發現有一位朋友已經有左bb!! 好驚訝!! 媽媽?! 到左呢個年紀 相信身邊有d人開始計劃結婚 結婚....................好貴 幾時到我呢? 嫁唔嫁得去呢.................. |
|
|
|
9 Jun 2006(五) |
|
喜歡一個人 沒有原因地開始 結束時卻有千個理由
終於太陽 還是升起 |
|
|
|
8 Jun 2006(四) |
|
公司放keyboard的拉板原本已經有一邊爛左 點知今日另一邊都爛埋..... 好灰 個鐵造既板跌左落我大脾 個keyboard跌左落地下 我唔想放keyboard響𦭵面(因為好阻住) 但又好似好難搵人黎整 於是自己搵尼龍繩搏住個拉板 響𦭵底爬出爬入.... 勉強固定左佢 但就失去左拉出拉入呢個功能 唔知可以挨幾耐呢? |
|
|
7 Jun 2006(三) |
|
今日見到難得既好天 所以就著左新的高跟鞋子 短褲加高跟鞋子成為今個夏天最愛既衣著!! 我要努力搜購!! 可惜行完利時都無收獲.... |
|
|
|
5 Jun 2006(一) |
|
睇完《獨家試愛》 好好睇 個個都做得好好 方力申好衰, 佢一開始跟本就唔應該上人地屋企 吳佩慈好妖, 好醜樣, d粉成尺厚咁, 之前靚好多 佢無朋友嫁咩, 做咩一定要搵方力申? Stephy好任性, 仲有好唔like佢成日打麻雀 無個好人 ....個結局都幾特別
人唔會變, 只會更聰明咁掩飾
睇完左之後 好灰 |
|
|
