|
|
- 舊日記中o既他...直到而家我最愛而令到我最心痛o既Ex-boyfriend.....
- 鍾意車,
鍾意影相, 鍾意Twins,
勁鍾意大x
- 唔鍾意英文,
唔鍾意人測驗話唔識,跟住又好高分,
唔鍾意我
- 重朋友,
對每個Friend都好好(特別係女仔).....<<除左我之外>>.....
對個個女仔都好照顧,
覺得女仔應該受保護,
但係o係佢心目中(我係男人)
成日講友誼永固,
成日套人o地講秘密,
自己o既秘密就收收埋埋....
想法奇怪,
認為可憐 = 關心,
創立鍾意少少又唔鍾意晒o既理論...
有d 女性化,
好感性,
最怕人污糟....
- 佢話第時教仔女,
第一樣要教佢有義氣,
唔聽話就要打....
|
| [
相處時深刻的事 ] ------------------------------- |
- 第一次對佢有印象係因為佢帶粗框眼鏡,
所以好易認....
- 到F.3因為一齊學鼓所以就識左佢....
- 第一次撩佢講野,
係因為佢標奇立異, 著對奇奇怪怪o既銀色鞋返學....
跟住條友無端端走黎問人拎電話....
- 後期我Keep住每個星期六都會打俾佢,
打得多驚佢嫌煩....
不過同佢講電話成日都(((Dead
Air)))所以打俾佢之前我都會好努力咁度定有咩講,
雖然少野講,
但係我次次都唔捨得收線,
因為咁我多次俾佢發脾四,
鬧到我死....
- 第一次同佢出街係去睇<<戀愛起義>>....好記得套戲好悶...佢個人都好悶...
- 唔知由幾時開始我鍾意左佢,
開頭不太認真....後來難以自拔.......
個個都會睇得出我對佢最好,
最在乎佢,
淨係得佢感受唔到.....
好努力咁織條頸巾俾佢,佢一句彈埋o黎話唔太鍾意.....
聖誕節佢話想要冷帽, 我走遍全個旺角搵一頂我覺得靚o既冷帽...
佢又一句彈埋黎話頂帽怪....我肯定佢一次都冇帶過頂帽.....
對住佢確實係吃力不討好....
- 分手後佢講盡令我心痛+
難過o既說話,
鍾意o係我面前讚其他女仔,
唔靚o個個都讚人地好有內在美,
而我總係一無是處.....
- 對佢鍾意o既女仔會講盡所有,
令人感動煽情o既說話...仲要令全世界都知道...
但係對住我o既時候佢係一句咁o既說話都冇講過....
而且要我做一個唔見得光o既女友,
o係佢心目中我永遠卑微低等.....
- 曾經以為終有一日佢會愛我,
對我好, 但係呢一日我等一世都等唔到....
曾經以為佢不懂溫柔, 原來只不過係佢對住我先唔溫柔.......
- 我唔係咩都賴佢,
但係我覺得我係因為佢改變左我o既性格,
改變左我整個人生觀...
我變得前所未有咁失落
+
自卑, 我再唔識同人相處,
亦都再唔敢同人相處,
為左唔想失去, 我寧願從來沒有,
直到而家我都仲未可以復原....
我仲會因為佢愛其他女仔而心痛,
我仲會為佢讚其他女仔而生氣....
對佢鍾意同埋俾佢讚o既女仔,
我真係妒忌不已.....
- 我想同佢講我唔係憎佢,
只係憎自己點解放唔低.....
我已經好狠心咁delete左佢o既E-mail,
佢o既icq, 一D有關佢o既日記.....
但係我o既生活總係離唔開有佢, 我新寫o既日記仲係不時有佢.....
其實我係非常非常咁稀罕佢同我講野,
非常非常咁想佢關心我.....
唔啋佢係因為我好努力咁放低,
好努力咁忘記....(咁樣其實好辛苦o架)...
我恨自己點解唔可以早一年出世,
咁樣我就可以同佢一班,
做佢o既朋友...
我覺得做佢o既朋友一定會好幸福....至少可以同佢一齊開心,
一齊笑吧....
|
| [
期望將來會... ] ------------------------------ |
|
|
|