|
29-11-01 資料來源：StarEastNet 、成報 阿倫比喻天王是祠堂表叔望大家融洽相處 樂壇校長譚詠麟早前公開批評陳奕迅的「狂言」，更指對方的成績若要與四大天王相 比，實在是十畫都未有一撇。昨日阿倫參加一個高爾夫球賽，對於陳奕迅的態度明顯軟 化，更發表奇怪的「祠堂分豬肉言論」，表示人多總有拗撬，希望事件早日平息。 「歐米茄香港高爾夫球公開賽」由昨日開始舉行，為了隆重其事，大會邀請了不少名 人明星夥拍職業球手舉行前奏賽事。參賽名人包括陳百祥、黃杏秀、譚詠麟、林子祥、 苗僑偉、洪金寶、謝賢、任達華、邢李火原、明美蓮及蕭永豐等。對於陳奕迅昨日召開 記者會，澄清之前發表的「狂言」。阿倫說：「咁咪好囉！其實都冇乜大不了，娛樂圈 就好似一個大家庭，好似祠堂開會咁。舅父仔喺加拿大返咗嚟分豬肉，同表叔言語溝通 唔到，加埋啲親戚傳吓傳吓，就會有誤會，就係咁簡單，出嚟調停番就冇事。我都希望 佢冇咁講過。」 祠堂大一定有拗撬 記者笑問他不會趕走舅父仔，不分豬肉給他嗎？阿倫笑說：「唔會，個祠堂咁大你係 咪太公呀？哈哈！我係鄉紳父老啫！咁大個祠堂，實有拗撬喇！希望佢今次開記者會跨 欄成功啦！如果唔係我又要開跨欄班。」問到他這句說話是甚麼意思？阿倫謂藝人見到 記者就如同見到一個欄，如果答得不好就會跌低。
| |
|
26-11-01 資料來源：東方日報、Show8 周永恒批評天王，譚校長責應聲蟲 譚詠麟有樂壇校長之稱，地位超然，每逢樂壇發生是非新聞，都會搵阿倫評評理。日 前，陳奕迅批評指三大天王郭富城、劉德華及黎明魅力不再，除張學友外，他不會買其 他三大天王的唱片，阿倫就挺身力撐四大天王，直斥陳奕迅的成績和四大天王比簡直是 十畫未有一撇。 陳奕迅成績豈及天王 阿倫認為，每個藝人都有付出，可以叫做天王就一定交出成績，並非空口講白話，就 算四大天王不是前輩，陳奕迅的言論也是不對，他跟四大天王的成績相比，可謂十畫未 有一撇，更希望陳奕迅不是因為一朝得志而講這些說話。阿倫又大讚謝霆鋒雖然形象給 人反叛的性格，但霆鋒因為識分大小，做事有分寸得人鍾意，至於周永恒站在陳奕迅那 邊說應由新一輩歌手上位，阿倫就直指他為應聲蟲。 昨日，周永恒帶病出席新城電台的活動，當他聽到被阿倫指為應聲蟲，他尷尬的說： 「嗰日我講咗啲乜都唔知，我嘅意思都唔係咁，我冇唔尊重前輩，我係細路仔唔識講嘅 ，求求你放過我，我只係新人咋。(阿倫咁講你傷唔傷心呀？)前輩講嘅，好定唔好都會 聽，我會學吓表達嘅方法，佢咁講都好，起碼知有我呢個人。
| |
|
21-11-01 資料來源：StarEastNet 阿倫對 M 頻道充滿信心，十億市場攻佔 5％ 已有利 東方魅力旗下的 M 頻道，昨日於君悅酒店宴會廳舉行「M 頻道 2002 年節目巡禮」， 譚詠麟表示，整個廣告市場的營業額總值數十億，若然 M 頻道佔有整個市場百分之五 ，已經可以賺到盤滿(金本)滿，所以阿倫以「Give Me Five」作為口號。 昨日，出席「M 頻道 2002 年節目巡禮」的嘉賓包括陳百祥、王晶、陳慧琳、吳君如 、鍾麗緹等數十位嘉賓。東魅主席譚詠麟表示，M 頻道會於香港數千部交通工具，如 小巴、巴士等裝置液晶體顯示屏，而整個中國大陸亦會裝上 M 頻道。 進軍大陸市場 譚詠麟強調今次投資絕對有信心，他說：「香港有幾千部車，過千部小巴，全中國的 巴士都有，而且全中國有十萬部交通工具、食肆、商場等都會見到，每架裝置 M 頻道 都要二萬幾蚊，投資點止四千幾萬。」譚詠麟表示，將來 M 頻道是強勁的媒體，全中 國都會有，快將推行的城市有北京、上海、哈爾濱等，香港及廣州已經開始實行。 廣告收入可觀 譚詠麟希望 M 頻道於廣告市場上能夠佔百分之五，而 M 頻道的內容有消費指南、廣 告、新歌播放。阿倫表示，淨計香港於明年的廣告收入己經達數千萬。
| |
|
11-11-01 資料來源：太陽日報 阿倫開班教東東跨欄媾女大法 譚詠麟前晚錄音時被問及最近東芝戀宣告分手一事，他起初不願置評，他說：「關我 咩事呀！唔關我事嘅嘢我唔會隨便發言嘅！其他人最好都唔好講咁多嘢，費事將件事愈 描愈黑！」但說到東東被指用情不專？阿倫即使維護地說：「東東份人好踏實嘅，但就 唔識控制囉，好似接受傳媒訪問咁，其實就好似跨欄，跨唔過就會跌低，都係等我開班 教授佢先！」 向太踢爆栢芝為忘記感情傷痛而紋上臍環，阿倫聞言笑道：「臍環好小嘅嘢，咁證明 佢嘅傷痛都唔係好大，係大嘅就紋大口環啦！」 阿倫愈講愈開心，繼續講笑說：「為咗慶祝北京申辦 2008 年奧運成功，我決定紋五 個環嚟身度，邊度？最突出嗰度囉！」 然則阿倫又會否效法時下年輕人紋乳環？他聽後即時陰陰嘴但笑不語。
| |
|
07-11-01 資料來源：東方日報 環球以歌聲激勵市民過嚴冬 群星錄歌為經濟低迷出一分力 受「九一一」事件影響，全球經濟陷於低迷，打工仔仲 要承受裁員減薪的雙重打擊，故環球唱片公司香港區總裁 陳少寶有見及此，認為環球作為香港極具影響力的唱片公 司之一，應聯同旗下歌手出一點力，遂召集全體歌手合作 灌錄《上帝愛我(同步過冬)》這首歌，寓意希望上帝眷戀 世人，並激勵大家攜手互助及以正面態度去度過艱辛的困 境。 趕着推出唔預恭碩良 本報記者致電陳少寶了解詳情，他表示：「而家經濟咁 差，所以我發起全體歌手錄一首歌，包括譚詠麟、張國榮 、陳曉東、張栢芝、黃貫中、張燊悅、黃伊汶等，大家都 叫好，除咗恭碩良，佢冇份，因為佢話唔喺香港，而我哋 又趕住錄。(飛起恭碩良係咪同之前雪藏佢嘅傳言有關？) 冇關係。」陳氏更表示最初構思歌曲用來籌款，但礙於手 續繁複，兼趕在十一月尾推出，故擔心傾妥已過春天，配 合不到主題，惟有放棄。 由於阿倫和哥哥都是巨星級，關於排位問題，陳氏坦言 排名不分先後，但暫定頭三句由哥哥唱，阿倫就唱激嘅部 分。而東東同栢芝會唔會一齊錄音？他說：會啩，但要睇 佢哋檔期。」這首歌是改編自張燊悅的《上帝愛我》，重 新填詞和編曲，他說：「我個人好鍾意《上帝愛我》，所 以揀呢首歌改編。(怕唔怕其他歌手話偏心？)冇人講過任 何說話，只係有歌手問過點解啫。」
|
《上帝愛我(同步過冬)》 群星主唱 曲：方樹樑 詞：甄健強 如果這算患難 別讓你太孤單 失意於落漫天的瞬間 熱暖無限 誰的雙手一轉彎 夠讓你心內平淡 一個人嫌冷 擁抱尚未晚 捱不過這極限 用我作你支撐 不過要堅守絕不可折返 暴雪太專橫 獨木舟都要翻 卻沒法阻礙旗艦 一個人拿傘 風會特別猛............ 同步過冬 一起冀待晴天 雙肩不怎麼重 我願雪下過亦帶着希望的手信 走過寒冬 擁抱成功 改天想起這次不算凍 悲傷的偏不要給說中 |
|
| |
