|
30-03-03 資料來源：StarEastNet、成報 阿倫獲「終身成就獎」 陳奕迅、陳慧琳和譚詠麟前晚齊赴深圳出席「音樂風雲榜頒獎禮」領獎，阿倫笑謂年 初出碟才稱自己是 03 年新人，如今次獲「終身成就獎」感覺有點怪怪。
| |
|
29-03-03 資料來源：東方日報 歌迷投訴求退票被拒阿倫感無能為力 在世紀末奪命疫症非典型肺炎肆虐下，一連六場的譚詠 麟、李克勤的「左麟右李演唱會」如期在四月四日開始舉 行，此舉卻遭人投訴，因為有購票者擔心疫症傳染，向有 關方面提出退票要求，但不獲受理，對歌迷的擔心，據知 目前很多演唱會的主辦單位都為此事感到很頭痛。 政府未有命令 昨日有已購買了「左麟右李演唱會」的讀者向本報投訴 ，因受非典型肺炎的影響，他向城市電腦售票網要求退票 ，但不予受理，投訴人表示政府都呼籲市民不要到人多聚 集的地方，既然阿倫、克勤的演唱會不取消，點解作為觀 眾無得選擇去退票？這樣對他們是不公平。 昨日阿倫身在深圳出席一個頒獎禮活動，對有歌迷投訴 退票要求被拒，阿倫解釋說：「政府未有下令可以退票，
|
|
|
根本就無安排呢樣嘢，(歌迷都提議你哋演唱會取消噃？)呢啲一切唔係我哋決定，好多 間公司一齊搞，大家都有共識，屆時唔會有握手環節，安全至上，(克勤建議派口罩？) 吓？去邊度搵？咁急，我就建議觀眾自己帶備口罩入場。」 商討應變措施 阿倫對歌迷的恐懼，提出退票要求的反應，阿倫亦深感明白，他說：「我會同公司反 映，或者問番製作公司喇，我呢幾日唔喺香港，唔知香港嘅情況變成點。」 「左麟右李演唱會」的藝能製作梁小姐重申：「至今日為止，阿倫、克勤嘅演唱會都 唔會取消，所以唔會接受退票。」梁小姐表示主辦單位會做足安全措施，一直以來他們 跟場館方面都有開會商討應變措施，下星期就有正式通知。 此外，連日來仍然不停有濱崎步的歌迷傳真、寫信到報館投訴阿倫，阿倫說：「我唔 會再就呢件事講嘢。」
| |
|
27-03-03 資料來源：StarEastNet、成報 《左麟右李》為大眾健康取消握手唔咀 近期因為爆發肺炎恐慌，全城人人自危，老牌歌手 Andy William 原本四月來港亦要 改期，而即將於四月四日在紅館開騷的《左麟右李》亦有應變，阿倫昨日接受記者電話 訪問時很遺憾的說：「我會取消握手，都唔會有咀嘴呢！而且更呼籲歌迷如有需要就自 備口罩入場。」同時，大會已準備向紅館負責人提出多加注意衛生問題，而觀眾可自備 口罩入場。他和克勤各有私家咪，他們亦會加強消毒及清洗。對於上次演唱會，阿倫、 克勤不時行向觀眾席握手，歌迷的瘋狂拉扯狂吻，阿倫說這次演唱會再不會有，這是為 了大家的健康安全着想。 至於日前阿倫接受港台《娛樂滿天星》節目訪問時，談濱崎步時評她歌藝，事後引起 步姐唱片公司不滿，昨日阿倫就事件回應說：「首先，我並唔係惡意攻擊任何人，只係 講出一個資深歌手感覺，而當日我好近距離聽佢唱歌，走音就係走音。如果大家有懷疑 ，可以翻看中日建交節目，亦可以搵專家去鑑證，就知道我所聽到咁就係咁。我亦有感 當今有不少偶像派唱歌都好有問題，因而引發我講出一些現象。」 評步姐說事實 此外，阿倫日前在澳門演唱會之後，就與區瑞強應邀出席了由澳門教育暨青年局及澳 門少年飛鷹會合辦的「生涯規劃講座」，主題是尋找目標立志向上。當日有數百位青少 年參加，而這批年輕人是曾經迷失犯錯後來參加了飛鷹計劃，更積極面對人生。
| |
|
26-03-03 資料來源：StarEastNet、成報 群星告別一廠 隨着無綫將軍澳新廠啟用，有十五、六年歷史的清水灣 電視城一廠將於本月底全面關閉。為紀念這個曾製作過無 數高收視節目的錄影廠，無綫前晚於電視城製作特別節目 《一廠最美的一夜》，邀請了多位曾在錄影廠留下難忘回 憶的藝人出席，一同緬懷過去。 出席的藝人有譚詠麟、劉德華、李克勤、鄭少秋、沈殿 霞及近年較少亮相的盧大偉等，未知是否心情緊張之故， 司儀鄧梓峰一開始就講錯說話，把「今晚有很多觀眾」說 成「今晚有很多棺木」，身旁的肥姐及汪明荃立即望住他 ，該部分唯有重新再錄。而肥姐與秋官碰頭亦有傾有講全 冇芥蒂，肥姐更讚秋官打扮有型。
|
|
|
阿倫要用到盡 阿倫前晚在電視城好活躍，去完餐廳食晚餐，又入廁所「幫襯」，他表示這個廠快將 關閉，所以要用盡它，甚麼地方都要試。阿倫說：「當年我喺古裝街拍 MTV，為咗有 煙火效果，熏到成塊面、指甲黑晒，連鼻哥窿都黑埋，真係好難忘。」 後來阿倫、克勤遇上陳小春，繼續以「推油」話題笑小春，阿倫笑指推油代表推廣旅 遊，小春就無奈地說：「你哋係前輩講嘢我可以點！阿倫又話撐我，真係一啖沙糖一啖 屎，早知佢講嘢反應咁好，就叫佢幫我宣傳唱片，好過講推油啦！」
| |
|
25-03-03 資料來源：StarEastNet、成報 阿倫靠金剛罩小宇宙百毒不侵 廣州電視台與耀星娛樂將於四月十三日推出新節目《勁歌王》，昨日在日航酒店舉行 盛大的記者會，出席的嘉賓包括譚詠麟、李克勤、何韻詩、鍾欣桐、黃家強、英皇老闆 楊受成、朱茵、Shine、許志安、蘇永康、林保怡、王喜、關心妍、黃柏高、麥浚龍、 Ba 叔等。阿倫與英皇老闆同場，但兩人卻冇偈傾，談到霆鋒及楊生的話題，阿倫笑言 只會呼吸唔講嘢。 由於廣州一帶曾發生肺炎事件，不禁令人聯想到主辦單位為安全起見，把記者會改在 香港舉行，求證於主辦單位，他們強調記者會絕對沒有受肺炎影響，他們選擇在香港開 記者會，是因為節目內會有很多廣東歌，故今次先跟香港音樂人見面，稍後亦會在大陸 開記者會。 只呼吸唔講嘢 楊生昨日一到場就四圍打招呼，不過就沒有與阿倫打招呼，問他知否阿倫亦有到場？ 他說：「係咩？咁我一陣過去打招呼啦！」談到英皇最近很多歌手都染病，他表示他們 的工作很忙，多嘢做，所以容易病，遲些會安排適當的假期。對於霆鋒未能取得紐西蘭 的工作簽證，他表示不知道。他說：「其實係 Production 去嗰度攞景，佢又跟埋去， MV 都唔係佢拍。(佢係咪為寫真集影相？)應該係。」 《左麟右李》五月尾會在廣州開騷，阿倫笑言他們有金剛罩和小宇宙，所以唔怕肺炎 ，連澳門之前落雨，他們一開騷就停雨，可謂百毒不侵。問到稍後會否用霆鋒做話題？ 阿倫說：「子華都講咗啦！」記者指黃子華說霆鋒應該終身監禁，霆鋒又承認愛過栢芝 ，阿倫即刻唔出聲。之後他對克勤說：「呢個時候我只係呼吸，唔講嘢，一個字都唔答 。」記者告知楊生在場，阿倫說：「邊個楊生？」然後就轉身搵張敬軒傾偈，克勤在旁 笑說：「呢個時候就應該學嘢。」 另外，阿倫與克勤昨日接受港台訪問，阿倫批評日本人氣歌手濱崎步唱功唔得，他說 ：「佢唱四句走三次音，佢係好冇質素嘅歌手。(但佢外形好！)咁最好做公仔。」
| |
|
25-03-03 資料來源：東方日報 阿倫狠批濱崎步唱歌唔掂 譚詠麟去年九月在北京親睹日本天后濱崎步當眾「發爛渣」，事後阿倫批評濱崎步好 失禮，昨日阿倫再次公開狠批濱崎步，不留情面指濱崎步唱歌唔「掂」，連在場的李克 勤都坦言未見過阿倫踩到咁盡，阿倫說：「係吖嘛，佢冇得罪我㗎，我親耳聽過佢唱 歌。」 靚女咪做公仔囉 昨日阿倫應邀在直播節目中為「第十四屆國際流行音樂大獎」作揭幕嘉賓，阿倫對大 部分候選歌手都有讚無彈，但當主持問到對「全年最受歡迎日本女歌手」濱崎步點睇？ 阿倫反應很大，皺起眉頭說：「嗰個唔得，唱四句就有三句走音，唱現場更加唔掂，連 歌手基本有嘅質素都冇，我喺北京聽過佢唱歌，唔得㗎，啲 key keep 唔到，好冇質素 。(佢靚女喎？)靚女？咪做公仔囉，做紀念品派畀人咪仲好。」阿倫還不留餘地直言： 「個個都好，總之最好就唔好係嗰個得獎！」 阿倫否認狠批濱崎步與去年她在北京當眾「發爛渣」，令他印象欠佳有關，阿倫說： 「你哋都可以聽番嗰個音樂會，佢渣就係渣，係我親耳聽到，可能佢嗰日掛住嗌交喇 。」阿倫表示他沒有誇張，亦沒有講大話。 濱崎步不作回應 此外，阿倫昨日跟楊受成在廣州電視台一個新節目酒會上碰頭，但兩人未有交談，最 初記者跟阿倫說：「楊生喺度喎？」阿倫反問：「邊個楊生？」隨即未有再理會，而楊 生則說：「係咩？一陣過去打個招呼。」但其後他行經阿倫後面時，楊受成雖有望了阿 倫一眼，但都扮作不見走開。
| |
|
24-03-03 資料來源：StarEastNet、成報 阿倫克勤個唱擺栢芝小春上枱 前晚《左麟右李演唱會》由香港移師到澳門開騷，二萬三千名觀眾玩得好盡興。阿倫 、克勤在香港演唱會上以余文樂及陳冠希的撞膊事件為題，今次在澳門演出就將陳小春 、張栢芝的「推油」事件擺上枱，阿倫更說推油是一個友誼療程，引得觀眾大笑。 這次在澳門開騷一如香港，有梁榮忠出來搞氣氛，他一開口指最近有人影到小春及栢 芝捽油，克勤立即說阿倫是過來人，阿倫笑笑口說：「最近有兩個行內人都睇過佢嘅相 ，發現原來是一個友誼療程，而呢兩位行內人就係骨精偉、家英哥！」克勤問阿倫這樣 說不怕阿姐又有誤會？阿倫說阿姐已習慣，其實推油是有益身心、促進新陳代謝、血液 循環同可以減肥。 他們愈講愈興奮，阿倫更騎騎笑說，當時影相只不過係影到下半截，係小春幫栢芝推 油，由腳板底開始推，經過南半球、北半球，又到南半球。梁榮忠聞言也掩嘴笑說： 「咁期間經過熱帶雨林......哈哈！」克勤說：「嘩！你哋講到咁遠，重有金字塔，獅身 人面像啦，好似講到旅遊咁，依家係講推油喎。」阿倫亦愈講愈語無倫次，竟將話題轉 到近期睇到有份誠信報紙，原來推肚腩再加放屁可以減肥，克勤說：「唔怪得校長成日 都放屁啦！下次校長喺大家面前放屁，可能會係一個療程或者友誼分享！」 八姑娘搶咪 前晚於氹仔球場開騷全場爆滿，觀眾入場及散場令附近交通癱瘓，球場附近的大廈露 台企滿觀眾，居高臨下免費睇騷，阿倫大叫大廈的觀眾開燈、關燈示意演唱會是否好睇 ，果然有好多屋企在關燈、開燈，阿倫說：「佢哋啲飛好貴，三百幾萬㗎！」此外，一 直是阿倫超級歌迷的何家八姑娘，在安哥環節後行上舞台，派利是給阿倫及克勤，兼且 不願落台及伸手搶阿倫支咪唱《紅日》，中段拍子加快，八姑娘都跟得上呢！ 演唱會後，克勤摸住頭髮說被煙花燒燶咗，阿倫立即在他頭上檢查，並哈哈笑說好像 捉虱乸！對於演唱中途曾灑過一陣小雨，幸好冇太大影響，他對於今次戶外騷的音響亦 好滿意，前日下午綵排後曾在場外繞圈走，聽克勤在台上唱歌音質不錯，可能因為首次 在氹仔球場演出，落重本放了不少喇叭。至於八姑娘上台唱歌，克勤讚她老當益壯。 頭髮被燒燶 至於他們在台上大談栢芝、小春的推油事件，不怕兩人不高興？阿倫望住克勤說： 「咦，唔係你去攞料咩？」克勤對阿倫突然推個波給他，就大叫：「呀，冇一句係我度 㗎，唔信大家可以睇番啲開會錄影帶。」阿倫說：「我哋係開玩笑，好似上次講樂仔嗰 件事，大家都係老朋友唔使預先溝通！」
| |
|
24-03-03 資料來源：澳門日報 譚詠麟區瑞強勿因小利放棄理想 可能是明星效應關係，當香港著名歌星譚詠麟、區瑞強出場主講「尋找目標、立志向 上」生涯規劃講座時，台下數百青少年反應特別熱烈。兩人現身說法，以自己個人經歷 ，教導青少年如何掌握決策技巧，最重要是不要因眼前小利，放棄自己的理想。 作決定勿隨波逐流 譚詠麟與區瑞強風趣親切的言談，帶動現場氣氛。有(校長)之稱的譚詠麟講述自己由 一個洋行小職員至今成為歌星及上市公司負責人的經歷，當中遇到不少挫折及需抉擇的 時候，但他能把持得住勇往朝着自己理想進發。他憶述當年畢業後考進一洋行當小職員 ，數月後公司表示有(肥缺)晉升他為茶水部主管，此職位非常優閒收入不錯，但他看到 舊茶水部主管一生在此而過，心想今日的他可能是自己將來的影子，細想十五分鐘，即 斷然拒絕好意。隨後當推銷員可能是口甜舌滑關係，成績甚佳月入達數千元，當時來說 是一份厚祿，但他為着理想毅然放棄投身樂壇。當然每個人為人生作出決定時首先要考 慮自己的興趣及能力，勿隨波逐流。
| |
