備註:(由於時間關係呢個係臨時日記)

14-1-03

世史test又溫唔哂，又冇得去食飯，咦......

到臨測趕時，阿sir比左5分鐘我地睇多陣，

我就咁睇完答左我0既essay喇，字數都ok

啦，不過合唔合格就唔知喇!其實佢都唔計分，

淨係計project分之嘛，讀黎都唔知做咩?

我諗塙我地溫書掛，算啦、都好0既，睇得幾

多得幾多。

約左又推，又要等!我都唔知自己想點，無幾耐

就會變成咁，我都唔想架，但係控制唔到，

sorry呀!

13-1-03

今日明明唔洗遲到，但係唔想返住，唔返又唔

係幾好，所以食埋早餐先返囉，一返到去佢地

就問我食飽喇?因為知到哂我點解會遲返學嘛，

不愧係我0既好同學，推左你唔同你食飯，一

來因為test，我要開始勤力，二來.....我都唔知

係咩喎?考試考得唔好嘛，都唔知家長日點算好?

咁就淨係個日扮乖女啦。聽日test世史，我溫

左一陣，但係都唔入腦0既，睇黎睇去都係中國

。最終，我11點幾熄燈諗住訓覺。點知，我屋企

人0係出面嘈呢樣嘈個樣，搞到我要出聲叫佢地唔

好嘈，人地訓覺嘛，仲咁大聲講野，有冇搞錯呀?

12-1-03

成個星期之前約去唱k，點知去唔成。有幾下

諗過去搵你，不過都係唔好喇，算數、由佢!

唔好成日問點解啦.......唔鐘意比人問點解呀!

然後搵埋表妹睇<<THE LORD OF THE RINGS>>，

點解咁多人約0既呢?真係唔明呀!但係世上邊

有大家都完全明白、清清楚楚0既野先得架!

因為未夠鐘入場，所以我地一行4人出左青衣

城外面行，電話響起.......我比人話移家算咩態度

呀?睇完戲，去左pizza hut食飯，因為我同

rainbow都想食嘛，咁細佬梗係無得say no

啦，但係我地叫得多野得濟，食唔哂之餘勁飽

都要繼續食，跟住出左去影相，0個度個夜景都

好靚架，我都好耐無去喇，今次無得出去坐添，

好掛住以前0個個感覺呀!

11-1-03

同左舅父去飲茶，好耐無飲過喇!本來約左個

friend0係地鐵站到等，點知佢未得、仲

0係屋企，我飲完茶又唔想返屋企，於是去

左元州商場兜左個圈。嘩!你估下我見到d咩

?我見到我0既最愛呀!-------咪就係麵包超人

囉，個度有佢0既木馬公仔呀，仲齊哂4隻添

。我本來見到佢張poster趕時都有諗住買

架，不過當我0係旺角見到有趕時，無之前咁

靚囉!所以諗住買0既念頭打消左lu，然後入左

青衣接我個friend。

之後去睇<<金雞>>，本來應該一早睇左架喇，

不過........算啦!同你睇仲好，雖然遲左入場，

但係都幾爆笑呀!由其係劉德華0係電視機爬出

黎之後，真係笑死呀!都係你啦，搞到咁遲先出

去，冇得探麵包超人喇!晚餐就0係阿"黃"間餐廳

食，同我想像個間唔同喎!點解次次都係人地生

日先同到你食飯架??

10-1-03

捐血日-----第一次捐血呀!心情梗係緊張啦，

我地一路等一路煩究竟打唔打好呢?唔打就插一

枝針，打就兩枝針，負責個d人就話女仔最好都

係打麻醉針喎，所以我咪打左囉。其實打唔打都

係一樣，因為打左麻醉藥然後再打個枝都feel

唔到啦，不過可能唔打0既話拎返枝針趕時會痛

d，我0既第一次就咁就0係今日比左紅十字會

，不過Ivy無得捐呀!因為佢媽媽唔比，咁都無計

啦，但係我阿媽就連我捐血都唔知，我叫佢簽名

佢就簽，一d都無關心過係咩事?其實做人阿媽

都幾辛苦架，你問得多、關心個女，佢就嫌你煩

住哂，問長叵短；唔問，佢又話你唔關心佢，成

日唔理你。你睇，做人幾矛盾!

9-1-03

開工0既第二日，整黎整去都睇唔到，搞到我

有把心一橫唔整喇0既諗法，但係最終傾完電

話又去整過，因為悶嘛!書又唔溫住，又無功課

做，又無得傾電話喇，惟有繼續整囉!

上班主任堂趕時，有人提出話要調位呀!我地梗

係反對啦，因為我地坐0係一齊個d都勁熟，而

且又離考試唔係好耐，照坐咪算囉。佢要調位我

地就要分開，好唔捨得呀!死啦，我講左幾句野，

佢叫我試下坐前面呀!希望佢唔會真係調我去前面

坐啦!雖然我地都無預會坐返一個好似移家咁好

0既位，但係我真係唔想坐第一行呀!

8-1-03

今日係我開始整我0既網頁0既第一日，

自從前年為左交功課整過，之後都冇再整

，足足成年喇!因為生疏0既關係，我坐左

0係部腦前面成日咁濟，由放學整到訓覺，

搞到自己都有d唔係咁舒服，都係整左少少

。希望可以0係一星期內整好，因為抖左成

個星期黎整網頁，跟住要勤力讀書架喇!仲有

呀，本來已經知考試考得唔好，移家仲要又多

一科...........對自己極度失望呀!阿媽雖然有心理

準備，但係我諗佢無預到我咁差囉!