|
28-07-03 資料來源：東方日報 阿倫：有強姦冇局賭！無綫改制屬霸道？ 譚詠麟(阿倫)昨日往大球場欣賞利物浦與香港隊的賽事，被問到無綫欲強制旗下歌手 不能以其他語言接受合約以外的電視台訪問，問阿倫是否覺得無綫霸道，他表示：「呢 啲你情我願啫，就好似有強姦，冇局賭！」 剛從澳門工作返港的阿倫在球賽舉行完畢後接受電視台訪問時，雖然有線電視娛樂台 打正旗號訪問他，但因為他與無綫沒有合約，所以顯得毫無避忌，事後阿倫對於傳無綫 改制一事表示：「好難講，等於雞同雞蛋咁，你情我願，每間公司嘅立場都唔同。(無 綫咁做係咪封殺其他電視台？)咁睇個歌手點睇啫，可能佢哋會對無綫較有信心，不過 都係交畀經理人公司或唱片公司安排啦......我同無綫關係良好，冇利益上衝突，不過唔 關我地位係咪超然事。」 另外，對於昨日利物浦贈港隊六蛋，阿倫笑笑口表示：「利物浦個五號仔就打得最好 ，一個過五個，不過因為香港球員成日拉五號仔件衫，所以拉到個五字長晒。」
| |
|
22-07-03 資料來源：StarEastNet、成報 阿倫帶老婆食盡東京 譚詠麟同李克勤呢對拍檔，上個禮拜齊齊去咗日本東京旅行，阿倫同佢嘅老婆 Shirley、同埋 Shirley 嘅一班女性朋友，成班人一齊起程，同行重有一個七、八歲嘅細 路仔吓，而克勤就同佢女友盧淑儀一齊預支蜜月。左麟右李去咗東京雖然只有幾日，但 佢哋都使咗唔少錢。佢哋一齊入住位於惠比壽區嘅六星級酒店 Westin Toyko Hotel， 不過行程方面就各有各玩。向來有食物焚化爐之稱嘅阿倫就以搵食為主，馮仁昭聽聞佢 重特登走咗去原宿食法國菜吓，而今年係日本迪士尼公園二十周年紀念，唔知阿倫有冇 帶個小朋友去迪士尼玩呢？
| |
|
20-07-03 資料來源：StarEastNet、成報、文匯報 阿倫出席黃霑演唱會嘉賓 黃霑的《獅子山下演唱會》前晚舉行，霑叔得到許多圈中好友撐場，簡直巨星雲集， 分別有葉蒨文、葉振棠、葉麗儀、鄭少秋、鄭中基、鍾鎮濤(阿 B)、李克勤、譚詠麟、 鄭裕玲等。阿 B 出場時，大讚霑叔老而彌堅，霑叔聞言竟然不受落，並叫阿 B 不要這 樣說，因為當年祥嫂讚完祥哥老而彌堅後，祥哥便過身，此語一出，引來哄堂大笑。 克勤與阿倫出場時，克勤先向霑叔講句不好意思，因為當年他唱霑叔寫給他的「鐵膽 梁寬」未曾 Hit 過，霑叔安慰說與他無關，因為當時大家都未行運，阿倫又說：「關未 行運乜嘢事，唔係關飲茶、灌水事咩？」克勤笑說：「我冇諗呢啲。」阿倫又說：「唔 關你事？關啲高層事，飲飲吓飲咗咖啡。」 譚詠麟望 E-Kids 弱能變超能 昨日譚詠麟於山頂露天廣場，見證 E-Kids 被委任為「香港弱能兒童護助會」愛心大 使，阿倫笑指 E-Kids 是樂壇弱能兒童，經常被人歧視，希望他們能由弱能變成超能。 而他們與三百名 Fans 將於下周三賣旗籌款，Tommy 說：「我哋喺娛樂圈畀人嘅感覺 似死靚仔，冇正經嘢，啲 Fans 就瘋狂，我哋希望透過今次活動令大家改觀。」 「舞影行動」調查期間，廉署再揭發一宗上市公司主席操控股價，阿倫聞言感愕然說 ：「嘩！查到咁多嘢，係咪有臥底喺公司，我怕係雷聲大雨點小，廉署冇實質進展，好 似上次康寶駒事件，事後被轟。不過，我諗佢哋都擔心再被轟。」對於何麗全等人被調 離音統會及音樂節目，他認為無綫有本身的做法，現時可能是冷卻期，這並非定罪，因 為法律未有定案。 為陳少寶報平安 昨日有報道指 IFPI 打算開除陳少寶主席一職，阿倫表示與陳少寶通電話時，沒有提 及此事，而陳少寶聲音聽起來很精神，並透過阿倫向朋友報平安。淑梅姐早前曾於 IFPI 聚會見過少寶，如果事件屬實，她認為世事變化太大。 另外，阿倫表示贊成港台實施的新措施，並建議將所有新歌串起，於節目內播放，讓 對音樂有熱誠的人士多點機會表達。
| |
|
19-07-03 資料來源：StarEastNet、成報 阿倫談黑幕怕樂壇變質環球向歌手派定心丸 有譚校長之稱的譚詠麟是德高望重的前輩級歌手，由寶麗金年代至現今環球唱片經歷 過樂壇不同年代，對於廉署日前進行「舞影行動」調查頒獎禮「賄選」造馬及某唱片公 司總裁收受利益，作為歌手更改合約的報酬，譚校長昨日首度開腔談論樂壇黑幕問題， 至於李克勤則透露環球亞洲區總裁已向旗下歌手派定心丸，穩定軍心。 譚校長與克勤昨晚擔任黃霑演唱會嘉賓，對於環球高層及歌手被廉署調查，阿倫坦言 不希望「賄選」是真，因為這種不健康的風氣，會令一些對做音樂有誠意，及花過心血 做音樂的人不公平，最不想見到樂壇變質，他說：「我深信好嘅歌，好嘅音樂人一定有 好報，希望樂壇唔好變質。」因為他是環球「老臣子」，今次事件對公司形象及聲譽受 到一定影響，問到阿倫會有何感受？阿倫開玩笑說：「我在寶麗金就好多年，我在環球 只係新人，新人唔會知咁多嘢。(學友話歌手要埋堆先有獎攞喎？)每個人嘅睇法都唔同 ，如果真係計出席率就有獎攞，咁 E-Kids 都得啦。(信唔信有黑幕？)我真係唔知，我 由 88 年開始唔攞獎大家都知，在 84 年因為攞太多，所以我重要交番啲獎出嚟。」
| |
|
06-07-03 資料來源：StarEastNet、成報 阿倫克勤宣布暫別左麟右李 7 月 1 日有五十萬香港人為同一信念上街和平遊行，而昨日就有四千人情緒高漲聚集 在旺角鬧巿，目的是為了與人氣組合「左麟右李」譚詠麟與李克勤接觸及索取簽名，同 時「左麟右李」宣布將會與大家暫別，好讓克勤全力再戰「最受歡迎男歌手」。 「左麟右李」熱潮由今年年頭捲起，昨日阿倫與克勤於旺角鬧巿舉行兩人合作的首個 簽名會，吸引四千人排隊及圍觀。大會於 4 時起封閉旺角半條西洋菜街，並聘請八十名 保安在現場潮水式控制人流，令簽名會花費總共五十萬。阿倫到場後，即企上椅子向在 場 Fans 揮手，在旁的克勤因擔心危險曾阻止他，最後他們站在大會事先安排的台上， 與四千 Fans 揮手，並向旺角區的左鄰右里講聲「打攪晒」，之後再為三千 Fans 簽名。 已讓步勿咄咄逼人 克勤昨日身穿有「23」字樣的 T 恤，他笑言是要跟隨國際球星碧咸穿 23 號衫，並強 調與政治無關，亦不希望影響歌迷思想。談及昨午董特首於 23 條立法上讓步一事，阿 倫即吩咐克勤要唞一唞，讓他親自回應，阿倫說：「其實主要部分已經讓步，有一個 下台階畀大家行一步，大家千祈唔好俾勝利沖昏頭腦。(點睇包圍立法局？)唔應該，大 家要冷靜，有啲嚟要諗清楚，好似溫總講『要珍惜來之不易的主人翁地位』，呢句說話 要慢慢咀嚼，大家退一步海闊天空，可以睇多啲嘢。政府退咗三條讓三步好緊要，唔好 咄咄逼人。(會否贊成延遲立法？)最好啦！但政府可能有苦衷，要佢(董特首)勇敢啲溫 總走之前係咁同佢講。(溫總講話記得好清楚？)牢牢記於心中。」 阿倫認為政府最緊要聽取民意，並負責及勇敢處理，對於董特首嘅能力，阿倫覺得任 期完結後再談更好，現時民情激動，大家要唞吓氣，不要太執着。他說：「搞到同台灣 、南美冇乜分別，動不動就有武力及激進行動，搞亂投資者意欲就唔好。」 全力爭取樂壇獎項 另外，阿倫昨早與克勤商量後，決定擔任完黃霑演唱會的嘉賓後，「左麟右李」將暫 別大家，以免阻礙克勤個人發展。
| |
|
05-07-03 資料來源：StarEastNet、成報 阿倫玩謝阿叻寫慰問信畀慧儀定高官？ 張慧儀事件早前震驚整個娛樂圈，曾經與她傳過緋 聞的陳百祥一直避談此事，昨日他出席慈善高球賽時 ，被老友譚詠麟趁機揶揄一番：「你封慰問信寫咗未 ？」阿叻聞言立即尷尬地彈開，兼夾無言以對，未能 反擊阿倫。 阿倫和阿叻昨日在愉景灣出席慈善高爾夫球賽。自 早前被傳不和及打架後，昨日是二人首次在公開場合 碰頭，兩人一見面立即攬頭攬頸，以及有講有笑，實 行以行動粉碎謠言。 啞口無言 一向抵死的阿倫，一見到阿叻，立即自編、自導、 自演地揶揄阿叻一番，向阿叻說道：「你封慰問信寫 咗未？」未知阿叻是否未料到阿倫有此一着，抑或正
|
|
|
中死穴，一向能言善辯的他，立即啞口無言，略帶尷尬地笑了一笑便彈開。記者追問阿 叻所慰問的是否張慧儀？阿叻便愈問愈走，未有回答。 唔嬲君如 記者唯有轉移目標，向阿倫追問阿叻所慰問的是誰？奸計得逞的阿倫笑說：「阿叻想 慰問高官啫，想慰問董建華！」及後更大聲地向離開得遠遠的阿叻揶揄多一句：「幫你 解釋咗喇，我同佢哋講係高官喳！」阿叻繼續無力還擊，場面相當有趣。 吳君如日前以好管閒事的金魚草來比喻「左麟右李」，阿倫昨日表示不會嬲，他說： 「冇所謂，開玩笑啫，娛樂圈係咁，你笑吓我、我笑吓你，唔需要介懷。」另外，阿倫 對於 7 月 9 日市民到立法會外集會，表示好擔心，他認為人多聚集，好易衝動，希望屆 時去集會的市民保持冷靜。問到阿倫認為特首董建華是否要向市民道歉，或是要落台？ 他說：「唔知，唔可以隨便講，不過假如日本發生這些事，可能已經換咗幾 十次人 喇。」
| |
|
05-07-03 資料來源：蘋果日報 童年遭惡妹圍毆阿倫罰抄「譚詠麟」想死！ 譚詠麟(阿倫)與李克勤近日推出《左麟右李》自傳，二人分別自爆小時候的反斗事。 小時候的阿倫因個子矮小，經常被三個胞妹毆打。而被老師罰抄「譚詠麟以後不......」 時，阿倫直言想死！ 譚詠麟與李克勤推出的《左麟右李》自傳，印製了五千本彩色限量版，每本註有號碼 ，一向迷信的阿倫揀選了「888」號作個人珍藏，取其「發發發」之意，克勤則揀選了 自己的生日日期十二月六日「1206」號書。 阿倫提到童年時發育遲緩，個子矮小，經常被三個胞妹欺負，每次打架總是她們的手 下敗將。 有一次，阿倫妹妹為報復哥哥偷了她的公仔紙，搶阿倫的綠寶汽水飲，阿倫竟狠狠給 妹妹數巴掌，結果妹妹向譚爸爸哭訴，譚爸爸最後給阿倫一個重拳，令他痛不欲生。 寧改名譚一一 小時候的阿倫十分頑皮蠱惑，經常被老師罰抄「譚詠麟以後不在上課時說話」和「譚 詠麟以後不欠交功課」，但阿倫說：「點解我個名要咁複雜？叫譚一一咪好囉，譚詠麟 咁多筆畫，想寫死我咩？」 於是阿倫自行將「譚詠麟」改為「我」，簡簡單單地完成罰抄；事實上，阿倫的字奇 醜無比，像符咒一樣，連他也不知道自己在寫甚麼。原來，阿倫明知老師不會逐頁檢查 ，於是在厚厚的罰抄中混幾頁白紙，以圖蒙混過關。 不甘被屈傾偈 某次，上課時打瞌睡的阿倫被老師誤以為在傾偈，要他罰抄課文兩篇，但阿倫最討厭 被人冤枉，不肯妥協，老師翌日召見他，要他交罰抄時，阿倫竟囂張地說：「冇！」氣 得老師要他翌日交夠四篇。 結果，阿倫一次又一次拒交，令到原來只是兩篇的罰抄，變成四篇、八篇、十六篇、 三十二篇......最後發展到萬多篇的驚人紀錄；老師見阿倫完全沒有交罰抄的意圖，惟有 改罰他舉櫈，事件才告一段落。
| |
|
04-07-03 資料來源：StarEastNet、成報 阿倫讚溫家寶總理冇得頂 「七．一大遊行」令五十萬港人齊齊上街，譚詠麟(阿倫)昨日接受港台《開心日報》 的電話訪問，當日他沒有參與活動；被問及他對五十萬人上街有何睇法，阿倫說話有點 保留，但言語間不斷盛讚國務院總理溫家寶。 阿倫在演唱會上沒有談及剛過去的「七．一大遊行」，主持車淑梅問他對五十萬人上 街有何看法？阿倫表示當日早上有收看溫家寶(國務院總理)的發表演詞，以「冇得頂」 大讚他很有政治家的風度。阿倫說：「要寬容佢就畀寬容，要開心佢就畀開心。」 莫將民怨與 23 條並論 對於溫總理勉勵港人「希望港人珍惜主人翁地位，因為得來不易。」這句說話，阿倫 又讚溫總理這句話語重心長。至於五十萬人上街，阿倫覺得這可能是市民積怨太深，尤 其是就買車事件、沙士及高官問責制。溫總理所表現的風度，香港的高官好應向他多學 習，並好需要努力反省。 對於基本法 23 條立法，阿倫有這樣想法，他覺得市民要小心，不應將民怨與 23 條混 為一談，他說：「23 條係要立法吓啦！至於係咪咁快就唔知，大家要小心，唔好俾勝 利沖昏頭腦，唔好包圍立法會，前車可鑑，好似六．四事件，搞歪咗自己地盤，人哋睇 住我哋做嘢。」
| |
|
03-07-03 資料來源：東方日報 阿倫負傷演出「麟李」被克勤阻止講七一 首場「左麟右李」演唱會上，阿倫與克勤將香港高官、藝人全部擺上枱玩，前晚最後 一場演出剛巧遇咗「七一遊行」，不過，平時甚麼都玩一餐的他們卻有點避忌，反而講 恬妞時卻愈講愈興奮。未知是否最後一場，現場觀眾反應相當熱烈，阿倫與克勤亦傾全 力演出回饋大家支持；但原來精采演出背後，阿倫竟是負傷上陣呢！ 前晚「左麟右李」最後一場演出，余文樂、阿叻、秀姑及阿倫的父母等都來捧場。一 如過往幾場，阿倫與克勤將「一拖九十九」擺上枱玩；期間，阿倫說：「你哋今日七一 有冇行......」克勤立即插嘴說：「唔好講呢啲嘢！」阿倫唯有說：「你叫我唔講就唔講 ，發洩過就算，咁唱多首歌發洩囉！」其後，克勤取笑阿倫經常忘記歌詞，阿倫聞言道 ：「我唔記得歌詞唔緊要，但你唔記得拉拉鏈！」嚇得克勤立即望一望條褲，阿倫笑指 見到他的拉鏈閃吓閃吓才有此誤會，克勤就說：「你點解成日望住嗰度唱歌？」又說： 「叫咗你戴腰封唱歌，不如帶你見張玉珊！」阿倫興奮地說：「有冇睇報紙，搵恬妞收 腰兼爆胸。」克勤笑說：「如果可以似佢就好，唔係就收胸脹腰！」 嚇親以為冇拉拉鏈 慶功宴上，問克勤為何不准阿倫講「七一」？克勤解釋：「呢啲避得就避，唔想我哋 影響人哋想法，呢啲唔想攞嚟講笑。(你哋冇講高官？)只係第一場講，但除咗懵太之外 ，全部都冇提。(唱片公司唔畀？)少寶邊會理我，今日都冇講佢執平嘢！有幾 Part 重想 喊添，好似唱《三千零一夜》播我同女友嘅片段，重唱《無言感激》都想喊。」克勤說 ：「總括嚟講第一場冇咁好，日場都好犀利。不過，譚生好似唔舒服，連我都呃埋，我 跑圈佢都冇跑，今日特別呆滯。據我知佢條腰扭傷，忍住上陣。我希望『麟李』好似溫 拿咁隔一陣再開完騷之後得聽日休息，後日(3 號)又返內地拍廣告。」 講恬妞就好鬼開心 阿倫亦承認前晚是負傷上陣，他說：「之前幾場因為地獄式訓練，玩呼拉圈玩到 5 點 ，有朝瞓醒郁都冇郁就傷咗，所以推油按摩，依家大力呼吸同唱歌都有啲痛，但我係真 正專業嘅歌手，所以毫無保留。不過，克勤話我唔識死，傷咗做運動好傷，佢重試過入 院。(你有冇睇醫生？)邊有時間，最重要係休息，頭先重要捧住大支嘢(大香檳)，志偉 都買咗支活絡油畀我。」剛才演出時想講「七一」甚麼？阿倫稱：「冇呀，想問啲人上 街有冇發洩夠。(克勤：佢又講安仔，又講恬妞！)睇報紙不知幾開心，標題好搞笑，寫 佢爆胸。(頭先係咪真係以為克勤冇拉拉鏈？)我見佢條鏈 Fing 吓 Fing 吓，嗰度有啲反 光，又唔好意思幫佢拉，費事走咗出嚟！」克勤即插嘴說：「嚇死我，費事益街外人啦 ，但阿倫真係好無微不至。」阿倫又有感而發地說：「費事食幾多、着幾多都畀人知道 晒，咁就唔好啦！聽日呢個實起題啦！」
| |
|
01-07-03 資料來源：東方日報 阿倫叫霍紹裘教打拳 不少藝人頗介意被人拿來開玩笑，好像阿倫與克勤於「左麟右李」演唱會上便開了很 多藝人玩笑，當中包括劉德華及劉爸爸、劉媽媽；不過，華仔不但沒有介懷，還送上大 花牌給阿倫及克勤，多謝他們為觀眾帶來歡樂呢！ 譚詠麟和李克勤在《左麟右李》演唱會上，將圈中人擺上枱大講棟篤笑，此舉卻被批 評是為個唱出賣朋友，其中有份被玩的劉德華昨日卻力撐兩人，聲稱無傷大雅，故不會 介懷。 當日阿倫和克勤在演唱會上，搞笑地提議華仔和 Juno(麥浚龍)合作開一個「擦出火花 演唱會」，克勤還笑言要搵華仔「老竇」做贊助，事後阿倫和克勤更抵死地寫了封巨型 道歉信。 前晚，華仔送上巨型花牌給在演唱的阿倫和克勤，花牌上大致內容為：「深表感謝， 內容出發點充滿正義，言詞幽默發人深省，Thank you.Thank you.Thank you. P.S. 範 我對你們說話絕不介懷，請每晚繼續大講特講。」阿倫在台上讚華仔：「真係有巨星風 ，胸襟廣闊，有咁嘅器量同風度，抵佢紅咁耐。」阿倫又說：「叫埋阿叻(陳百祥)嚟， 咁又要叫張慧儀嚟，又要叫拉丁舞師嚟，教跳舞同打拳都得。」
| |
