|
29-06-03 資料來源：StarEastNet、成報 阿倫克勤譏霆鋒 1 拖 99 因為沙士而延期加場的《左麟右李演唱會》前晚舉行，之前阿倫與李克勤聲言會諷刺 時弊、論盡娛樂圈緋聞、是非，結果，他們沒有令觀眾失望，最抵死的要數他們建議謝 霆鋒，舉行「1 拖 99 心連心音樂會」來振興經濟；又扮霆鋒企上枱，然後公開道歉， 觀眾們笑不可仰。 阿倫及克勤為加場的演唱會落盡全力表演，當萬眾其待的棟篤笑環節時，梁榮忠扮董 太，穿上由頭包到腳的防炎裝出場，即唱「叮噹啊！誰都喜歡你，董生也自豪。」續說 ：「洗手、洗手、洗手！」阿倫及克勤取笑他在扮「懵仔」，梁榮忠說：「我係扮懵太 。」引得哄堂大笑。 阿倫跟克勤又研究如何令香港經濟復甦，克勤讚月前由阿梅策劃的「1：99 音樂會」 搞得非常成功，阿倫則說別勞動阿梅了，因她經已心力俱疲，再找的應該是有分量、人 面廣、有號召力、日日見報的霆鋒，阿倫說：「搵霆鋒，就可以有王菲同栢芝、趙學而 、Sammi(鄭秀文)，有栢芝，就有東東同小春，有小春，就有車婉婉、安仔，有安仔就 有 Sammi、有 Sammi 就有古仔，再有郭羨妮跟溫兆倫、重有八両金、余慕蓮。」字字 皆精，妙語連珠，觀眾拍爛手掌。 年輕歌手關係亂籠 克勤、阿倫與忠仔欲罷不能，續說：「有霆鋒又可以有 Candy(盧巧音)，就有余文樂 同阿嬌，有阿嬌就會有 Edison(陳冠希)，又會有 Cookies，有 Cookies 就會有 Shine， 再有阿 Sa；有阿 Sa、又再會有阿嬌、阿嬌之後又返去余文樂，阿樂又有 Candy，最後 又係霆鋒，咁就四水歸源，實行嚟個『1 拖 99 心連心音樂會』，呢個演唱會一定 掂。」 補飛說七．一唔使上街 此外，他們又以阿 Lam 跌落坑事件開玩笑，阿倫笑說：「大家都覺都當日跌落窿個 嗰係我？如果真係我跌落去，咁你哋又於心何忍呀。」之後再問觀眾誰人最值得跌落坑 ，現場觀眾反應熱烈，大呼「梁榮忠」，又有人說財政司司長「梁錦松」，阿倫指忠仔 這樣說會「毀壞國寶」，但忠仔補充說：「財爺經過『國寶』(太太伏明霞)訓練，佢可 以以十分打落台，都冇事。」又有人說衞生福利及食物局局長「楊永強」。為免得罪高 官，當克勤唱完一首情歌後，阿倫即補飛說：「聽完克勤首情歌可以紓解民困，大家七 ．一唔使上街啦！」 寸某人講話要道歉 他們又以華仔跟麥紹棠道歉事件為題，克勤指華仔再開演唱會定要找有分量人士合作 ，這人就是麥浚龍，至於找誰人贊助？克勤即說：「搵佢老竇囉！」梁榮忠又說：「唔 好亂講啊！寄信畀你要求道歉啊！」克勤轉數好快，說：「我講緊劉德華個老竇。」 演唱會結束後，阿倫、克勤與忠仔在後台，預備道歉信，向被他們取笑過的圈內外人 事道歉，三人還學「霆鋒企上枱」，朗讀信中內容並表示歉意，但每晚仍會繼續講。阿 倫笑笑口說：「我哋係咪好衰啊！公開道歉咪好囉，可以慳番開記者會澄清費用。」
|
|
28-06-03 資料來源：太陽報 阿倫克勤合唱情歌擔心變攣 原定四月初加場的《左麟右李演唱會 Part 2》，因 SARS 肆虐，順延至昨晚於紅館舉 行。全場座無虛設，氣氛熱烈！阿倫與克勤在打扮上更見心思，二人分別披上閃令令大 褸，以黑白雙煞造型登場。及後他們脫掉大褸，克勤露出魚網露背裝，盡騷健碩身形， 並戴着閃爍的手套；阿倫亦不甘示弱，狂曬鑽戒！ 二人在台上繼續發放笑彈，阿倫說：「歡迎大家再一次嚟睇唔戴罩演唱會！」克勤則 說：「呢個係開埠以嚟，男男女女都唔戴罩嘅演唱會！」阿倫還呼籲歌迷盡情狂歡，全 場立即呼叫！其後「麟李」合唱《愛一個人》，阿倫笑言擔心與克勤合唱太多情歌，未 知會否因而變「攣」！
|
|
27-06-03 資料來源：太陽報 食定雞精為八千 Fans 簽名阿倫挑戰華仔爭做旺角街霸 劉德華早前在旺角舉行簽名會，引來數千 Fans 捧場，連左麟右李的阿倫及克勤亦向 他下戰書，以簽八千個名額衝破華仔二千五百名簽名紀錄，爭做旺角街霸。 挾着阿倫與克勤今年打孖上的強勁走勢，二人為破華仔紀錄，下星期六將在旺角同一 地點舉行簽名會，跟華仔鬥墟冚。左麟右李更定下簽八千個名額來破華仔紀錄，阿倫說 ：「都唔係刻意要破佢紀錄，只係我哋應唱片舖同 Fans 要求搞簽名會，咁啱地點又係 之前華仔舉行嗰條街，咪試吓可唔可以破佢紀錄囉！破紀錄係其次，大前提係響應振興 經濟，由我哋吸引啲人上街消費。」 投保五百萬以策安全 簽名會雖由下午四時封路後才開始，但為應付簽八千個名額這項艱巨工作，阿倫笑說 ：「要破華仔紀錄，我依家已經開始飲定雞精補精力，只要大家肯支持，八千個名就算 簽到凌晨十二點都冇問題。」至於克勤，因下星期六適逢《勁歌季選》，分分鐘有份入 圍的他，可能簽至一半便要離場，將破紀錄重任交由阿倫獨撐。 但阿倫與克勤擔心屆時場面混亂，除安排逾五十個保安外，環球還買重保險，為簽名 會投保五百萬，阿倫說：「我哋同公司都擔心 Fans 一早去排隊，未到下午四點封路就 出現混亂場面，萬一 Fans 喺條街有乜意外我哋要負責，以防萬一，咪買定保險，但我 希望 Fans 到時守秩序，我哋一定會盡力滿足大家。」
|
|
27-06-03 資料來源：蘋果日報 皇馬八月大軍壓境球迷發狂碧咸未到阿倫克勤撲定飛 成功羅致英國球星碧咸的西班牙勁旅皇家馬德里，盛傳將於八月來港獻技，屆時一眾 香港球迷便可一睹眾球星的風采。儘管皇馬來港一事尚未落實，但城中已經展開一片撲 飛熱潮，譚詠麟、李克勤及許志安等均表示會用盡方法撲飛捧場。 「要佢哋還人情債」 身為球迷的譚詠麟，早前其「左麟右李演唱會」掀起撲飛熱潮，現在他要倒過來一嘗 撲飛之苦。阿倫說：「我要睇嘅話，就會用盡一切辦法，早排足總內部啲人同我撲『左 麟右李』嘅飛，𠵱家就係佢哋還人情嘅時候，我會搵晒我球圈啲朋友幫忙，但如果真係 撲唔到嘅話都冇辦法，話晒世界盃嗰陣，我已經睇過啲世界勁旅踢波。」 有傳屆時碧咸未必可以跟皇馬一起來港，但阿倫認為碧咸能否來港，對一班波友影響 不大。阿倫說：「我都好鍾意碧咸嘅，但論球技佢仍有待進步，其實皇馬本身有咁多世 界級球星喺度，淨係睇佢哋已經夠晒啦！」 除了阿倫外，李克勤與許志安亦已展開撲飛行動，昨日安仔說：「我係皇馬擁躉，到 時我都會約埋吳國敬同張偉健去睇波。我都知道好難買飛，但我會有辦法搞掂㗎啦。」 而李克勤亦在電話中說：「總之我有辦法撲到飛啦！不過我同阿倫八月中要去外地登台 做『左麟右李演唱會』，希望佢哋喺哋出發前嚟香港啦！」
|
|
23-06-03 資料來源：東方日報 阿倫出面拉攏黃伊汶 Yumiko 合照 黃伊汶(Emme)、鄭希怡(Yumiko)兩位「死對頭」，前晚齊齊演出無綫大型籌款活動 「明愛金禧暖萬心」，兩人在台上跟蕭正楠合演歌舞劇時全情投入，祝酒時又互相碰杯 ，但台下 Yumiko 為避免跟黃伊汶合照就不停閃避，搞到要(譚校長)譚詠麟做和事老， 才能成功拉得兩人合照。 如是者避來避去，到最後阿倫與李克勤向記者八卦發生何事？阿倫不信是事實，遂由 他出面拉兩人合照，合照時黃伊汶與 Yumiko 都未有交談，阿倫對二人說：「娛樂圈係 大家庭，唔厘你哋有無嘢，都要即時解決，我相信無事嘅。」雖然合照影完，兩人去到 慰勞宴依然各有各坐，似乎阿倫之「和事老」作用並未有效。
|
|
22-06-03 資料來源：StarEastNet、成報 阿倫教華仔講三聲 Sorry！ 譚詠麟前晚出席《凝聚每分光感謝大會》時，被問到有關麥紹棠不滿劉德華早前接受 訪問時，提及兩人之間的官司，華仔事後作出道歉事件。身為樂壇校長的阿倫，直言自 己說話涉及他人時，會先講 Sorry，而他更即時贈華仔錦囊，教他要學董太說話，講 Sorry 一次唔夠就講夠三次，禮多人不怪。 阿倫覺得前晚的活動很有意義，他說：「我哋喺台上叫全場一齊『嗱』走晒啲沙士， 每個人都表現得好肉緊，啲沙士畀我哋整走晒。」對於華仔與麥紹棠的瓜葛，阿倫坦言 唔知點答，因為外人不宜多言。但他自己說話前會先 Say Sorry，他說：「我同克勤開 騷會好多嘢講，暢所欲言，但最緊要講 Sorry 先。(有人話一句 Sorry 唔可以彌補傷害 。)咁咪講夠三句囉！董太都係講三句。Sorry！Sorry！Sorry！」他直言這算是給華仔 的錦囊，問到是否已指點了華仔？他說：「頭先諗唔起，下次再講。」 建議豁達面對 阿倫與克勤於本月廿七日開始為《左麟右李》加場演出，問到會否再講上次說過的話 題？阿倫笑言可以被他們講的都一定是 Hit 的話題，大家聽完都會好暢快。至於會否怕 言者無心，聽者有意？他說：「咁就真係幫唔到佢，可能未必係咁，其實都係想大家開 心。」他覺得大家應該以豁達的方法面對，阿倫指就如霆鋒亦在轉變中，大家要給予時 間。他說：「可能佢態度好啲，大家就覺得好驚訝，不過唔緊要，禮多人不怪。」 敏而成為阿倫笑柄 敏而的私相簿中有許多珍貴的照片，每張照片都有它的歷史，她看着一幅幅照片，感 覺就好像發了一場夢一樣，感嘆時光飛逝。她與阿倫的淵源甚深，為阿倫作的一首《幻 影》令他的事業更上一層樓，她為他作了許多經典情歌，但原來她亦曾為阿倫作了首快 歌，更淪為阿倫口中的笑柄。 「我寫過一隻《最佳福星》，佢好努力咁唱，佢嗰陣時喺紅館都笑過我，冇所謂啊， 我哋玩得起，其實同校長合作好開心，佢好肯接受意見。」她還記得有年陪阿倫出席 《紅白歌唱大賽》，他要演唱廣東歌，便叫她在綵排時教和音唱廣東歌，她在半小時內 訓練眾人演繹廣東話，簡直要施展渾身解數才能完成任務。
|
|
20-06-03 資料來源：StarEastNet、成報 阿倫出席福建發布會 阿倫昨日於廈門返港，此行他為優閒服任代言人，阿倫見到記者，即好 Hard Sell 地 除下外套，讓記者影相，隱約之間阿倫還露出誘人兩點。問他可有慰問張慧儀？他稱： 「我都係睇新聞先知件事，不過無同佢聯絡過。」
|
|
17-06-03 資料來源：StarEastNet、成報 譚詠麟笑阿叻草擬慰問辭圈中人為張慧儀抱不平 霍紹裘涉嫌揮拳打傷未婚妻張慧儀，令圈中人議論紛紛，大家都為慧儀抱不平。而慧 儀的好友陳百祥暫時未有公開表態，昨日亦沒有主持港台節目《開心日報》，對此，其 老友譚詠麟就取笑他說：「佢喺屋企草擬慰問辭！」 了配合全城清潔大行動，香港房屋委員會邀請譚詠麟及李克勤擔任清潔大使，宣傳有 關信息。昨日於黃大仙龍翔中心舉行開幕禮，大會為二人度身訂造大批一比一的人形紙 牌，放置於房委會轄下 131 個屋邨。 昨日問到阿倫對慧儀的事件有何看法時，起初他不願回答，之後記者繼續追問，他就 說：「打人已經唔啱，重要打女人！」原來阿倫本想昨日致電《開心日報》節目，問阿 叻對事件的看法，誰知他卻沒有返工，阿倫笑說：「可能佢草擬緊慰問辭！」那麼可會 致電慰問慧儀？阿倫表示沒有對方的電話。 大陸演唱會順利 談到有報道指 8 月在大陸舉行的《左麟右李演唱會》遇上阻礙，阿倫說：「不知幾順 利，不過有些計劃確是因為沙士而延遲了，現在已沒事。」至於前日的父親節，阿倫與 父親到了灣仔某商場食飯慶祝，但用膳完畢攞車時，老竇為咗等我架車，企喺條街淋雨 大半個鐘！竟然有百多人排隊付停車場費，期間有人不滿安排，與職員發生衝突。阿倫 本想做和事老，但見群情太洶湧，最後只好作罷。
|
|
16-06-03 資料來源：太陽報 譚詠麟等 35 分鐘繳泊車費 灣仔一個停車場昨午被投訴收費緩慢，等候繳費時間長達半小時，一度有三十多人排 隊輪候，司機不滿因此要多付一小時泊車費，而歌星譚詠麟亦一度被困人龍中。 一名姓李男子向記者表示，他昨午三時許與親友品茗後到該停車場取車，發覺繳費處 有三名職員，只有一部電腦，平均需要一分鐘才能計算一張泊車卡。當時繳費處外有三 十多人排隊，他排至三時半才能繳費離場，因為排隊關係逾時，要多付每一小時二十一 元的泊車費，他對此十分不滿。李稱曾向職員建議一次過為所有人打卡截數，然後才逐 一收費，但職員不肯。另一名排隊姓黃司機亦慨歎：「今時今日，咁嘅服務態度點得 吓。」 歌星譚詠麟也是「受害人」之一，他對記者說：「真係好慢，我等咗七個『字』，部 電腦成分鐘先計到一張『飛』，幾十人咪幾十分鐘囉！」
|
|
15-06-03 資料來源：StarEastNet、成報 阿倫願做克勤契細佬 譚詠麟與李克勤在台上又跑又跳，但當兩人行到台邊時，阿倫都有叮囑克勤要小心， 慎防發生阿 Lam 墮台事件。對於最近阿梅與霆鋒因結拜傳出緋聞，阿倫笑說：「如果 要結拜會揀克勤，結拜當日打算室內放煙花慶祝，邊個做契細佬都冇所謂啦。」 阿倫與阿梅相識多年，為何沒有想過結拜？阿倫自嘲可能自己未做到阿梅的要求，雙 方都不會聽從對方的說話。對於有傳霆鋒想借阿梅做宣傳，阿倫覺得大家戴有色眼鏡看 霆鋒不公平，阿梅對霆鋒是出於好心，希望以自己過來人的經驗心得教他，他說：「其 實我得閒都同霆鋒傾偈，但我唔會同佢結拜，因為一結拜就變咗契仔，都要提點住佢， 因為佢係後生仔嘅榜樣。(吓！佢係榜樣？)所以要教好佢囉。」
|
