|
16-04-02 資料來源：太陽報、東方日報 阿倫安撫東魅旗下藝人 早前曾傳出 StarEast 藝員不滿公司在工作上的安排，前 晚曾志偉舉行生日派對，明顯不見太多旗下藝人到賀，對 此股東之一的譚詠麟抵達派對時說：「呢啲嘢有麝自然香 ，公司會盡量安排工作，依家 EO2 同 E-kids 八個成員已 經開始排舞，其他人已經同公司冇約喺身，公司要負責都 淨係同呢八個新人負責。」當記者追問公司另一藝人麥家 琪的去向時，譚詠麟說：「佢依家都有工作喺身啊！」 阿倫疑被冒名開公司 昨日本報收到傳真，指深圳一間諮詢公司，聲稱譚詠麟 是名譽主席，擔心有人藉阿倫的名，以明星效應博取客人 的信任，要求本報查探清楚。記者致電阿倫，他親口承認 擁有該公司股份。 仗義幫助老友
|
|
|
阿倫了解傳真內容後，對記者說：「呢間公司嘅老闆廖先生係我認識多年嘅朋友，打 高爾夫球時認識。我識佢嘅時候，佢嘅事業幾好。不過凡事有起有跌，佢曾經落難，之 後重新振作再搞生意，我覺得佢真心做事，值得幫佢、撐佢。於是佢開咗呢間公司後， 就送咗百分之一至二的股份俾我。」阿倫不願透露幫助了廖先生多少錢，但強調清楚了 解該諮詢公司的運作情況，又稱懷疑該行業競爭大才有此不利傳聞。 記者致電該諮詢公司首席顧問廖先生，揚言做生意問心無愧，若有任何投訴都歡迎當 面對質。他又表示十分感激阿倫仗義幫忙，不但金錢上幫助，還經常開解他。廖先生稱 最擔心這類不利傳聞會影響阿倫的名聲。
| |
|
15-04-02 資料來源：StarEastNet、成報 阿倫和小宝合照粉碎不和傳聞 頒獎禮完畢後，李克勤、阿倫及陳少寶齊齊返酒店，更一起影大合照，似乎是用行動 證明他們沒有不和。拍照時，陳少寶向阿倫打趣說：「你係咪簽番畀我呀！」問到克勤 有否與阿倫夾過口供？克勤解釋是因工作而不能赴約，更笑言想不到以前是阿倫講他的 新聞，現在卻調轉。他更強調：「以我角度睇佢哋(阿倫同陳少寶)冇嘢，牀頭打架牀尾 和，而唱片公司同歌手有拗撬都好正常。」有傳阿倫獅子開大口，克勤笑言：「價錢梗 要講，去廟街買嘢都要講價啦！」克勤稱陳少寶是外星人，因對方外表是中國人，但內 裏卻是鬼佬性格，性格好率直。他指上次因為唱片推出日期而與陳少寶出現拗撬，現在 大家都沒有事，總之有任何問題都不要透過傳媒才得知消息，因這樣會容易引起誤會。 而盛傳同譚詠麟、李克勤不和的環球總裁陳少寶，前晚則搭晒膊頭合照，少寶還風騷 笑問阿倫：「係咪簽番俾我！」阿倫則笑笑口說：「未傾喎！」
| |
|
14-04-02 資料來源：StarEastNet、成報 阿倫以笑回應續約 另一邊廂，同是與陳少寶傳不和的譚詠麟前日已抵達上海；原來阿倫約了克勤打波， 怎料對方臨時有事，害得他在酒店白白度過。問到現時與陳少寶關係如何？阿倫說： 「同環球續約嘅事仲進展緊，其實係啲雜誌憑空想像，我由寶麗金時代到依家環球都已 經二十年，有更大嘅人事變動都試過，我哋一路都有溝通，少寶仲話環球係舊年唯一一 間賺錢嘅公司。」至於環球高層鄭東漢是否離任？他說：「高層嘅事唔方便透露。(會 否影響你的續約機會？)哈......」 阿倫關心鋒芝：好棘手喎 譚詠麟、蘇永康和陳小春等昨日均在上海出席《雪碧榜頒獎禮》，對於霆鋒被捕及栢 芝助查一事，各歌手都表現得甚為避忌，未有作出任何回應。至於阿倫就表現得關心， 問有否聯絡謝賢時，他說︰「冇呀！我又冇霆鋒同栢芝電話，喺真㗎(有閉路電視拍到 整個過程呀？)好棘手喎！依家最緊要係冇事啦！」說到與環球的續約進展，他透露雙 方一直和平地斟洽，並否認刻意提早一天赴上海是迴避陳少寶。
| |
|
13-04-02 資料來源：StarEastNet、成報 阿倫憑歌寄意贈霆鋒 譚詠麟昨日乘下午二時三十五分班機，啟程前往上海任雪碧榜的表演嘉賓。大會安排 他提前一天到達進行綵排，當晚他會獻唱三首歌曲。對於霆鋒近日的緋聞，未知身為校 長的阿倫有何睇法？他竟用自己的首本名曲《情憑誰來定對錯》來解釋，這些緋聞根本 沒有對或錯，而且這些事只有局內人才知，不需要局外人評論。 指小春應報警 霆鋒接受某雜誌訪問時，曾透露有意退出娛樂圈，問他見到霆鋒時會否過他兩招？阿 倫說：「如果見到面都會講兩句。我睇住霆鋒長大，都算係哥哥輩，而霆鋒都已經長大 ，佢出道已有一段日子，經得起風浪，應以平常心來對待呢件事，必要時唔好同某啲傳 媒做訪問；佢亦可試用針對性方法去對付某啲傳媒，所以我覺得佢要有大將之風，唔需 要退出。然而，現在演藝人協會都應該做多一啲。」 提到小春對擅闖其寓所的記者叉頸，阿倫表示：「畀着我會落閘拉人，動武係不好嘅 ，應該報警。依家班記者可能有啲係短工、臨時工，可能想博出位，請佢哋節制啲。以 前班記者有傾有講，自從某集團加入後，風氣就轉咗。」 激嬲米雪菲花 早前阿倫去了美國，他雀躍地說：「喺洛杉磯發生咗件趣事，當時我喺某大商場嘅咖 啡店入面飲嘢個好靚嘅鬼婆，畀我一個親切嘅笑容。當時我嚟唔切做反應，只見到個靚 女好嬲咁走咗去，過咗一陣，先發覺個美女好面善，原來佢係米雪菲花。我初時醒唔起 ，仲以為佢係我 Fans。」
| |
|
09-04-02 資料來源：StarEastNet、成報 譚詠麟否認開價千萬續約環球 譚詠麟昨日從美國登台返港，有關他對環球唱片宣傳不足及開價千萬續約的報道，阿 倫一概否認，並指爆料人別有居心。他表示續約最重要是講感覺，要令他覺得舒服有安 全感。如果有誠意，就做生不如做熟，錢銀還是其次。 對於有報道指他不滿環球宣傳不足，阿倫好愕然說：「吓，係咩，邊度收風返嚟呀 ？」有說斟續約開價千萬，阿倫說這是外界猜測。而他與陳少寶是否不和？阿倫說： 「呢件事點解會傳出來，我哋根本冇咁惡劣，係爆料嘅人別有居心，唔知係咪想用輿論 壓力為將來鋪路，根本我同少寶之前傾咗乜嘢，就連自己都唔記得，我哋只係傾咗好多 做碟嘅計劃。」 談到最近好多歌迷為他抱不平，阿倫說這是歌迷反映出來的事。至於尚有多位環球歌 手同樣認為公司宣傳不足，阿倫表示別人的事不會理。 香港東魅受影響 談到廣州東魅的事，阿倫說他們也是受害者，東魅是以幾百萬出售經營權給對方，但 對方管理不善，所以東魅亦曾與其交涉，想買番管理權。期間更借過錢給對方裝修兩間 的士高，對方做了違法事亦不知道。至於點認識對方？阿倫說他與阿叻一齊與明星足球 隊到廣州踢波時認識何先生，當時對方亦表現得對投資東魅好有興趣，於是就以七位數 字賣了經營權給他。現在對方被拉，東魅音響器材亦被扣押，香港東魅亦受影響。至於 有東魅旗下藝人不滿工作少，想提早解約，阿倫說公司簽的藝人不多，大部分是新人， 實在需要時間培訓。談到志偉遇襲後，首次與楊受成在澳門賽馬會相遇，有指志偉避無 可避，難逃對方一瞥。阿倫笑道：「吓，係咩？咁好笑。」 支持賭波要開口 昨日阿倫回港後，最開心是見到港府正視了賭波是否合法化一事。阿倫一直都支持賭 波合法化，他之前說過政府畏首畏尾錯失良機，更向特首提出兩次，昨日見到政府開始 正視此事，令他好安慰，更呼籲大家如果支持此事，好應企出來說話表達意見。
| |
|
01-04-02 資料來源：StarEastNet、成報 阿倫提出賭波合法化不被接納責港府畏首畏尾 踏入五月便是四年一度世界盃開鑼日子，很早之前港府已經開始研究是否通過賭波合 法化。前兩日黎明及曾志偉都先後表示贊成賭波合法化，而校長譚詠麟更愈講愈激氣。 阿倫說：「梗係支持合法化啦！舊年我已經同佢哋(行政長官)面對面提出，但佢哋畏 首畏尾，簡直就係錯失良機！今次中國可以打入世界盃，全中國、全港球迷都好興奮見 證這件盛事，亦相信本屆支持世界盃球賽的人一定不會少，賭波合法化根本可以增加睇 球賽的刺激性。」至於擔心鼓吹賭風問題，阿倫表示政府可以設立一個健康、健全的基 制，就以好多先進國家為例，英國、新加坡已經將賭波合法化，中國亦一樣可以有足球 彩票呢！ 可提供就業機會 對於香港近年市道差，大小公司都實施瘦身、裁員，阿倫指一旦賭波合法，政府亦可 以在這方面提供就業機會予市民。他說：「目前反對聲音只是一小撮人而已。好似新一 季財政年度，政府要增加收入，如向市民問意見，究竟是加稅好？抑或將賭波合法化， 增加政府收入好呢？相信大家都會同意以賭波來增加政府的收入，這樣更正面及積 極！」 政府應該變通吓 阿倫覺得現在世界已不同，政府好應該變通吓！就算香港不讓賭波合法化，亦照樣不 能阻止市民賭波，但若能設立一些適合香港人去玩的賭波項目，定必有吸引力。不過他 慨嘆早在半年前已提出建議，甚至數月前見行政長官時又提過第二次，但都未被接納， 實在令人好失望。
| |
